LAYINKI TESELONQE 3:7 - Qullaawa Maxaafa

⁷ Ninke faale ha'ra hasiissanno'neta ki'ne umi'ne egentinoonni. Ninke ki'ne ledo hee'noommo woyite cee'maleeyye di"ikkinoommo.

LAYINKI TESELONQE 3:7 ပူးပေါင်းရင်းမြစ်များ

LAWISHSHA 31:18

Assitannori baalu ledinoronna hooginoro buuxxanno; hashsha minese caabbichu dixoanno.

UMI QORONTOOSI 11:1

Ani Kiristoosi laweemmonte gede, ki'neno ane labbe.

UMI QORONTOOSI 4:16

Kunnira, ane labbinanni gede huucci'reemmo'ne.

FILIPHISIYUSI SOKKA 3:17

Roduuwa'ya, ane labbinannire ikke! Ki'nera leellinshummoha dancha lawishsha adhitinore wolootano seekkitine la'e.

FILIPHISIYUSI SOKKA 4:9

Ani rosiisanna macciishshitinoonnihanna adhitinoonniha, ani loosanna la'inoonniha baalano asse. Hatto assitiniro, keeru Magani ledo'ne hee'ranno.

UMI TESELONQE 2:10

Ki'ne ammanaanote mereero hee'nummo yannara qullaawoota, keeraanonna minshanniri nookkire ikkine hee'rankera ki'nenna Maganu naqaashshete.

UMI TESELONQE 5:14

Roduuwa, amaalleemmo'nena cee'maleeyye seejje; waajjaleeyye jawaachishshe; wolqiweeloota kaa'le; manna baala dandee.

LAYINKI TESELONQE 3:6

Roduuwa, cee'maleeyyenna kulloommonsa coye wonshitannokki ammanaasinewiinni baxxitinanni gede Mootichinke Yesuusi Kiristoosi su'minni hajanjeemmo'ne.

LAYINKI TESELONQE 3:9

Hatto assinoommohu, ki'ne ninke faale hadhinara hasi'neeti ikkinnina, hasiisannonkere adhate doyicho hoonge di"ikkino.

UMI XIMOOTEWOOSI 4:12

Anjekki ayino mishoonkehe; coyi'ratto coyinni, hee'ratto heeshshonni, baxillunni, ammanatenninna fayyaaleessimmatenni ammanaasinete dancha lawishsha ikki.

TIITO 2:7

Atino dancha coye assitanni, baalunku coyira lawishsha ikkinsa. Rosiisatto rosinnino halaalaanchimmanna sirnyaawa leellishinsa.

UMI PHEEXIROOSI 5:3

Hoshshate dancha lawishsha ikke ikkinnina, eeggo uyinoonni'nere gadadissine wolqatenni gashshitinoonte.