LUQAASI 1:20 - Qullaawa Maxaafa

²⁰ Ati kayinni yannasira wo'mannoha qaale'ya diammanootto. Kunnira, kuni kulummohe coyi baalu wo'ma geeshsha danqicha ikkatto; coyi'rano didandaatto» yiisi.

LUQAASI 1:20 ပူးပေါင်းရင်းမြစ်များ

LAYINKI MOOTOOLLA 7:19

Hakku reyi manchi kayinni, «Kaaliiqi gordo fane gide xeenimma dirriseenna nafa kuni ikkara didandaanno» yiino. Elsai qole, «Kuni coyi ikkanna illekkinni la"atto. Ati kayinni mittoreno suumekkinni dikisatto» yiinosi.

LAYINKI MOOTOOLLA 7:2

Hakko mereero mootete gamba yiino amaalaanchi Elsaira, «Kaaliiqi gordu waalcho fane gide xeenimma dirrisiro nafa kuni ikkara didandaanno!» yii. Elsaino, «Kuni coyi ikkanna illekkinni la"atto. Ati kayinni mittoreno suumekkinni dikisatto» yiisi.

FULO 4:11

Kaaliiqino qole Musera, «Mannaho afoo kalaqinohu ayeti? Danqicha woy macciweelo, illete afannohanna illiweelo kalaqinohu ayeti? Konne baalanka assoommohu ane Kaaliiqa di"ikkoommo?

ISAYAASI 7:9

Israeelete umino Samaariyaholla; mootensano Faaquheetilla. « ‹Amma'natenni kaajjitine uurra hoogginiro, horonta diheedhinanni yiino› » yoommo.

HIZIQEELI 24:27

Hakko barra, danqe hee'rannohu afiikki fa'nanno; hakko manchi ledono hasaawatto. Mannahono malaate ikkatto; insano ani Kaaliiqa ikkoommota affanno» yiie.

HIZIQEELI 3:26

Haxawarroota ikkituro nafa rufattonsakki gede, arrawokki amade danqicha asseemmohe.

DAANIEELI 10:15

Konne coye kulie yannarano coyi'reemmore hooge uulla hige dugunuunoommo.

KIIRO 20:12

Kaaliiqi kayinni Musenna Aarooni, «Israeelete albaanni Qullaawa ikka'ya egensiisate ane addaxxitinoonnikki daafira, konne manna haadhine eemmonsa gobba dimassitinanni» yee rufinsa.

MAARQOOSI 16:14

Hakkunni gedensaanni, Yesuusi tonaamitunku ofolte sagale ittanni heedheenna leellinsa. «Yesuusi lubbotenni no; illenkenni anfoommo» yee kulinonsa manni coye adha hoogansara, kulloonninsare ammana hoogansaranna wodaninsa dillaawara rufinsa.

MAARQOOSI 9:19

Yesuusi, «Ki'ne ammantinannikki ilama, ani ki'ne ledo mageeshshi geeshsha hee'reemmo? Ki'nere mageeshshi geeshsha cinceemmo? Hanni beetto anewa abbe!» yii.

LUQAASI 1:19

Sokkaasinchuno, «Ani Maganu albaanni uurreemmohu Gebirieeliiti. Konne dancha duduwo kulammohera Maganuwiinni soqqame dayommo.

LUQAASI 1:21

Hakko mereero mannu Zakkaariyaasi agaranni no; Qullaawu Mininni fulikkinni keeshshasi kayinni dhagge ikkitinonsa.

LUQAASI 1:22

Zakkaariyaasi Qullaawu Mininni fuli yannara mannu ledo coyi'ra didandiino. Kunnira insa Qullaawa Mine ajuuja leeltinosita affu. Isi afuunni coyi'ra hoogino daafira angatenni malaatisanni kulinsa. Hakko garinni danqicha ikke keeshshi.

LUQAASI 1:45

Mootichu coyi'rinohe coyi wo'mannota ammanoottati ati hiitto ba'raa'roottate!» yituse.

LUQAASI 1:64

Zakkaariyaasi hakkawoyintenni arrawu tidhameennasi coyi'ri; Magano galaxxano hanafi.

ROOMU SOKKA 3:3

Ayihudete giddonni mitu mitu ammanama hoogguro, ammanama hoogansa Maganu ammanama gatissannoni?

LAYINKI XIMOOTEWOOSI 2:13

Ninke ammanama hoongummoro, isi isiniira badhe wodhannokki daafira, wo'manka woyite ammaname hee'ranno» yaannohu qaalisi ammanaminoho.

TIITO 1:2

Tini ammanano hegere heeshsho hexxo aana xintantinote. Kaphannokki Magani tenne heeshsho aankera lowo dirira albaanni hexxo uyinonke.

IBIRAAWOOTA 6:18

Soorramannokkihanna Maganuno kapha dandaannokkire lamenka hexxosinna xaarosi uyinonke. Kunni lamunku coyi widoonni albankeenni noo hexxo seekkine cu'mi'rate dandiineemmo gede, golo ikkannonkehu widira hinge xoonqoommori ninke lowo jawaante afi'neemmo.

YOHAANNIS AJUUJA 3:19

« ‹Ani baxeemmoha baala seejjeemmo; qorichisheemmono. Kunni daafira diinaggaawoottoha ikki! Cubbokkino aagintaawi!