LAYINKI TESELONQE 3:2 - Qullaawa Maxaafa

² Baalunku ammanannoha ikkinokki daafira, bushunna shokkashshu manniwiinni ganteemmo gede huuccenke.

LAYINKI TESELONQE 3:2 ပူးပေါင်းရင်းမြစ်များ

MAATEWOOSI 17:17

Yesuusi qole, «Ki'ne ammantinannikkiri shokkadda ilama, ki'ne ledo mamooti geeshsha hee'reemmo? Ki'ne coye mageeshshi geeshsha cinceemmo? Hanni beetto anewa abbe!» yiinsa.

MAATEWOOSI 23:23

«Ki'ne lawisiisaano, Seeru rosiisaanonna Farisootu, ki'nera aanne'e! Afuduudunniha, sunkurtunnihanna qimamenniha tonnunni mitto uyitinanni. Seeru giddo nooha qara qara coye kayinni facci assitine agurtinanni. Hattino taashshate, maarotenna ammanamate. Hakkoreno agurtinikkinni koreno wonsha hasiissanno'nehu gatino.

LUQAASI 18:8

Kuleemmo'nena, keeshshikkinni yoo yaannonsa. Ikkollana, Manchi Beetti daanno woyite uullate aana amma'na afi'ra ikka?» yii.

SOQQAMAASINETE LOOSO 13:45

Hatte yannara Ayihude konne fulino manna la'e hinaassu. Coyi'rannore gibbe Phaawuloosi xontu.

SOQQAMAASINETE LOOSO 13:50

Ayihude kayinni Ayihudete amma'no afi'rinoha ayirradda meentonna hakko katami jajjabba kakkayisse, Phaawuloosinna Barnabaasi aana gano gante hakkiichinni fushshite shorritunsa.

SOQQAMAASINETE LOOSO 14:2

Ammantinokki Ayihude kayinni daga kunni roduuwi aana kayisse gibbo kalaqqu.

SOQQAMAASINETE LOOSO 17:5

Ayihude kayinni hinaasse loosiweelo mullawa doyitannore gamba assite gibbo kayissanno gede assitu. Katamano cancishshu. Phaawuloosinna Silaasi gamba yiino mannira sayisse uyitara Iyasooni mine doyissitu.

SOQQAMAASINETE LOOSO 25:27

Tenne hedoommohu, ku'linoonni coye buunxikkinni usuranya aliidihuwa soya gara labbinoekki daafiraati» yii.

SOQQAMAASINETE LOOSO 28:24

Mitu mitu kulino coye ammantu. Gamisu kayinni diammantino.

ROOMU SOKKA 10:16

Ikkollana Isayaasi, «Mooticha'ya, coyi'noommo qaale ayi ammanino?» yee coyi'rinonte gede, baalunku Dancha Duduwo diadhitino.

ROOMU SOKKA 15:31

Huuccitinanniehuno Yihudaho noohu amma'ninokki manni anganni gateemmo gedenna soqqansho'ya Yerusaalamete heedhanno ammanaasine hagiirsiissanno gedeeti.

UMI QORONTOOSI 15:32

Mannu hedo garinni, Efesooni moyichu ledo sharrama'ya ma leddinoe? Reyino manni ka"annokkiha ikkiro, «Ga'a reyineemmo daafira, into ango» yinannihu garaati!

MARRO 32:20

Isino, ‹Mokkookkanna ammanantinokki ilama ikkitinohura, alba'ya insawiinni shawwu asseemmo; marte fultannowano afeemmo.

UMI TESELONQE 2:18

Ki'newa daa hasi'noommo. Roorenka ani Phaawuloosi ki'newa daate wo'ma woyite hedoommo; ikkollana Sheexaanu daa diuyinonke.

LAYINKI XIMOOTEWOOSI 4:17

Ikkollana ani sokka wonshe kuleenna daga baala macciishshitanno gede Mootichu ledo'ya hee're jawaachishinoe. Doobbiichu afiinnino gatoommo.