LEEWAAWOOTA 2:1 - Qullaawa Maxaafa

¹ «Aye manchino ane Kaaliiqira gidu fushshaate abbanno yannara, liiqaabbino bullee shiqishe, aanaho zayite dune hixaana giirona.

LEEWAAWOOTA 2:1 ပူးပေါင်းရင်းမြစ်များ

FULO 29:2

Dancha qamade bullee liinse shiishshukkinni zayitetenni, zayite nookkihanna zayite aanaho worroonniha shaalado tima qixxeessinona.

ISAYAASI 43:23

Shilqote kakkalora ge'reewo diabbitinoonnie; kakkalo'nennino diayirrissinoonnie. Anino, ‹Gidu fushshaate uuyye"e› yee diqarrisoommo'ne; ‹Hixaana giirre"e› yaanni dicaacceessoommo'ne.

ISAYAASI 66:20

Insa roduuwa'ne baala gobba gobbantenni farado, faradi gaare, gaare, gaangootanna gaala gulufisiisse anera afanshu gede assite Qullaawu Ilaali'yawa Yerusaalame haadhe abbitannoe. Insa haadhe abbitanno Israeelooti gidu fushshaate lagaawinokki uduunnichira worre anera Qullaawu Minira haa'ne abbinannihu gede assite uyitannoe.

HIZIQEELI 46:20

«Kuni dargi qeesootu cubbonna sao agursiisate kakkalora shiqinshanni maala gaffannowaatinna kakkalote shiqqanno bullee tima gantanno kifileeti. Kunni garinni mannaho gawajjo iillitannokki gede, qullaawa kakkalo giddonni haa'ne gobbayidi nafarchira difushshinanni» yiie.

IYUEELI 1:9

Maganu minira uyinannihu, giduno woyinete xajjeno hooggino daafira, Maganu mine soqqantanno qeese wi'litanno.

IYUEELI 2:14

Mayi afino? Miteekke Magani'ne Kaaliiqi hanqunni higannoha ikkanno; intannirinna anganniri fushshaatira ikkanno jajja, halashshe aa dandaanno.

LEEWAAWOOTA 14:10

«Settikki barra, muso afidhinokkire 2 ge'rechu goccanna 1 diri ge'recho shiqishona; hattonni gidu fushshaatira, zayitetenni liinsoonnita 3 kiilo liiqo bulleenna 1 buttu'le zayite shiqishona.

LEEWAAWOOTA 24:7

Dancha hixaana tenne timma aana wori; timma wo'manti aneta ikkitinota egensiisate hixaana giiri.

LEEWAAWOOTA 5:11

«Manchu 2 lemboolcho woy 2 bukukkaama shiqishate wolqa hoogiro, mitto safaraasincho liiqo bullee cubbu kakkalora haa're abbona. Tini kakkalo cubbo agursiinsannite ikkinnina gidu fushshaate ikkitinokki daafira, zayite woy hixaana aanaho worroonke.

LEEWAAWOOTA 6:7

Qeesichuno cubbisi daafira kakkalo shiqisheenna manchoho assino cubbi baalu aguramannosi» yii.

LEEWAAWOOTA 9:17

Gidu fushshaateno abbe, barru barrunkunni shiqinshanni fushshaati aana lede, bullee mitto hoowo wo'ma haa're, kakkallanni darga masse shilqishi.

LEEWAAWOOTA 9:4

mittimmate kakkalora mitto woraamo, mitto ge'rechu goco, zayite worroonni fushshaati gidunnihu ledo, kakkalote ikkanno gede Kaaliiqi albira shiqishanno gede mannaho kuli. Konne assitinannihu techo Kaaliiqi leellanno'ne barra ikkinohuraati» yiisi.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

KIIRO 18:9

Anera shiqinshannihu qullaawu fushshaati baalu giddonni shilqinshannikkihu ki'ne qeechaati. Qullaawa assite shiqishshannoehu gidu fushshaatino ikko cubbo woy sao agursiisate daafira shiqinshanni kakkalo aaninni haa'nannihu baalu atenna oosokki qeechaati.

KIIRO 28:5

Mittu mittunku wilii'lichi ledo mitte litire ikkitannota xalala ejersu zayitenni liinsoonnita 2 kiilo ikkitanno bullee gidu fushshaatira shiqishshe.

KIIRO 29:18

Konne fushshaate baala umi barra shiqishshinanni kakkalo baalate ledo shiqishshe.

KIIRO 8:8

Hakkiinni aanchite 1 middichanna gidu fushshaatira zayitetenni liinsoonni bullee abbitona. Atino cubbo agursiisate kakkalora ikkannoha wole 1 middicha haa'ri.

YOHAANNISI 6:35

Yesuusino, «Ani heeshshote sagaleeti; anewa daannohu horonta dihudi'ranno; ane ammanannohu horonta digoo'ranno.

UMI YOHAANNISI 2:20

Ki'ne kayinni Qullaawu buurino'ne; kunnira ki'ne duuchankare egentinoonni.

UMI YOHAANNISI 2:27

Isiwiinni adhitinoonnihu buuranno Ayyaani giddo'ne hee'ranno daafira, wole rosiisaancho dihasiisanno'ne; isi Ayyaani duuchankare rosiisanno'ne. Rosiisanno'neri halaaleho ikkinnina kapho di"ikkino; ki'neno rosiisino'ne garinni isinni heedhe.

YIHUDA 1:20

Ki'ne kayinni jaalla'ya! Wo'munkurinni roorsitine qullaawa amma'no'nenni umo'ne keereensi'rate jawaatte; Qullaawu Ayyaaninni huuccidhe!

YOHAANNIS AJUUJA 8:3

Hakkunni gedensaanni wolu sokkaasinchi daye culkunni seekkinoonniha hixaana giirranni uduunnicho haa're daye, kakkalote dargi mule uurri. Qullaawu manni baalu huuccatto ledo shiqishanno gede, ayirradu barcimira albaanni noohu culkunni seekkinoonni uduunnichi aaninni haa'ne lowo hixaana uyinisi.