LUQAASI 1:78 - Qullaawa Maxaafa

⁷⁸ Maganinke maarannohanna shaqqado ikkinohura, gatote caabbichi gordunni xawannonke gede assanno.

LUQAASI 1:78 ပူးပေါင်းရင်းမြစ်များ

FAARSO 25:6

Kaaliiqa eeggate, hundinni kayise noore, maarokkinna bagamannokkiha baxillekki qaagi.

ISAYAASI 11:1

Isseyi cifichi ciiranno; rumushshisi giddonni mittichu guma laalanno.

ISAYAASI 42:16

Balloota hadhe egentinokki doogo, affe egentinokki faro qole haa're ha'reemmonsa. Albansaanni noo tunsicho xawaabba asseemmo; gudaagundo ikkino darga taashsheemmo. Konne coye baalanka coyi'roommohu aneetina, wonshummokkinni diagureemmo.

ISAYAASI 63:15

Kaaliiqa Magano! Qullaawunna ayirradu dargira gordoho heedhe kawa qolte lai. Laalakkinna wolqakki mama no? Shaqqillikkinna mararrokki ninkewiinni xeertidhino.

ISAYAASI 63:7

Kaaliiqi assinonkerira baalaho, Israeelete manna mararino mararrora, bati'ru hegere baxillisinna shaqqillisi daafira, Kaaliiqiha dancha loososinna galatasi duduweemmo.

ZAKKAARIYAASI 3:8

Qeesootu qara Iyyaasu, Macciishshi! Ki'neno ledosi soqqantinannirinna albillittete ikkannorira, danchu coyi malaate ikkitinoonniri konne coye wodanche; kuneeti, «Sina» yine woshshinanniha soqqamaancho'ya leellisheemmo.

ZAKKAARIYAASI 6:12

Hakkunni gedensaanni, Olantote Mootichi Kaaliiqi, ‹Sinaho yinanni manchi sinu gede ikke lophe aneha Qullaawa Mine galagalche minanno.

MILKIYAASI 4:2

Hajajantinannierira ki'nera kayinni gatote arrishsho fultanno'ne; qolteno hursitanno'ne. Ki'neno fafisidhine usurunni tirroonni siitti gede ikkitine burraaqqinanni.

KIIRO 24:17

«Xaare ikkikkinni albillittennire laeemmo; mulire ikkikkinni xeertonnire illachisheemmo. Israeelete gosa laeemmo; hattenne gosa giddonni, moote bakkalchu gede ikke fulanno. Moaabi roorroota gananno; Seeti sircho baala cancananno.

YOHAANNISI 3:16

Kunni garinni Maganu baattote aana noo manna baala baxino daafira, iso amma'ninohu baalu hegere heeshsho afi'ranno gede ikkinnina ba"annokki gede, Maganu mitto Beettosi uyino.

EFESOONI SOKKA 5:14

Xawaabbu baalanka coye xawise leellishanno. Kunnira: «Ati goxxe noottohu baqqi yii! Reyotennino kai! Kiristoosi xawisannohena» yinoonni.

FILIPHISIYUSI SOKKA 1:8

Ki'ne baalanka Kiristoosi Yesuusi baxanno'ne garinni baxeemmo'neti halaale ikkitinota Maganu egennino.

FILIPHISIYUSI SOKKA 2:1

Kiristoosinni heedhinanni heeshsho jawaachishshanno'ne; baxillisino sheshifachishanno'ne; Qullaawu Ayyaani ledo mittimma afidhinoonni; mimmiti'nera mararronna shaqqillu noo'ne.

QOLASIYAASI SOKKA 3:12

Xa Maganu doodhino manni gede qullaawootanna baxantinoonnire ikkitine mararro, joongille, shaqqille, shooshanqenna cinca, uddanote gede assitine uddidhe.

LAYINKI PHEEXIROOSI 1:19

Konneno roorsine xunsineemmo gede assinonkehu himanaanote qaali noonke; kuni qaali hashshu sooda geeshshanna bakkalchu beeddakko wodaninke giddo xabba geeshsha, mannu tunsichu giddo xawanno caabbichira qorophannonte gede, konni qaalirano qorophitiniro danchaho.

UMI YOHAANNISI 3:17

Mannu tenne gobba jiro heedheennasi, qarraminoha rodoosi afe marara hoogiro, Maganu baxilli giddosi hiitto ikke hee'ranno?

YOHAANNIS AJUUJA 22:16

Yesuusi, «Ani konne coye farci'ranno gede sokkaasincho'ya beetekiristaannate soommo. Ani Daawiti rumushshootinna isi sirchooti; soodimaroho xawanno bakkalchooti» yii.