LEEWAAWOOTA 3:2 - Qullaawa Maxaafa

² Shiqishanno saada aana angasi worona; Xaadu Dukkani xullichira masse gorrona; qeesootu mundee haadhe kakkallanni darga shoolente maddera wixxona.

LEEWAAWOOTA 3:2 ပူးပေါင်းရင်းမြစ်များ

FULO 29:10

«Ati middicha Xaadu Dukkani albira haadhe shiqishsheenna, Aarooninna oososi angansa middichu umi aana wortona.

FULO 29:11

Middicha Dukkanu xullichira ane albaanni gorri.

FULO 29:15

«Mitto ge'rechu goco qixxeessiteenna, Aarooninna oososi gocu umi aana angansa wortona.

FULO 29:16

Gocono gorrite mundee kakkallanni darga shoolunku midaadira wixi.

FULO 29:19

«Layinki gocono abbiteenna Aarooninna oososi angansa gocu umi aana wortona.

ISAYAASI 53:6

Ninke wo'munku ge'reewu gede billaalline ba'noommo; baalunku umi uminke doogo hinge ha'noommo; Kaaliiqi kayinni ninke sao isi aana worino.

LEEWAAWOOTA 1:11

Kakkalo shiqishannohu, kakkallanni dargira aliyye ragaanni ane albaanni abbe gorrona; qeesootu mundee massite kakkallanni darga shoolente maddera wixxona.

LEEWAAWOOTA 17:3

«Israeelete giddonni ayino anera kakkalo shiqishate hede Xaadu Dukkani nafarira abba agure booto, ge'recho woy meicho wolewa masse gorriro, mundee dunasi saote kiirantannosi; isino manni'ya ledo dikiiramanno.

LEEWAAWOOTA 3:3

Mittimmate kakkalo giddonni, godowiru coomi baalu, mulunna aanasi noo coomi, hattono qaccete afale ane Kaaliiqite.

LEEWAAWOOTA 3:8

shiqishannohu ge'rechu umi aana angasi worona; hakkunni gedensaanni gorrona; qeesootu mundee haadhe kakkallanni darga shoolente maddera wixxona.

LEEWAAWOOTA 8:22

Muse layinkimeeshsho qeesimmate buurranni seerira ikkannoha wole ge'rechu goco shiqisheenna, Aarooninna oososi angansa gocu umi aana wortu.

ZAKKAARIYAASI 12:10

«Daawiti sirchiranna gattinorira Yerusaalamete mannira mararrotenna huuccattote wodana qoleemmonsa; kunnira, qassinoha illetenni la'e, afi'rino mitto shii'rino manchi gede ikkite wi'litannosi; bayiru beetti reyinosi manchi gede hururante wi'litannosi.

KIIRO 18:17

Umi qallo lalunnita, ge'reewunnitanna meunnita kayinni diwondanni; tini saada co'onta aneta ikkitinohura kakkalote shiqinshona. Mundeensano kakkalote uduunnichi aana dunnona. Coomansano anera su'naannoe gede assine giirate shilqinshona.

SOQQAMAASINETE LOOSO 3:15

Heeshsho aannoha shitinoonni; Maganu kayinni reyotenni kayisinosi. Kunni coyira ninke naqaashshete.

SOQQAMAASINETE LOOSO 3:26

Maganu Soqqamaanchosi doore soyinohu balaxe ki'neraati. Hatto assinohu mittu mittunku bunshete doogonni higgineenna maassi'ra'neraati» yii.

LAYINKI QORONTOOSI 5:21

Kiristoosinni Maganu keeraanchimma ikkineemmo gede, Maganu cubbo loose egenninokkiha Kiristoosa ninke daafira yee cubbaataamo asse kiirinosi.