LEEWAAWOOTA 2:3 - Qullaawa Maxaafa

³ Gatinohu gidu fushshaati qeesootunniha ikkona. Kuni, anera shilqinshannihunni bande gatinsoonniha ikkinohura lowo geeshsha qullaawaho.

LEEWAAWOOTA 2:3 ပူးပေါင်းရင်းမြစ်များ

IZIRA 2:63

Gobbate gashshaanchino, Uriiminninna Tumiiminni qeese ikkansanna hoogansa Magano xa'me afanno qeesicha anfa geeshsha, qullaawa sagale ittannokki gede hajajinsa.

FULO 29:37

Lamalanka barra kakkallanni darga keereensite qullaawa assi; kakkallanni darga kisannohu baalu lagaawanno.

HIZIQEELI 44:29

Gidu kakkalo, cubbonna sao agursiisate kakkalo insara sagale ikkitonsa. Israeelete baattora anera baxxe qullaawa ikkino afansha baala adhitona.

HIZIQEELI 46:20

«Kuni dargi qeesootu cubbonna sao agursiisate kakkalora shiqinshanni maala gaffannowaatinna kakkalote shiqqanno bullee tima gantanno kifileeti. Kunni garinni mannaho gawajjo iillitannokki gede, qullaawa kakkalo giddonni haa'ne gobbayidi nafarchira difushshinanni» yiie.

LEEWAAWOOTA 10:15

Coomu Kaaliiqira giirate kakkalora shiqanno yannara, hayenna racho Kaaliiqira shiqishshe. Kunino Kaaliiqi hajajinonte gede, atehanna oosokki qeecha ikkona» yiisi.

LEEWAAWOOTA 14:13

Gocono, cubbu kakkaloranna shilqote kakkalora gorrinanniwa qullaawa darga masse gorrona; sao hoolate kakkalo cubbu kakkalo gede qeesichunnite. Tinino lowo geeshsha qullaawate.

LEEWAAWOOTA 2:10

Gatino gidi qeesootunniho; kunino anera shiqinshoonnihunni bande gatinsoonnniha ikkinohura lowo geeshsha qullaawaho.

LEEWAAWOOTA 21:22

Kayinnilla, qullaawanna lowo geeshsha qullaawa Maganisi sagale ita dandaanno.

LEEWAAWOOTA 5:13

Qeesichu kunni garinni hakko manchi cubbira kakkalo shiqisheenna cubbisi aguramannosi. Kakkalotenni gattino bullee gidu fushshaati shiqanno garinni qeesichunnita ikkitanno» yii.

LEEWAAWOOTA 6:26

Kakkalo shiqishanno qeesichi intara fajjinoonniha Xaadu Dukkani gaangaawira tenne hajora bandoonni darga masse itona.

LEEWAAWOOTA 6:9

«Aarooniranna oososira kunnira woroonni nooha shilqote kakkalo seera kulinsa: Shilqote kakkalo hashsha wo'ma kakkallanni darga worreenna giirano bubbanni galtona.

LEEWAAWOOTA 7:7

«Cubbunna saote daafira assinanni kakkalo seeri mittoho. Shilqinshanna gatino maala kakkalino qeesichi itona.

LEEWAAWOOTA 7:9

Booso dumboonniha, mixashshote gannoonniha woy xiltaame mixashshora rainsoonni timanna gidu fushshaate shiqishanno qeesichira uyinona.

KIIRO 18:9

Anera shiqinshannihu qullaawu fushshaati baalu giddonni shilqinshannikkihu ki'ne qeechaati. Qullaawa assite shiqishshannoehu gidu fushshaatino ikko cubbo woy sao agursiisate daafira shiqinshanni kakkalo aaninni haa'nannihu baalu atenna oosokki qeechaati.

UMI SAAMUEELI 2:28

Qeesicha'ya ikke, kakkalote darga mare kakkalannoe gede, hixaana giirannoe gedenna alba'yaanni gagasu uddano uddi're soqqamannoe gede, Israeelete ga're baalante giddonni annakki Aarooni dooroommo. Qoleno Israeele shilqote shiqishshanno fushshaate baala isi minira oommo.