LAYINKI TESELONQE 3:5 - Qullaawa Maxaafa

⁵ Mootichu wodana'ne Maganu baxilliwanna Kiristoosi cincawa qole xaaddeesso'ne.

LAYINKI TESELONQE 3:5 ပူးပေါင်းရင်းမြစ်များ

UMI MOOTOOLLA 8:58

Akaakkankera uyino hajajo, woganna wodho agadhine, isi hedino garinni hee'rate isira hajajammeemmore assonke.

UMI DUDUWO 29:18

Akaakkanke Abirihaami, Yisihaaqinna Yaiqoobi Magano Kaaliiqa, mannakki wo'manka woyite kunni garinni hagiidhanni aannoha assi; wo'manka woyite atera ammanaminoha assi.

FAARSO 119:36

Jiro afi'rate beellamammontenni, hajajokki agadhate halcho heedhannoe gede assie.

FAARSO 119:5

Wogakki agadhatenni ammanamoommoha ikkate, lowo geeshsha halchoommo.

FAARSO 40:1

Kaaliiqa cincatenni agadhoommo; isino caaqqi yiinoe; raare'yano macciishshie.

LAWISHSHA 3:6

Assattorira baalaho Magano albaanni qo'li; isino halaalaancho doogo kulannohe.

ERMIYAASI 10:23

Kaaliiqa'ya, mannu heeshsho angasi nookkitanna, ha'rinshosino mannu umisi qineessi're dandaannokkita afoommo.

ERMIYAASI 31:33

Insa ledo e"eemmohu haaru gondoori kunninni aane nooho: Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.

ERMIYAASI QURTO 3:26

Kunnira, mannu sammi yee cince, Kaaliiqi gatisaanchimma agadhiro danchaho.

ROOMU SOKKA 5:5

Uyinoonninkehu Qullaawu Ayyaani widoonni Maganu baxilli wodaninkera wo'minohura, hexxo di"irraawissannonke.

ROOMU SOKKA 8:25

Illete leellannokkire hexxinummoro kayinni, cincine agadhineemmo.

ROOMU SOKKA 8:28

Magano baxxannorira, hedosi garinni woshshantinorira Maganu coye baala danchummate assannota anfoommo.

UMI QORONTOOSI 8:3

Magano baxannoha kayinni, Maganu egenninosi.

GALATIYU SOKKA 5:22

Ayyaanu laalo kayinni baxilleho, hagiirreho, keereho, cincate, shooshanqete, danchummate, ammanamate,

MARRO 30:6

Magano'ne Kaaliiqa wo'mu wodani'nenninna wo'ma lubbo'nenni baxxinanninna lubbotenni heedhinannni gede, Magani'ne Kaaliiqi ki'nenna sircho'ne owaatu wodanire assanno'ne.

UMI TESELONQE 1:10

Hattono Maganu reyotenni kayisinohunnita, daanno hanqinni gatisannonkehunnita, Beettisi Yesuusita gordunni daasi agadhitine heedhinoonnita farcidhanno.

UMI TESELONQE 1:3

Maganinkenna Anninke albaanni ammana'nenni leellishshinanni looso, baxilli'ne jaantenna Mootichinke Yesuusi Kiristoosinni afidhinoonnita jawaata hoxxo wo'manka woyite qaangeemmo.

UMI TESELONQE 3:11

Xaano Maganinkenna Anninke, Mootichinke Yesuusino ki'newa dangeemmo gede doogo qineessonke.

LAYINKI XIMOOTEWOOSI 4:8

Xaate kunni ka'a, keeraanchimmate ba'latto agarte nooe; tenne ba'latto halaalaancho yoo yaanno Mootichi hakko barra aannoe. Aannohuno ane callaho ikkikkinni, isi daa baxxannorira baalahooti.

TIITO 2:13

Kunni garinni maassantinota hexxonke, jawa Maganonke, Mootichinke Yesuusi Kiristoosita ayirrinyunni leella agadhineemmo.

IBIRAAWOOTA 9:28

Kiristoosi lowo manni cubbo hunara mitte hige kakkalamino. Qoleno cubbo duqqara ikkikkinni, iso agadhitannore gatisara layinkimeeshsho daanno.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

UMI PHEEXIROOSI 4:1

Kiristoosi manninatisinni qarra adhino daafira, ki'neno tenne hedo olu uduunnichi gede assitine qodhe. Manninatisinni qarra adhinohu cubbo loosa agurinona.

LAYINKI PHEEXIROOSI 3:12

Kunnira, Maganu barri daannota quqquxamatenni agadhitinannirenna rahe daanno gede loossinannire ikke; hakko barra gordu giirame ba"anno. Kalaqamuno giirate iibbillinni shiilanno.

UMI YOHAANNISI 4:19

Maganu ninke balaxe baxinonke daafira ninkeno banxeemmosi.

YOHAANNIS AJUUJA 1:9

Ki'ne ledo Yesuusi qarra, gashshootesinna cincasi beeqqeemmohu ani rodii'ne Yohaannisi, Maganu qaaliranna Yesuusi naqaashshimma daafira Fiximo yinanni giddichora noommo.

YOHAANNIS AJUUJA 13:10

Qafadamanno gede hendoonnihu qafadamanno; bagadunni reyanno gede hendoonnihu bagadunni reyanno. Hatto yaa, Maganu manni cincanna amma'na hasiissannosi yaate.