LUQAASI 1:46 - Qullaawa Maxaafa

⁴⁶ Maariyaami, «Wodani'ya Mooticha galatanno;

LUQAASI 1:46 ပူးပေါင်းရင်းမြစ်များ

FAARSO 35:9

Hatte yannara, anera Kaaliiqinni tashshi yaannoe; gatisasinnino hagiidheemmo.

ISAYAASI 45:25

Israeelete sircho ikkinohu baalu, ane Kaaliiqinni qeellenna ayirrinye afi'ranno» yii.

ISAYAASI 61:10

Anera Kaaliiqinni tashshi yaannoe; lubbo'ya Magani'yanni lowo geeshsha hagiidhitanno. Uddisiisinoeti gatote uddano, seenne adhanno beetti umoho wodhino ba'lattonna, adhantanno beetto wodhitino irri gede biiffinote; keeraanchimmate seemmano aanaho ledinoe.

ROOMU SOKKA 5:11

Konne calla ikkikkinni, Maganu ledo araarsinonkehu Mootichinke Yesuusi Kiristoosi widoonni hinge Maganunni hagiidhineemmo.

UMI QORONTOOSI 1:31

«Adawadhannohu Magano adawadho!» yine borreessinoonnihu kunniraati.

LAYINKI QORONTOOSI 2:14

Ikkollana, wo'ma woyite Kiristoosinni qeellennire assanni, ninke widoonni qole darga baalaho egennosi su'niille iillishanno Maganira galatu galosi.

FILIPHISIYUSI SOKKA 3:3

Magano Qullaawu Ayyaaninni magansi'neemmorenna, illete leellanno seerinni ikkikkinni Kiristoosa Yesuusa adawadhineemmore ikkinoommohura halaalunni barcimmoommori ninkeeti.

FILIPHISIYUSI SOKKA 4:4

Wo'manka woyite Mootichunni hagiidhe. Lede yeemmona, hagiidhe!

UMI TESELONQE 5:23

Keeru Magani baalunku coyinni qullaawoota asso'ne. Ayyaani'ne, lubbo'ne, mannimma'ne baala, Mootichinke Yesuusi Kiristoosi daanno yannara mishama nookkiha agarante heedho.

UMI PHEEXIROOSI 1:8

Yesuusa Kiristoosa la'inoonnikkiha ikkirono baxxinannisi. Xa la'inoonnisikkiha ikkirono, ammantinannisi; kulle dandiinannikkihanna ayirrado hagiirre hagiidhitinanni.