LEEWAAWOOTA 4:3 - Qullaawa Maxaafa

³ qeesootu qarino cubbo loose mannu aana sao abbiro, loosino cubbira mitto muso afi'rinokki middicha abbe cubbisi daafira, anera kakkalo asse shiqishona.

LEEWAAWOOTA 4:3 ပူးပေါင်းရင်းမြစ်များ

LAYINKI DUDUWO 29:21

Insano mootete miniranna Yihudu mannira cubbo agursiisate, Qullaawa Mine keereensate kakkalora Kaaliiqira shiqinshannita, 7 woraamma, 7 ge'reewu gocca, 7 ge'reewu wilii'li goccanna 7 meu gocca abbitu. Mooteno hattenne saada Kaaliiqira kakkalote darga kakkaltanno gede Aarooni sircho ikkitinore qeesoota hajaji.

IZIRA 8:35

Hakkunni gedensaanni, qafadotewiinni higgino Israeele baalanti 12 middo, 96 ge'reewu gocca, 77 aja ge'reewu gocca, Israeelete Maganira shilqote kakkalo assite shiqishshu. Cubbo agursiisate 12 meu gocca shiqishshu. Kuni baalunku Kaaliiqira shilqote kakkalora shiqinshoonniho.

FULO 29:14

Middichu maala, goganna cuma kayinni qachaho gobbaanni fushshite xiniinsi; kuni qeesootu cubbo agursiisate kakkalo ikkanno.

FULO 29:21

Kakkallanni darga noo mundeenna buurranni zayite haadhe, Aarooninna imaanisi aana, hattono oososinna imaaninsa aana wixi. Hakkunni gedensaanni, Aarooni, oososinna imaaninsano anera baxxinoha ikkanno.

FULO 29:7

Buurranni zayite haadhe umisira dunte buuri.

FULO 30:10

Aarooni dirunni mitte hige cubbo diwate seera wonshona; dirunni mitte hige cubbu kakkalo mundee buuddate aana buure ilamate ilama geeshsha keereensona. Kuni ane Kaaliiqira co'onta qoromboonniho» yii.

HIZIQEELI 40:39

E'nanniwa noo kifilera lame mitto ragaanni, lame wole ragaanni albaanni qolle worroonniti shoole xarapheeyye no. Gudinse giirrannita woy cubbonna sao agursiisate kakkalora saada gorrinannihu tenne xarapheeyye aanaati.

HIZIQEELI 43:19

Alba'yaanni uurrite anera soqqama dandiitannori Leewi ga're ikkitinori Saadooqi sirchinni ilantino qeesoota callaho. Ani Mootichu Kaaliiqi kuni coyi ikkanno gede hajajoommo. Cubbo agursiisate kakkaltanno gede insara 1 middicha aattonsa.

HIZIQEELI 44:27

Hakkiinni aanche, Qullaawu Minira giddoyidi nafarchira e"e keeraa'mate kakkalo shiqishona. Hakkunni gedensaanni, Qullaawu Minira e"e soqqama dandaanno. Ani Mootichu Kaaliiqi konne coye coyi'roommo.

LEEWAAWOOTA 1:10

«Shilqote kakkalora ge'reewu woy meu giddonni shiqishannoha ikkiro, muso afi'rinokki goco abbona.

LEEWAAWOOTA 1:3

«Shilqote kakkalora shiqishanno fushshaati lalunniha ikkiro, ani adheemmo gede, muso afi'rinokkiricho Xaadu Dukkani nafarira haa're abbona.

LEEWAAWOOTA 16:11

«Aarooni umisiranna minisi mannira cubbo agursiisate, middicha kakkalanno woyite,

LEEWAAWOOTA 16:3

Aarooni Qullaawu dargira eanno yannara, cubbu kakkalora 1 middicha, shilqote kakkalora 1 ge'rechu goco haa're abbona.

LEEWAAWOOTA 16:5

«Israeelete manniwiinni cubbu kakkalora 2 meichu goco, shilqote kakkalora 1 ge'rechu goco haa're abbona.

LEEWAAWOOTA 16:6

Aarooni umisiranna minisi mannira cubbo agursiisate, middicha cubbu kakkalo asse shiqishona;

LEEWAAWOOTA 4:14

sao assansa buuxxanno yannara, cubbu kakkalora mitto middicha Xaadu Dukkani albira shiqishshona.

LEEWAAWOOTA 4:23

cubbo loosasi buuxihu gedensaanni, muso afi'rinokkiha mitto meichu goco umisi kakkalo asse shiqishona.

LEEWAAWOOTA 4:28

sao assasi buuxihu gedensaanni, muso afidhinokki meicho loosino cubbira umisi kakkalo asse shiqishona.

LEEWAAWOOTA 4:5

Hakkunni gedensaanni, qeesootu qari shiima bootu mundee haa're, Dukkanu giddora eona.

LEEWAAWOOTA 5:6

Cubbisi qorichirano, mitte ge'recho woy meicho cubbu kakkalora anewa shiqishona; qeesichuno cubbisira kakkalona.

LEEWAAWOOTA 6:18

Dagganno ilamara, ayino Aarooni sircho ikkinohu labbaahu baalu konne tima ita dandaanno. Tini anera shilqinshanni kakkalooti; qeesoota agurranna konne kisannohu baalu lagaawanno» yii.

LEEWAAWOOTA 8:12

Maganoho baxxinoha ikkanno gede Aarooni umirano zayite duni.

LEEWAAWOOTA 9:2

Aaroonira, «Muso afi'rinokki middichanna ge'rechu goco haadhe, middicha cubbu kakkalora, goco kayinni shilqote kakkalora Kaaliiqira shiqishi.

LEEWAAWOOTA 9:3

Israeelete mannirano, cubbu kakkalora mitto meichu goco, shilqote kakkalora muso afi'rinokkiha mittu diri bootonna mittu diriha ge'rechu goco,

KIIRO 16:22

Musenna Aarooni kayinni alba higge gombisante, «Mannu baalunkura lubbo worootto Magano! Mittu manchi loosino cubbira wo'munkura hanqatto?» yitanni woxarattu.

KIIRO 8:8

Hakkiinni aanchite 1 middichanna gidu fushshaatira zayitetenni liinsoonni bullee abbitona. Atino cubbo agursiisate kakkalora ikkannoha wole 1 middicha haa'ri.

ROOMU SOKKA 8:3

Mannu maali wolqa hoogino daafira, Seeru assara dandiinokki coye Maganu assino. Maganu Beettosi cubbaataamu manni lawishshinni cubboho kakkalo asse soyino. Kunni garinni Maganu cubbu aana yoo yee qorichishino.

LAYINKI QORONTOOSI 5:21

Kiristoosinni Maganu keeraanchimma ikkineemmo gede, Maganu cubbo loose egenninokkiha Kiristoosa ninke daafira yee cubbaataamo asse kiirinosi.

IBIRAAWOOTA 5:3

Isi umisi wolqiweelo ikki geeshsha, cubbo agursiisate kakkalo shiqisha hasiisannosihu, manna callaho ikkikkinni umisirano ledooti.

IBIRAAWOOTA 9:12

Isi Qullaawu Holgira layinkimeeshsho lendannikki garinni umisi mundee haa're einota ikkinnina, meunnitanna boottate mundee haa're dieino. Kunni garinni hegere gato abbinonke.