LEEWAAWOOTA 1:9 - Qullaawa Maxaafa

⁹ Hakku manchi, bootunniha godowirenna dadubba wayinni hayishshona; qeesichuno fushshaate baala gudise kakkalote darga masse shilqote kakkalo asse shiqishona; tenne giirre shiqinshanni kakkalo shilqonnite fooli anera tashshi yaannoha ikkanno.

LEEWAAWOOTA 1:9 ပူးပေါင်းရင်းမြစ်များ

KALAQAMA 8:21

Kaaliiqi shilqonniha dancha foole su'niissi'ri; wodanisinnino, «Manchu wodani hedo anjesinni kayisse bushate; ikkirono isinni kainohunni baatto dirumeemmo; xa assummo gede lubbo nooha baala layinkimeeshsho dihuneemmo.

UMI DUDUWO 6:34

Hiliqaana, Yirohaami, Eelieeli; Toha,

LAYINKI DUDUWO 4:6

Qoleno 10 hayishshi'nanni gawate seekke 5 Qullaawu Minira wodiidoonni, 5 qole aliyyeenni wori. Tenne gawattara shilqote kakkalora gorrinanni saada maala hayishshinanni. Jawa gawatera noo wayi kayinni qeesootu hayishshidhannoho.

FAARSO 51:6

Ati halaalenna sumbe baxatto; wodani'yara egennokki wonshie.

FAARSO 66:15

Harditino saada shilqote kakkalora, woraammanna meu gocca kakkalote shiqisheemmo; shilqono gordo iillitanno.

FULO 12:9

Hakkonne maala, bu'ra woy gafame ittinoonte; umo, lekkanna godowireno wolu maali gede du'rishshine itte.

FULO 29:18

Ge'rechu goco gudisse kakkallanni darga shilqishi; tini kakkalo su'niitannotenna anera tashshi yitannote.

FULO 29:25

Angansanni haadhe kakkallanni darga shilqinshanni kakkalo ledo anera su'niitanno gede assite shilqishi; kuni anera shilqote fushshaateeti.

ERMIYAASI 4:14

Yerusaalame, gata hasi'rittaro wodanikki giddonni bunshe huni; sao giddo wodhite mageeshshi geeshsha keeshshatta?

HIZIQEELI 20:28

Aammonsara xaaroommo baatto haa're abbummonsa yannara, seeddaanna gaarranna lattino haqqe la'ino; hakkuri aanano kakka'litino; fushshaate shiqishatenninna hixaana giiratenni hanqissinoe.

HIZIQEELI 20:41

Billaallitinoonni gobbanni abbe mittowa gamba asseemmo'ne yannara, shilqinshanni kakkalo gede asse baxeemmo'ne; ani ki'nera qullaawa ikkoommota dagate leellisheemmo.

HIZIQEELI 40:38

Gobbayidi nafarchira aliyye ragaanni giddoyidi waalchi faro ledo xaaddinoti wole kifileno no. Isera nafaraho albaanni nootewa e'nanniwa noo kifile sa'nannihu wolu waalchi noose. Shilqote kakkalora shiqinshanni saada maala hayishshinannihu hakkooti.

LEEWAAWOOTA 1:13

Godowirenna dadubba wayinni hayishshona. Qeesichu fushshaate baala abbe kakkalote darga shilqishona. Tenne shiqinshanni kakkalo shilqonnite fooli anera tashshi yaannoha ikkanno.

LEEWAAWOOTA 1:17

Qoolla lamewa facona; kayinnilla gudise babbadoonke; qeesichuno kakkalote darga bubbanno giira aana shilqishona. Tenne shiqinshanni kakkalo shilqonnite fooli anera tashshi yaannoha ikkanno.

LEEWAAWOOTA 2:16

Qeesichuno hixaananna daddarroonni gide zayitete ledo haa're, wo'munku anera shiqinshoonniha ikkinota egensiisate kakkallanniwa haa're shiqishanno.

LEEWAAWOOTA 2:2

Aarooni sircho ikkitino qeesootiwa haa're abbona. Qeesichuno zayitenna hixaanu aanaho noo bullee mitto hoowo wo'ma haa're, kakkallanni darga masse shilqishona; giirre shiqinshanni kakkalo shilqonnite fooli anera tashshi yaannoe gede, wo'munku aneha ikkinota egensiisate kakkallanni dargira haadhe massitona.

LEEWAAWOOTA 2:9

gidu fushshaati wo'munku anera shiqinshoonniha ikkinota egensiisate, foolesi anera tashshi yaannoha asse kakkallanni darga masse shilqishanno.

LEEWAAWOOTA 3:11

Qeesichu konne baala ane Kaaliiqira sagalete fushshaate asse kakkallanni darga masse shilqishona.

LEEWAAWOOTA 3:5

Qeesootu konne baala wole shilqinshanni kakkalo ledo kakkallanni darga massite shilqishshona; tenne kakkalo fooli anera tashshi yaannoha ikkanno.

LEEWAAWOOTA 4:31

Mittimmate kakkalora shiqinshanni saada cooma baala assinanninte gede bade fushshe, anera tashshi yitanno kakkalo asse kakkallanni darga shilqishona. Qeesichu kunni garinni kakkaleenna manchoho cubbisi aguramannosi.

LEEWAAWOOTA 6:14

«Gidu fushshaate shiqinshanni seeri kunninni aane nooho: Aarooni sircho ikkino qeesichi gidu fushshaate kakkallanni dargira albaanni albi'yara haa're shiqishona.

LEEWAAWOOTA 8:28

Hakkunni gedensaanni, Muse sagale angansanni haa're, Kaaliiqira kakkallanni darga shilqote fushshaati aana masse shilqishi. Kuni fushshaati qeesimmate buurama seerira ikkannoho. Isino Kaaliiqira tashshi yaannoho.

LEEWAAWOOTA 9:14

Hakkunni gedensaanni, godowirenna badhiidi dadubba hayishshe, kakkallanni darga masse wole shilqote kakkalo ledo shilqishi.

ZAKKAARIYAASI 13:7

Olantote Mootichi Kaaliiqi, «Bise! Baqqi yite, ledo'ya nooha allaalaasincho'ya gani! Hakkawoyite, ge'reewu billaallanno; manna'ya ani umi'ya gawajjeemmo.

KIIRO 15:3

xano tidhate woy afansha uyi'rate woy amma'note ayyaanna ayirrisate woy shilqote kakkalora lalo woy ge'reewo woy me"e shiqishshinanni. Tini kakkalo ane Kaaliiqira su'niitannota ikkitanno.

KIIRO 28:11

«Aganaho umi barra, muso afidhinokkire 2 middo, 1 ge'rechu goconna mittu dirire 7 ge'reewu wilii'le shilqote kakkalo assitine ane Kaaliiqira shiqishshe.

KIIRO 28:7

Mittu mittunku wilii'lichi ledo agattote fushshaatira mitte litire woyinete xajje abbitine kakkalote darga ane Kaaliiqira dunne.

KIIRO 28:8

Hawarro shiqinshanniha layinki wilii'licho soodo shiqinshanni fushshaati garinni shiqishshe. Kuni lamunku fushshaati ane Kaaliiqira su'naannoha ikkanno yiinsa.

LAYINKI QORONTOOSI 2:15

Ninke ba'annoriranna gattannorira Maganoho Kiristoosi su'niilleeti.

EFESOONI SOKKA 5:2

Kiristoosi baxinonkenna Maganoho tanni yite su'niitanno kakkalo asse umosi ninke daafira sayise uyinonte gede, ki'neno baxillunni heedhe.

MARRO 12:27

Shilqote kakkalo'ne, maalano mundeeno Magani'ne Kaaliiqira kakkallanni dargira shiqishshe. Wole kakkalo mundee Magani'ne Kaaliiqi kakkalo darga massitine duntine, maala kayinni ita dandiitinanni.

FILIPHISIYUSI SOKKA 4:18

Hasiisannoehanna hakkiinnino saino afansha Ephafiroditusi widoonni qoltine sokkineennae adhoommo. Kuni afanshi'ne su'niitanno kakkalo gede Maganu hagiidhannohonna adhannoho.