LUQAASI 1:17 - Qullaawa Maxaafa

¹⁷ Himanaanchu Eeliyaasi gede Ayyaanunninna wolqatenni wo'me, annuwate wodana oosonsa widira, hajajamannokki manni wodana keeraanote afa widira soorranno; manna jawaachishe Maganoho qixxeessanno» yii.

LUQAASI 1:17 ပူးပေါင်းရင်းမြစ်များ

UMI MOOTOOLLA 17:1

Geleaadi gobbara Tishibi yinanniwa ilaminohu himanaanchu Eeliyaasi Akiaabira, «Soqqameemmosihu Israeelete Magani Kaaliiqi afanna, ani coyi'reenna ikka geeshsha 2 woy 3 diri geeshsha baattote aana loju woy xeenu dihee'ranno» yiisi.

UMI MOOTOOLLA 18:18

Eeliyaasino, «Israeelete qarra ani dikalaqoommo. Kaaliiqi hajajo huntine Ba"aali magansi'ratenni qarra kalaqqinoonniri ateetinna annikki mineeti.

UMI MOOTOOLLA 21:20

Akiaabi Eeliyaasi afiti, «Baarigaara'ya afi'rittoeni?» yii. Eeliyaasino, «Kaaliiqi giwanno coye assate umokki sayisse hirootto daafira, eewanni afi'roommohe.

LAYINKI MOOTOOLLA 1:16

«Kaaliiqi, ‹Israeelete Maganu nookkihu gede kiirte, Eqirooni magano Bielizebuuli xa'mahera manna soqqootto daafira, reyattota ikkinnina digatatto!› yiinohe» yee kulisi.

UMI DUDUWO 29:18

Akaakkanke Abirihaami, Yisihaaqinna Yaiqoobi Magano Kaaliiqa, mannakki wo'manka woyite kunni garinni hagiidhanni aannoha assi; wo'manka woyite atera ammanaminoha assi.

LAYINKI DUDUWO 29:36

Hiziqiyaasinna mannu baalunku, konne coye rakke assitanno gede Maganu kaa'linonsa daafira lowo geeshsha hagiidhitu.

FAARSO 10:17

Kaaliiqa, gadadaammu huuccatto macciishshite, jawaachishattonsa; maccakkino insa widira qolte,

FAARSO 111:10

Kaaliiqa waajja egennote umoho; hajajantannosirira baalaho wodancha aannonsa. Kaaliiqira hegere galati iillosi.

FAARSO 78:8

Albi akaakkansa gede haxawarrootanna maahoyye gibbinore di"ikkitanno; albiri kaajjite Magano diaddaxxitinoreeti; Maganohono ammanantino gedeenni diheedhino.

ISAYAASI 29:24

Garu baino manni afa lexxanno; wo'manka woyite gunguntannori kulloonnire adhitanno» yii.

AMOOTSI 4:12

«Israeeli manna, kuneeti kunni garinni qorichishammo'neraati. Halaalenka yoo yeemmo'nehura, ane Magani'ne ledo xaaddinara qixxaabbe» yii.

MAATEWOOSI 11:14

Xa insa coyidhinore adha hasidhiniro, hakku daanno yini Eeliyaasi konne Yohaannisiiti.

MAATEWOOSI 14:4

Yohaannisi Heeroodisira, «Rodiikki galte adhattokki gede Seeru hoolannohe» yiinosi.

MAATEWOOSI 3:3

« ‹Mootichu doogo qixxeesse; doogosino taashshe!› yaanni halalla raaranno manchi huurooti» yee coyi'rinohu Yohaannisi isooti.

MAATEWOOSI 3:4

Yohaannisi uddano gaalu ordanni gannoonnite; hallo sunchunni qodhanno. Sagalesi kanchafarehonna godu malawooti.

LUQAASI 1:16

Isi Israeelete giddonni lowo manni Mootichu Maganinsawa higanno gede assanno.

LUQAASI 1:76

Qolleno, ate beetto'ya, Wo'munkura Aliidi Magani himanaanchooti yinannihe. Atino doogosi seekkate, balaxxe Mootichu albaanni ha'ratto.

YOHAANNISI 1:13

Insa Maganu ilaati ikkinnina, ronsoonni garinni woy mannu hedonni woy mannunni ilantinore di"ikkitino.

YOHAANNISI 1:34

Konne coye anino afoommo; kunni daafira, isi Maganu Beetto ikkinota farci'reemmo» yee coyi'ri.

YOHAANNISI 3:28

‹Ane alba qollella sonkoonnieta ikkinnina, Kiristoosi ane di"ikkoommo› yee kuloommo'neta ki'nenni affinoonni.

SOQQAMAASINETE LOOSO 10:33

Atewa manna soqqoommohu kunniraati; atino dancha dayotto. Xa Mootichu kulattora hajajinohere baala macciishshate, ninke baalunku Maganu albaanni gamba yine hee'noommo» yii.

ROOMU SOKKA 9:23

Hatto assinohuno, umo asse ayirrinyeho qixxeessinorira maarote uduunnira ayirrinyisi batinye leellishara yeeti.

QOLASIYAASI SOKKA 1:12

Qoleno xawaabbu gashshooti giddo qullaawootu ledo iqqa adhitinanni gede assino'neha Magano Anna hagiirrunni galattesi.

LAYINKI XIMOOTEWOOSI 2:21

Sholladu coyiwiinni baxxe keeraa'me hee'rannohu, ayirrado hajara hasi'nanni uduunnicho ikkanno. Dancha soqqanshora qixxaawinohu, Mootichaho qullaawanna kaa'lanno uduunnicho ikkanno.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

UMI YOHAANNISI 2:28

Ooso! Xaate kunni ka'a isi daanno yannara komo yinummokkinni albisira addaxxine shinqeemmo gede, isinni heedhe.

YOHAANNIS AJUUJA 20:4

Hakkunni gedensaanni yoote roorre uyinoonniri ofolte noota ayirrado barcimma afummo. Yesuusi xawisino halaale farcidhinohuranna Maganu qaali daafira goowansa gorrinoonni manni lubbuwa afummo. Insa moyicho woy misilesi dimagansidhinoreeti; moyichu malaateno albinsaranna angansara diwodhitinoreeti. Insa reyotenni ka'e Kiristoosi ledo kume diro mookku.

UMI SAAMUEELI 7:5

Hakkunni gedensaanni Saamueeli Israeelete mannira, «Ki'nera Kaaliiqa huucceemmona, baalunku Mitsipha gamba yiiyye» yii.