LEEWAAWOOTA 1:4 - Qullaawa Maxaafa

⁴ Shilqote kakkalo asse shiqishanno saada umi aana angasi woreenna, cubbosi agurate adheemmo kakkalo ikkitanno.

LEEWAAWOOTA 1:4 ပူးပေါင်းရင်းမြစ်များ

FULO 28:38

Aarooni albi aana worteenna, Israeelete manni afansha shiqishanno yannara sao assiro, saonsara Aarooni xa'mameenna, ani afanshansa adheemmo gede kuni malaati albisi aana hee'rona.

FULO 29:10

«Ati middicha Xaadu Dukkani albira haadhe shiqishsheenna, Aarooninna oososi angansa middichu umi aana wortona.

FULO 29:15

«Mitto ge'rechu goco qixxeessiteenna, Aarooninna oososi gocu umi aana angansa wortona.

FULO 29:19

«Layinki gocono abbiteenna Aarooninna oososi angansa gocu umi aana wortona.

FULO 29:33

Qeesimmate maasso yannara cubbo agursiisate seerira shiqinshanniha ittona; qoromboonnita ikkitino daafira wolu manni itoonke.

ISAYAASI 56:7

«Qullaawu Ilaali'yawa Tsiyooni haa're masse, huuccattote mini'ya giddo hagiidhitanno gede asseemmonsa; kakkalo'ya darga shiqishidhanno kakkalono adheemmonsa. Hatto asseemmohuno mine'ya: Mannu baalunkura huuccattote mineeti yinanni daafiraati» yii.

DAANIEELI 9:24

«7 hige 70 lamala yinannihu Maganu mannakkinna qullaawa katamakki cubbunninna bunshetewiinni keere fushshate hirqino yannaati. Hatte yannara cubbu aguramanno; hegere halaali darga amadeenna ajuujanna himanu wo'manno; Qullaawa Mineno gatamarre maassi'nanni.

LEEWAAWOOTA 16:21

lamenta angasi gocu umi aana worona. Aanasi Israeelootu sao, bunshenna cubbo baala ifaate, gocu umi aana duunona. Gocono, tenne hajara worroonni manchi halallitte gobba qole shorre agurona.

LEEWAAWOOTA 16:24

Qullaawa Darga mare bisosi hayishshi're, umisi imaana uddi'rona; hakkiinni fule umisihanna mannu cubbo agursiisate, shilqote kakkalo 1 umisira 1 mannaho yee shiqishona.

LEEWAAWOOTA 22:21

Ayino xano tidhara woy baxe lalu giddonni woy ge'reewu giddonni woy meu giddonni anera mittimmate kakkalora afansha aanno woyite adheemmosi gede, mucci yiinohanna muso afi'rinokkiha shiqishona.

LEEWAAWOOTA 22:27

«Siitu woy ge'rechu woy meichu wilii'lichi qalamanno yannara, 7 barra amasi ledo keeshshona; settikki barri ka'a kayinni anera kakkalote shiqisha dandiinanni.

LEEWAAWOOTA 3:13

Angasi meichote umi aana worihu gedensaanni, Dukkanu albaanni gorrona; qeesootuno mundee haadhe kakkallanni darga shoolente maddera wixxona.

LEEWAAWOOTA 3:2

Shiqishanno saada aana angasi worona; Xaadu Dukkani xullichira masse gorrona; qeesootu mundee haadhe kakkallanni darga shoolente maddera wixxona.

LEEWAAWOOTA 3:8

shiqishannohu ge'rechu umi aana angasi worona; hakkunni gedensaanni gorrona; qeesootu mundee haadhe kakkallanni darga shoolente maddera wixxona.

LEEWAAWOOTA 4:15

Gosate geerri angansa middichu umi aana worte ka'e, ane albaanni gorritona.

LEEWAAWOOTA 4:20

Konne middicha cubbu daafira shiqinshanni kakkalo garinni shiqinshona; gosate cubbi aguramanno gede, qeesootu qari kakkalo kunni garinni shiqishona.

LEEWAAWOOTA 4:24

Angasino gocu umi aana wore, kakkallannihura aliyyeenni shilqinshanni kakkalora gorrinanniwa masse gorrona. Tinino cubbo hoolate kakkalooti.

LEEWAAWOOTA 4:26

Mittimmate kakkalora shiqinshinte gede, cooma baalanka kakkallanni darga shilqishona. Kunni garinni qeesichu kakkalino kakkalo gosate sooreessi cubbo hooltanno.

LEEWAAWOOTA 4:29

Angasino shiqishino meicho umi aana wore, kakkallannihura aliyyeenni shilqote kakkalora gorrinanniwa masse gorrona.

LEEWAAWOOTA 4:31

Mittimmate kakkalora shiqinshanni saada cooma baala assinanninte gede bade fushshe, anera tashshi yitanno kakkalo asse kakkallanni darga shilqishona. Qeesichu kunni garinni kakkaleenna manchoho cubbisi aguramannosi.

LEEWAAWOOTA 4:33

Angasi ge'rechote umi aana wore, shilqote kakkalo kakkallanni dargira aliyyeenni masse gorrona.

LEEWAAWOOTA 4:35

Mittimmate kakkalora shiqinshanni garinni, ge'rechote cooma baala bade fushshe, kakkallanni darga anera uyinanni fushshaati sagalennihu ledo shilqishona. Qeesichu kunni garinni kakkaleenna manchoho cubbisi aguramannosi.

LEEWAAWOOTA 4:4

Booto Dukkanu xullichira abbe, angasi bootu umi aana wore, alba'yaanni gorrona.

LEEWAAWOOTA 5:6

Cubbisi qorichirano, mitte ge'recho woy meicho cubbu kakkalora anewa shiqishona; qeesichuno cubbisira kakkalona.

LEEWAAWOOTA 6:7

Qeesichuno cubbisi daafira kakkalo shiqisheenna manchoho assino cubbi baalu aguramannosi» yii.

LEEWAAWOOTA 8:14

Hakkunni gedensaanni, Muse cubbu kakkalora middicha haa're abbeenna, Aarooninna oososi angansa bootu umi aana wortu.

LEEWAAWOOTA 8:18

Muse shilqote kakkalora ikkannoha ge'rechu goco shiqisheenna, Aarooninna oososi angansa gocu umi aana wortu.

LEEWAAWOOTA 8:22

Muse layinkimeeshsho qeesimmate buurranni seerira ikkannoha wole ge'rechu goco shiqisheenna, Aarooninna oososi angansa gocu umi aana wortu.

LEEWAAWOOTA 9:7

Hakkunni gedensaanni Muse Aaroonira, «Kakkallanniwa marte umikkihanna mannu cubbo agursiisate cubbu kakkalonna shilqote kakkalo shiqishi. Tenne baalanta kakkalo mannu cubbo tirate Kaaliiqi hajajino garinni shiqishi» yiisi.

KIIRO 15:25

Qeesichuno Israeelete manni baalunku cubbo agursiisanno. Konne assinannihuno afa hoongetenni assitino saora shilqote kakkalonna cubbo agursiisate kakkalo shiqishshuro cubbinsa aguramannonsa.

KIIRO 15:28

Qeesichuno afa hoongetenni sao assino mancho ane Kaaliiqi albaanni keereensosina. Keereensinannisi woyiteno cubbisi aguramannosi.

KIIRO 25:13

Ane Maganisi ayirrinyira xissiisi're Israeelete cubbono agureemmo gede assinoe daafira, isiranna oososira geedonniha qeesimmate gondooro oommosi» yii.

KIIRO 8:10

Leewaawoota ane Kaaliiqi albira shiqishsheenna, Israeelete mannino anga aanansa worona.

KIIRO 8:12

Hakkunni gedensaanni, Leewaawootuno lamunku middooti umi aana angansa wortona. Insano mitto cubbo agursiisate kakkalora, layinkiha shilqote kakkalora Kaaliiqira shiqishshona. Leewaawootu cubbo agursiisate seera kunni garinni wonshitanno.

ROOMU SOKKA 12:1

Xa roduuwa'ya, mannimma'ne lubbotenni noo kakkalo gede, Magano hagiirsiissannotanna qullaawa assitine shiqishshinara huucci'reemmo'ne. Hatto assa hasiissanno'nehu, Maganu maaro uyino'ne daafiraati. Magano magansi'nanniti halaalaancho doogo hattenneeti.

ROOMU SOKKA 3:25

Maganu Yesuusa Kiristoosa, cubbo agursiisate kakkalo asse uyinohu, Isi kakkalama ammaninohu gatanno gedeeti. Maganu hatto assinohu, cincasinni albi cubbo hune halaalaancho yoosi leellishara yeeti.

ROOMU SOKKA 5:11

Konne calla ikkikkinni, Maganu ledo araarsinonkehu Mootichinke Yesuusi Kiristoosi widoonni hinge Maganunni hagiidhineemmo.

FILIPHISIYUSI SOKKA 4:18

Hasiisannoehanna hakkiinnino saino afansha Ephafiroditusi widoonni qoltine sokkineennae adhoommo. Kuni afanshi'ne su'niitanno kakkalo gede Maganu hagiidhannohonna adhannoho.

IBIRAAWOOTA 10:4

Boottatenna meu mundee cubbo huna didandiitanno.

UMI YOHAANNISI 2:2

Isi cubbonke agursiisanno; ninke cubbo calla ikkikkinni gobba baalate cubbi diigamannohuno isi widoonniiti.