LUQAASI 11:34 - Qullaawa Maxaafa

³⁴ Illekki mannimmakki caabbichooti. Illekki fayyo ikkituro, mannimmakki baala xabbanno. Illekki fayya hoogguro kayinni, mannimmakki baala tunsitanno.

LUQAASI 11:34 ပူးပေါင်းရင်းမြစ်များ

KALAQAMA 19:11

Hakkunni gedensaanni, gobbaanni noo manna aja akkala baalanka ille ballisseenna waalchu noowa hasse hooggu.

FAARSO 119:18

Seerikki giddo nooha dhaggete halaale laeemmo gede, ille'ya fanie.

FAARSO 81:12

Kunnira, hettisamatenna wodaninsa gede heedhara, wore agurummonsa.

LAWISHSHA 21:4

Boonaleessaho, boollaqi'rannohuranna bushaho caabbichinsa cubboho.

LAWISHSHA 28:22

Hafuuraamu manchi jirotella hagaaganno; buxima daggannosita diegennino.

ISAYAASI 29:10

Kaaliiqi jalli assino'ne daafira goxano adhite ba'ino'ne. Himanaanonna ajuuja la'annori mannaho ille ikka hasiissinonsa; Kaaliiqi kayinni illensa beeshshino.

ISAYAASI 42:19

Soqqamaanchi'yanni roore ballichu nooni? Soqqeemmo sokkaancho agurranna macciweelu wolu ayeti? Ani, ‹Kaaliiqira aamamoommo soqqamaanchooti› yaannoha agurranna ballichu hiikko no?

ISAYAASI 44:18

Hattoo manni mittoreno afannokki gede wodananna ille beewinoho.

ISAYAASI 5:20

Busha, danchaho; dancha bushaho; tunsicho xawaabbaho; xawaabba tunsichoho; qaraarannoha coommannoho; coommannoha qaraarannoho yitannorira aanne'e!

ISAYAASI 6:10

Ati marte la'annokki gede, macciishshitannokki gedenna huwattannokki gede assi. Qolteno illensanni la'e, maccansanni macciishshite, wodaninsanni wodanchite anewa higge hurtannokki gede, wodanansa dillaawinoha, maccansa beebbinota, illensano tunsitinota assi» yii.

ERMIYAASI 5:21

‹Gowwootunna balalootu, hanni wodanche! Ille heedheennanni affinannikkiri, macca heedheennanni macciishshitinannikkiri, konne coye macciishshe› yite kuli.

MAARQOOSI 4:12

Hatto ikkannohuno, « ‹Insa Maganunniwa higgeenna, cubbo agurransara, la'anni heedhenni dibuuxxannoreeti; macciishshitanni heedhenni diwodanchitannoreeti› yinoonni garinniiti» yiinsa.

MAARQOOSI 7:22

foorrete, yortote, bunshete, xagarrote, amanyootiweellete, dhiibbete, hemete, boo'nate, yamalaimmate.

MAARQOOSI 8:18

Ille heedheenna'nenni dila'inanni? Macca heedheenna'nenni dimacciishshitinanni? Qulli diyaanno'ne?

LUQAASI 11:35

Giddokki noo xawaabbi tunsannokki gede agadhi.

SOQQAMAASINETE LOOSO 13:11

Xa Maganu anga gantannohe; ballicha ikkatto; yannate geeshsha arrishsho diafatto» yiisi. Hakkawoyintenni guunjonna tunsichu illesi beeshsheenna, haatate massagannosiha hasi'ri.

SOQQAMAASINETE LOOSO 2:46

Barru barrunkunni Qullaawa Mine mitteenni gamba yitanno. Minensa sagale ittanni, hagiirrunninna hisatu wodaninni heedhanni,

SOQQAMAASINETE LOOSO 26:18

Illensa fanattonna tunsichunni xawaabba fushshattonsara, Sheexaanu gashshooti giddonni Maganunniwa qolattonsa gede asseemmohe. Insa ane ammanansanni cubbu maaro afidhanno; doorantinori ledono iqqa adhitanno.›

LAYINKI QORONTOOSI 1:12

Ninke adawadhineemmo coyi konneeti: Kuni coyi halaale ikkinota tii"inke kulannonke. Wolu manninna roorsineno ki'ne ledo noonke xaadi, Maganuwiinni afi'noommo qullaambenna sumbete aana xintaminoho. Kuni ikkinohu, Maganu eltonniiti ikkinnina mannu egennonni di"ikkino.

LAYINKI QORONTOOSI 11:3

Hamashshu Heewani xagare so'risiisinte gede, miteekkite ki'ne hedono ba'eenna Kiristoosira noo'neta taalonna xalala ammanama'ne agurtinanni yee waajjeemmo.

LAYINKI QORONTOOSI 4:4

Ammantinokkiri Maganu lawishsha ikkinohunniha Kiristoosiha Danchu Duduwi xawaabba ayirrinyunniha affannokki gede, wodanansa tenne gobba magani beeshshino.

EFESOONI SOKKA 1:17

Ayirradu Anni Mootichinke Yesuusi Kiristoosi Magani, leddine buuxxinannisi gede, egennonna go'lino coye leellishanno Ayyaana aanno'ne gede huucci'reemmo.

EFESOONI SOKKA 6:5

Borojje! Uullate aana biilla ikkitino'nerira Kiristoosira soqqantinanni gede ikkitine, taalu wodaninni waajjatenninna ayirrinyunni hajajammensa.

QOLASIYAASI SOKKA 3:22

Ki'ne faantootu! Biilla'nera baalunku coyira hajajamme; insa hagiirsiissinara yitine leellamate ikkikkinni, taalu wodaninni Mooticha waajjitinanni ikkona.