LUQAASI 1:10 - Qullaawa Maxaafa

¹⁰ Qullaawa Mine hixaana giirranni yannara mannu baalu gobbaanni uurre huucci'ranno.

LUQAASI 1:10 ပူးပေါင်းရင်းမြစ်များ

FAARSO 141:2

Huuccatto'ya hixaanu gede, diriirtinota anga'yano hawarro kakkalo gede assite lai.

HIZIQEELI 46:3

Fooliishshote Barranna Aganu Leellihunni umi barra, mannu baalu waalchu ragaanni kumbuule ane Kaaliiqa magansi'rona.

LEEWAAWOOTA 16:17

Aarooni cubbo agursiisara Qullaawu Holgira e"e umisiha, minisi mannihanna Israeelete manni baalunku cubbo agursiise fula geeshsha ayino Xaadu Dukkani giddora eoonke.

IBIRAAWOOTA 4:14

Kunnira, gordo fulinoha jawa Qeesootu Qara Maganu Beetto Yesuusa afi'noommo daafira, noonke yineemmo amma'na duu'ne cu'mi'no.

IBIRAAWOOTA 9:24

Kiristoosi halaalaancho Qullaawu Mini lawishsha ikkinohanna mannu anganni minnoonni Mine dieino. Isi xa ninke daafira Maganu albaanni leellara yee gordo eino.

YOHAANNIS AJUUJA 8:3

Hakkunni gedensaanni wolu sokkaasinchi daye culkunni seekkinoonniha hixaana giirranni uduunnicho haa're daye, kakkalote dargi mule uurri. Qullaawu manni baalu huuccatto ledo shiqishanno gede, ayirradu barcimira albaanni noohu culkunni seekkinoonni uduunnichi aaninni haa'ne lowo hixaana uyinisi.