LUQAASI 1:6 - Qullaawa Maxaafa

⁶ Lamunku Maganu albaanni hajajosinna Seerasi minshanniri nookki garinni agadhitanni keeraanchimmatenni heedhino.

LUQAASI 1:6 ပူးပေါင်းရင်းမြစ်များ

KALAQAMA 17:1

Abiraamira 99 diro ikkisi yannara Kaaliiqi leellesi, «Ani Wo'mankare Dandeemmo Maganootina, ane ledo qaafi; wo'ma woyite dancha coye assi.

KALAQAMA 6:9

Nohi yannara ikkino coyi aane nooho: Nohi keeraanchoho; bunshe assannokkihonna Maganu ledo qaafanno manchooti.

KALAQAMA 7:1

Kaaliiqi Nohira, «Ati maatekki baala haadhe amo markaawete giddora ei; kalqete manni mereero ati callu keeraancho ikkoottota afoommo.

UMI MOOTOOLLA 15:5

Kaaliiqi hatto assinohu Daawiti Hitichu Ooriyooni aana loosino cubbo agurranna lubbotenni noo geeshsha isi baxanno coye assino daafiraatinna hajajosino seekke agadhinohuraati.

UMI MOOTOOLLA 9:4

Atino annikki Daawiti gede halaalunninna ammanamatenni soqqamittoero, seera'ya agadhittoronna hajajoommohere baala wonshittoro,

LAYINKI DUDUWO 17:4

Annisi Maganono magansi'rino; isira hajajamino; Israeelete mootoolla gede busha looso diloosino.

IYYOOBI 1:1

Uutsi yinanni gobbara mittu Iyyoobi yinanni manchi no. Iyyoobi bunshetewiinni fafe Magano waajjannohonna sao nookki keeraanchooti.

IYYOOBI 1:8

Kaaliiqino Sheexaaneho, «Halaalinta soqqamaancho'ya Iyyoobi wodana assite laittoni? Isi gede keeraanchunna suwashshu, bushu coyi baalunkuwiinni fafe ane ayirrisanno manchi wolu dinona» yiisi.

IYYOOBI 9:2

«Ki'ne yitinanniri baalu halaale ikkinota afoommo; kayinnilla, mannu Maganu albaanni keeraancho ikkara dandaannoni?

FAARSO 119:6

Hajajokki baala seekke agadhummoro, saalu horonta diamadannoe.

LUQAASI 1:7

Ikkollana, Elsaabeexi gaana ikkitinohura ooso dinonsa. Lamunku lowo geeshsha geedhitino.

LUQAASI 16:15

Yesuusi kayinni, «Ki'ne umo'ne mannu albaanni keeraano lawissinanni; Maganu kayinni wodana'ne afino. Mannu albaanni ayirrado lawannohu Maganu albaanni shalaminoho» yii.

LUQAASI 2:25

Hatte yannara Yerusaalamete Simiooni yinannihu mittu manchi no. Isi Maganoho galino keeraanchooti. Israeelennita gatote hexxo agadhanni hee'rino; Qullaawu Ayyaanino ledosi no.

SOQQAMAASINETE LOOSO 2:25

Daawiti isire, ‹Wo'manka woyite Mooticha alba'yaanni nooha afoommo; qiniite'yaanni noo daafira dimaseemmo.

SOQQAMAASINETE LOOSO 23:1

Phaawuloosi songo duu're lae, «Roduuwa'ya, techo geeshsha Maganu albaanni wodani'yanni dancha hedannilla noommo» yii.

SOQQAMAASINETE LOOSO 24:16

Kunnira mannunna Maganu albaanni wo'manka woyite dancha hedo heedhannoe gede jaateemmo.

SOQQAMAASINETE LOOSO 8:21

Wodanikki Maganu albaanni suwashsho ikkinokki daafira, ati tenne kaayyo beeqqaasincho ikka didandaatto.

ROOMU SOKKA 8:4

Konne assinohu maalu hedo garinni ikkikkinni, Ayyaanu hedo garinni hee'neemmori ninke, Seeru hajajo wonshineemmo gedeeti.

UMI QORONTOOSI 11:2

Baalunku coyinni qaagginanniehuranna rosiisoommo'ne coye seekkitine amaddinoonnihura, lowo geeshsha galateemmo'ne.

LAYINKI QORONTOOSI 1:12

Ninke adawadhineemmo coyi konneeti: Kuni coyi halaale ikkinota tii"inke kulannonke. Wolu manninna roorsineno ki'ne ledo noonke xaadi, Maganuwiinni afi'noommo qullaambenna sumbete aana xintaminoho. Kuni ikkinohu, Maganu eltonniiti ikkinnina mannu egennonni di"ikkino.

MARRO 5:33

Lubbotenni heedhinanni gede, seyanno'ne gedenna ragidhinanni baatto aana seeda diro heedhinanni gede, Kaaliiqi hajajino'nere baala wonshe.

FILIPHISIYUSI SOKKA 2:15

Hatto ikkiro, bushanna shokkashsho ilama mereero saalsiisannorinna mishiishannori nookkiha fayyaaleeyye Maganu ooso ikkitine gobba baalate aana beeddahimma xabbinanni.

QOLASIYAASI SOKKA 1:22

Xa kayinni qullaawootanna fayyaaleeyye, kullanniri nookkire asse albisira shiqisha'nera, maalu reyo Beettisite widoonni qole Maganu umisi ledo araarsino'ne.

UMI TESELONQE 3:13

Kunni garinni, Mootichinke Yesuusi isire ikkitinori baalu ledo daanno waro, Maganu Anninke albaanni minshanniri nookkirenna qullaawoota ikkitinanni gede wodana jawaachishanno'ne.

LAYINKI PHEEXIROOSI 3:14

Kunnira, jaalla'ya! Kuni baalu ikkanno barra galaalchitinanni heedhiniro, Mootichu saalunna minshanniri nookkire ikkitine keere heedhineenna afi'ranno'ne gede feeffattine heedhe.

UMI YOHAANNISI 2:29

Isi keeraancho ikkinota affiniro, keeraanchimmate looso loosannohu baalu Maganu ila ikkinota egenne.

UMI YOHAANNISI 2:3

Maganu hajajo wonshinummoro, iso egenninoommore ikkinoommota tennenni anfeemmo.

UMI YOHAANNISI 3:7

Ooso! Ayino dogoonke'ne; isi keeraancho ikkinonte gede, keeraanchimma assannohu keeraanchoho.