LUQAASI 10:9 - Qullaawa Maxaafa

⁹ Hakko katami giddo noo dhiwamaasine hurse; mannahono, «Maganu gashshooti ki'newa gamba yiino» yitine kulle.

LUQAASI 10:9 ပူးပေါင်းရင်းမြစ်များ

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

MAATEWOOSI 3:2

Himanaanchu Isayaasi, «Kuneeti gordu Gashshooti gambisinona, cubbo'ne aagintaabbe!

MAATEWOOSI 4:17

Hatte yannanni kayise Yesuusi, «Gordu Gashshooti gambisinona, cubbo'ne aagintaabbe!» yaanni rosiisa hanafi.

MAARQOOSI 4:30

Yesuusi lede coyi'ranni, «Maganu Gashshoote mayinni lawinseemmo? Woy mayinni masalsine kulleemmo?

MAARQOOSI 6:13

Batinye durriisa fushshitu; lowo dhiwamaanono zayite buurte hursitu.

LUQAASI 10:10

Martinoonni katami manni hagiidhe haa'ra giwi'nero, katamu gudumaale fultine,

LUQAASI 10:11

«Katami'neta lekkanke buko ganga'ninoommo. Maganu Gashshooti ki'newa gamba yiinota kayinni affe» yiiyyensa.

LUQAASI 9:2

Gordu Gashshooti gamba yiinota manna baalaho kultanno gedenna dhiwantinore hursitanno gede soyinsa.

YOHAANNISI 3:3

Yesuusino qole, «Halaale kuleemmohena, mannu layinkimeeshsho ilama hoogiro Maganu gashshoote la"a didandaanno» yiisi.

YOHAANNISI 3:5

Yesuusino, «Halaale kuleemmohena, mannu wayinninna Qullaawu Ayyaaninni ilama hoogiro, Maganu gashshoote ea didandaanno.

SOQQAMAASINETE LOOSO 28:28

«Xa kayinni tenne Maganunnita gatisaanchimmasi sokka dagate sonkoonnita affe; insano, ‹Maahoyye› yite adhitanno» yii.

SOQQAMAASINETE LOOSO 28:31

Maganu gashshootire kulanni, Mootichu Yesuusi Kiristoosireno ittisannohu nookkiha ruxxi yiikkinni rosiisi.