LAYINKI TESELONQE 2:3 - Qullaawa Maxaafa

³ Danni bunshe daggukkinninna baonnihu Bunshete Manchi leellikkinni hakku Barri didaannona, mayi doogonnino ikkeenna ayino dogoonke'ne.

LAYINKI TESELONQE 2:3 ပူးပေါင်းရင်းမြစ်များ

DAANIEELI 11:36

«Aliyye moote hasi'rinore baala wonshanno; umosino maganna baalate aliidiha asse kiiranno; maganna baalate aliidi Magani aana kunni albaanni macciishshine egenninoonnikkiha xonote qaale coyi'ranno. Maganu hedino coyi wo'ma hasiissanno daafira, Maganu hanqi aanasi daa geeshsha assannori qinaannosi. Maganuno hedinore baala assanno.

DAANIEELI 7:25

Wo'munkura Aliidi Magani aana boo'natenni coyi'ranno; qullaawa Wo'munkura Aliidi Magani manna qarrisanno. Amma'note ayyaannanna seera soorrara wo'naalanno. Insano 3 dironna darate isi anga galtanno.

DAANIEELI 8:25

Lowo geeshsha xagaraamo ikkinohura hanaaqunni duroo'manno; umosi baalunkura aliidiha assanno; lowo manna mittore qorophisiisikkinni shaanno; wo'munkura aliidi moote ikkinoha Magano nafa ugganno; goofimarchoho isi umisi ba"anno. Ikkollana ba"annohu mannu wolqanni di"ikkino.

YOHAANNISI 17:12

Ledonsa noommo yannara, oottoehu su'mikki wolqanni keerunni agaroommonsa. Borreessinoonnihu Qullaawu Qaali wo'manno gede, baote beetto agurranna insa giddonni mittuno bainohu dino.

UMI QORONTOOSI 6:9

Haxawarrootu Maganu Gashshoote e'annokkita diaffinoonni? Sodhinoonte! Saalimalootu woy kaphu maganna magansidhannori woy foortannori woy labbaahu ledo akkimaltannori woy

EFESOONI SOKKA 5:6

Kunninni kainohunni hajajamannokki manni aana Maganu hanqi daanno daafira, ayino kaphu coyinni dogoonke'ne.

UMI YOHAANNISI 2:18

Shiimmaadda ooso! Tini goofimarchu yannaati; Kiristoosi qoxxisaanchi daannota macciishshitinoonni. Kune xa nafa iso qoxxissannori ka'e no; kunninni goofimarchu yanna ikkitinota anfeemmo.

UMI YOHAANNISI 4:3

Yesuusi Kiristoosi manna ikke dayinota ammanannokki ayyaani baalu Maganunniha di"ikkino. Hakku Kiristoosa qoxxisanno ayyaanaati. Hakku ayyaani daannota macciishshitinoonni; xa nafa tenne gobbara no.

YOHAANNIS AJUUJA 17:11

Bashsho noohu, xa kayinni nookki moyichi settikki mooteeti. Isi lamalu ledoho; isino baosi widira ha'ranno.

YOHAANNIS AJUUJA 17:8

Laitto moyichi bashshonni nooho; xa kayinni dino. Gedensaanni diimete giddonni fule baosi dargira ha'ranno. Kalqe kalaqantara albaanni su'mansa heeshshote maxaafi giddo borreessinoonnikkiri baattote aana heedhannori, moyichu bashsho nooha, xa kayinni nookkiha, gedensaanni qole daannoha ikkinota affanno woyite maala'litanno.