LUQAASI 11:40 - Qullaawa Maxaafa

⁴⁰ Ki'ne gowwootu, gobbayido kalaqinohu giddoyidono dikalaqino?

LUQAASI 11:40 ပူးပေါင်းရင်းမြစ်များ

KALAQAMA 1:26

Hakkunni gedensaanni Maganu, «Manna daninkenninna suudinkenni kalanqo; mannuno baaru giddo hee'ranno qulxu'me, iima buubbanno cea, saadatenna baattote aana godowunni ha'ranno kalaqama, hattono baatto baala gashshona» yii.

KALAQAMA 2:7

Kaaliiqi Maganu baattote aaninni bushsha haa're, manna bushshunni seekki; sanosirano lubbo aanno foole ufuufi; mannuno lubbo noosi kalaqama ikki.

FAARSO 14:1

Gowwootu wodaninsanni, «Maganu dino» yitanno. Loosinsa bushahonna hashakki'ne gimbanniho. Dancha looso loosannohu dino.

FAARSO 33:15

Wo'munku wodana kalaqinohu, loosonsa baala egennino.

LAWISHSHA 1:22

Iseno, «Ki'ne egenno xe'ino'neri, hambe'nenni heedhinannihu mamooti geeshshaati? Egennote aana haariintinannihu mamooti geeshshaati? Egenno gibbinannihuno mamooti geeshshaati?

LAWISHSHA 8:5

Ki'ne wodana shotu manni hayyo rosse; ki'ne hawanyootu egennaamma ikkate jawaatte.

ERMIYAASI 5:21

‹Gowwootunna balalootu, hanni wodanche! Ille heedheennanni affinannikkiri, macca heedheennanni macciishshitinannikkiri, konne coye macciishshe› yite kuli.

ZAKKAARIYAASI 12:1

Gordo diriirsinohu, baatto kalaqinohu, mannahono heeshshote foole uyino Kaaliiqi Israeelete soyino sokka,

KIIRO 16:22

Musenna Aarooni kayinni alba higge gombisante, «Mannu baalunkura lubbo worootto Magano! Mittu manchi loosino cubbira wo'munkura hanqatto?» yitanni woxarattu.

MAATEWOOSI 23:17

Ki'ne illiweeltinoonni hawanyooti, ‹Culkunna culka qullaawa assanno Mini Qullaawu woyite rooru hiikkoonneeti?›

MAATEWOOSI 23:26

Ati illiweelu Farisichi, balaxxe finiinchonna xilte giddoyido biifisi. Hatto assittoro gobbayidino biifinoha ikkanno.

LUQAASI 12:20

Maganu kayinni, ‹Koo hawanya, kunni hashshinni lubbokki atewiinni haa'nanni. Tini gamba assi'rootto jiro ayera ikkitanno?› yiisi.

LUQAASI 24:25

Yesuusino, «Ki'ne wodanchitinannikkirinna himanaano coyidhinore baala ammanate wodanu dunkino'neri!

UMI QORONTOOSI 15:36

Ati gowwu! Wixi'ratto gidi reya hoogiro heeshsho afi'rannoni?

IBIRAAWOOTA 12:9

Wole widoonni, qorichishshannonketi iltino annuwa noonke; insano ayirrinsoommo. Hatto ikkina, lubbotenni hee'rate ayyaanunni Anna ikkinonkehura roorsine mayira dihajajammeemmo?