LAYINKI TESELONQE 2:8 - Qullaawa Maxaafa

⁸ Hakkunni gedensaanni Mootichu Yesuusi afiisi foolinni hunannohunna ayirrinyunni daanno woyite co'o yee ba"annohu Bunshete Manchi xawo fulanno.

LAYINKI TESELONQE 2:8 ပူးပေါင်းရင်းမြစ်များ

LAYINKI SAAMUEELI 23:7

Konne uta amadannohu, siwiilu uduunninna amaxxote daabbinni gamba asse, hakko hee'reennanni co'o asse giiranno» yii.

IYYOOBI 4:9

Maganu foolinni ba'anno; hanqisi bubbenni gooffanno.

FAARSO 18:15

Kaaliiqa, baarigaarrakki rufittonna, hanqunni beleqitto yannara, baaru faashshi yeenna baatto reqecci yitu.

ISAYAASI 11:4

Buxanete taashshe coyi'ranno; qarraataammaho halaale fushshanno. Isi hajajonni mannu qorichishamanno. Bunshe loossannore afiisinni fulanno qaali shaanno.

ISAYAASI 30:28

Foolisino wo'me kokke iillino wayi gedeeho; gashshoote baala woowanchote wore woowansanno; insano, afiinsara bixaala qase hunanno.

DAANIEELI 11:36

«Aliyye moote hasi'rinore baala wonshanno; umosino maganna baalate aliidiha asse kiiranno; maganna baalate aliidi Magani aana kunni albaanni macciishshine egenninoonnikkiha xonote qaale coyi'ranno. Maganu hedino coyi wo'ma hasiissanno daafira, Maganu hanqi aanasi daa geeshsha assannori qinaannosi. Maganuno hedinore baala assanno.

DAANIEELI 7:25

Wo'munkura Aliidi Magani aana boo'natenni coyi'ranno; qullaawa Wo'munkura Aliidi Magani manna qarrisanno. Amma'note ayyaannanna seera soorrara wo'naalanno. Insano 3 dironna darate isi anga galtanno.

DAANIEELI 7:26

Hakkunni gedensaanni yoo yaate ofollinanni; gashshootisi roorreno angasinni hoolleenna hegere hegerera ba"anno.

DAANIEELI 8:25

Lowo geeshsha xagaraamo ikkinohura hanaaqunni duroo'manno; umosi baalunkura aliidiha assanno; lowo manna mittore qorophisiisikkinni shaanno; wo'munkura aliidi moote ikkinoha Magano nafa ugganno; goofimarchoho isi umisi ba"anno. Ikkollana ba"annohu mannu wolqanni di"ikkino.

HOOSEI 6:5

Kunni daafira himanaano'ya widoonni qole murmurannohanna gorre shaannoha qaale'ya soommo'ne; yoo'yano banqote gede beleqqanno'ne.

MAATEWOOSI 13:19

Doogote gama uwi wixi masalo: Maganu gashshooti qaale macciishshe wodana assannokki manchooti. Hakkawoyintenni Sheexaanu daye wodanisi giddo winxoonni qaale xinqe adhanno.

MAATEWOOSI 13:38

Gatu tenne alameeti; danchu wixi Maganu Gashshooti oosooti; santaatu Sheexaanu oosooti.

MAATEWOOSI 16:27

Manchi Beetti Annisi ayirrinyinni sokkaasinesi ledo daanno woyite, mittu mittunkura loosisi garinni aanno.

MAATEWOOSI 16:28

Halaale kuleemmo'nena, Manchi Beetti Gashshootisi ayirrinyinni daanna la'a geeshsha konniicho uurrite noori giddonni reyitannokkiri no» yii.

UMI QORONTOOSI 1:28

Maganu tenne gobba mannira ayirrado lawino coye hunara hasi're, tenne gobbara shollinoha, mishaminohanna haafa coye doorino.

LAYINKI TESELONQE 2:3

Danni bunshe daggukkinninna baonnihu Bunshete Manchi leellikkinni hakku Barri didaannona, mayi doogonnino ikkeenna ayino dogoonke'ne.

UMI XIMOOTEWOOSI 6:14

Mootichinke Yesuusi Kiristoosi daa geeshsha tenne hajajo, so'ronna minshanniri nookkiha agadhi.

LAYINKI XIMOOTEWOOSI 1:10

Tini elto, Gatisaanchinke Yesuusi Kiristoosi daanni xa leeltino. Isi reyote wolqa hune, Danchu Duduwi widoonni qole reyo nookkita hegere heeshsho leellishinonke.

LAYINKI XIMOOTEWOOSI 4:1

Maganunna nooriranna reyitinorira yoo yaara gashshootisinni daannohu Mootichu Yesuusi Kiristoosi albaanni, tenne eeggo eemmohe.

LAYINKI XIMOOTEWOOSI 4:8

Xaate kunni ka'a, keeraanchimmate ba'latto agarte nooe; tenne ba'latto halaalaancho yoo yaanno Mootichi hakko barra aannoe. Aannohuno ane callaho ikkikkinni, isi daa baxxannorira baalahooti.

TIITO 2:13

Kunni garinni maassantinota hexxonke, jawa Maganonke, Mootichinke Yesuusi Kiristoosita ayirrinyunni leella agadhineemmo.

IBIRAAWOOTA 10:27

Xa gatte nooti waajjishshanno yoonna Magano qoxxissannore ittannota wolqaataame giira agadhate.

UMI YOHAANNISI 2:13

Annuwa! Bi're hundinni kayise noore egentinoonni daafira borreesse kuleemmo'ne. Wedella! Busha qeeltinoonnihura borreesse kuleemmo'ne. Shiimmaadda ooso! Magano Anna egentinoonni daafira borreesse kuleemmo'ne.

UMI YOHAANNISI 3:12

Bushunniha ikkinohu Qaayeeli rodoosi shiino; ninke hattoore ikkinoonke. Isi rodoosi mayira shii? Loosisi bushinohuraatinna rodiisi loosi dancha ikkinohuraati.

UMI YOHAANNISI 5:18

Maganu ila ikkinohu baalu cubbo diloosanno; Maganu Beetti agarannosi daafira, bushuno digawajjannosi.

YOHAANNIS AJUUJA 1:16

Qiniiticho angara lamala beeddakko haa're no; afiisinni lamenka wido iibbitino bise fultu; albisino barru taali arrishsho gede xawanno.

YOHAANNIS AJUUJA 13:5

Moyichoho boo'natenna Magano xonate qaale coyi'ranno gede, qoleno shoyilliina lame agana gashshanno roorre uyinisi.

YOHAANNIS AJUUJA 19:15

Gosa ganannoti iibbitino bise afiisinni fultanno; isi siwiilu siqqonni gashshannonsa. Wo'manka Dandaanno Maganiha kaajjado hanqo leellishannoha, woyinete xajje huuncinanni koofficho kadanno.

YOHAANNIS AJUUJA 2:16

Kunni daafira aagintaabbe higi. Hatto ikka hoogittoro, rahe atewa daye afii'yanni fultanno bisenni insa qaseemmo.

YOHAANNIS AJUUJA 20:10

So'risiisinonsahu Daawuloosi, moyichunna kaphaanchu himanaanchi tugantinowa ruqanunnihura giirate baari giddo tugami. Hakkiicho hashshanna barra hegere geeshsha shettote heeshsho heedhanno.