LAYINKI TESELONQE 2:13 - Qullaawa Maxaafa

¹³ Mootichu baxanno'ne roduuwa, ninke ki'ne daafira wo'manka woyite Magano galata hasiissannonke. Galanteemmohuno, Ayyaanu qullaawoota asseenna'ne gattinanni gede Maganu umire asse doorino'nehuranna halaalaancho ammana'ne daafiraati.

LAYINKI TESELONQE 2:13 ပူးပေါင်းရင်းမြစ်များ

KALAQAMA 1:1

Maganu umo asse gordonna baatto kalaqino.

LAYINKI SAAMUEELI 12:25

Kunnira, himanaancho Naataani soye su'masi, «Yidiidiya yeemmo» yii.

LAWISHSHA 8:23

Kalqe kalaqantara albaanni, bi're hundanni seekkinoonnie.

ISAYAASI 46:10

Ikkanno coye baala balaxe kuloommo; ikkara nooreno alba asse coyi'roommo; ani ikkanno yoommori ikkanno; anino hedoommore asseemmo.

ERMIYAASI 31:3

ani Kaaliiqi insara fafe hee're leelloommonsa. «Bagamannokki baxillinni baxoommo'ne; hakko baxillinni anewa gamba assoommo'ne.

HIZIQEELI 16:8

« ‹Galagale mulekkiinni saummo woyite, mine assi'rate iilloottata afoommo. Mulqame nooha bisokki seemma'yanni diwe baxeemmoheta egensiisate xaaroommo. Adhammohera gondooro e"e umi'yata assi'roommohe. Konne coye coyi'roommohu ani Mootichu Kaaliiqaati.

DAANIEELI 10:11

Sokkaasinchuno, «Maganu lowo geeshsha baxannohehu Daanieeli! Kuneeti ani atewa soqqame dayommona, noottowa sammi yite uurri. Kuleemmohereno seekkite wodanchi» yiie. Togo yiie yannara huxi'ranni uurroommo.

DAANIEELI 10:19

Isino, «Ate Maganu baxannohena, waajjitooti! Jawaati! Kaajji!» yiinoe. Isi coyi'ri yannara jawaante lexxe, «Mooticha'ya, jawaante oottoena yaattore ledde kulie» yoommosi.

DAANIEELI 9:23

Huucci'ra hanaffanni heedheennanni Maganu huuccattokki macciishshinohe. Isi baxinohe daafira huuccattokki dawaro kulammohera dayommo. Kunnira kuleemmohe coye macciishshite ajuujate tiro buuxi.

LUQAASI 1:75

Kunni garinni hee'noommo diri baalunkunni, Isi albaanni qullaambetenninna keeraanchimmatenni hee'neemmo.

YOHAANNISI 1:1

Umo Qaalu no. Qaaluno Maganu ledo no. Hakku Qaalino Maganoho.

YOHAANNISI 14:6

Yesuusi qole, «Doogono, halaaluno, heeshshono aneeti. Ane widoonni ikka hoogiro, ayino Anni'yawa daannohu dino.

SOQQAMAASINETE LOOSO 13:48

Daga insa yituta macciishshite, lowo geeshsha hagiidhitu. Maganu qaaleno ayirrissu. Hegere heeshshora doorantinori baalu amma'nitu.

SOQQAMAASINETE LOOSO 15:9

Wodanansa ammanatenni keereensino daafira, ninkenna insa mereero badooshshe diworino.

ROOMU SOKKA 6:17

Ki'ne alba cubbu borojjeeti; xa kayinni adhitinoonni rosira wo'mu wodaninni hajajantinoonni daafira Maganoho galatu iillosi.

ROOMU SOKKA 8:33

Maganu doorinore, «Sao assitinoonni» yaannonsahu ayeti? Keereensannonsahu Maganoho.

ROOMU SOKKA 9:11

Maganu doorshi loosunni ikkikkinni woshshattosinni ikkinota leellishate, lamenti ooso ilantukkinni busha woy dancha coye assitukkinni,

UMI QORONTOOSI 1:21

Tenne gobba manni Magano uminsa egennonni afa hoogino daafira, ninke kulleemmoha gowwimma lawannoha Dancha Duduwo ammantannori gattanno gede Maganu fajjino.

GALATIYU SOKKA 3:1

Ki'ne hawanya Galatiyu manna! Tenne so'ro giddora e'inanni gede wodana amadino'neri maati? Yesuusi Kiristoosi dawete aana sutama alba'neenni leeltanni noo'ne.

EFESOONI SOKKA 2:8

Ki'ne gattinoonnihuno amma'nate widoonni eltosinniiti. Kunino Maganu mulla uyino'ne ba'raa'raati ikkinnina, ki'nenni di"ikkino.

MARRO 33:12

Biiniyaami ga'rerano, «Kaaliiqi baxanno'ne; agaranno'ne. Barra wo'ma agaranno'ne; Kaaliiqi mereero'ne hee'ranno» yii.

QOLASIYAASI SOKKA 1:5

Halaalu qaali, Danchu Duduwi balaxe ki'newa dayi yannara, isi aanno hexxo macciishshitinoonni. Kunnira, ammana'nenna baxilli'ne gordoho qixxaabbe noo'ne hexxo aana xintamino.

QOLASIYAASI SOKKA 3:12

Xa Maganu doodhino manni gede qullaawootanna baxantinoonnire ikkitine mararro, joongille, shaqqille, shooshanqenna cinca, uddanote gede assitine uddidhe.

UMI TESELONQE 1:4

Maganu baxino'ne roduuwa, Isi ki'ne doodhino'neta anfoommo.

UMI TESELONQE 2:12

Wo'manka woyite jawaachinshanni'nenna sheshifachinshanni'ne, gashshootesinna ayirrinyesi beeqqitinara woshshino'ne Magani hagiidhanno garinni heedhinanni gede xixxiimbeemmo'neta egentinoonni.

UMI TESELONQE 4:7

Maganu battaambammora ikkikkinni qullaawoota ikkine hee'nammora woshshinonke.

UMI TESELONQE 5:9

Maganu hanqoho ikkikkinni, Mootichinke Yesuusi Kiristoosi widoonni hinge gato afi'nammora woshshinonke.

LAYINKI TESELONQE 1:3

Roduuwa'ya, ki'nenni kainohunni Magano wo'manka woyite galanteemmo. Galatano hasiissannonkete; galanteemmohuno, ammana'ne roore lophitanni noohuranna mimmiti'nera noo'ne baxillino lexxanni noo daafiraati.

LAYINKI TESELONQE 2:10

Ba'annore so'risiisannohu, addi addi bunshe assatenniiti. Kuni manni ba"annohu, gatote iillishanno halaale baxe adha giwino daafiraati.

LAYINKI TESELONQE 2:12

Kuni ikkannohu halaale ammana gibbe bunshetenni hagiidhitannori baalu qorichishantanno gedeeti.

LAYINKI TESELONQE 2:16

Mootichinke Yesuusi Kiristoosinni, qoleno baxinonkehunna eltosinni hegere jawaantenna dancha hexxo uyinonkehu Maganu Anninke,

LAYINKI XIMOOTEWOOSI 1:9

Ninke loosinni ikkikkinni isi hedosinninna eltosinni gitisinonke. Qullaawa heeshshora woshshinonke; tenne elto lowo dirira albaanni Kiristoosi Yesuusi widoonni qole uyinonke.

LAYINKI XIMOOTEWOOSI 2:15

Halaalu qaale taashshite coyi'rattoha fokkisiisoottokki loosaasincho ikkite, atenee haa'nannihe gedeeha assite Maganoho shiqishate jawaati.

LAYINKI XIMOOTEWOOSI 3:15

Anjekkinni kayisse Kiristoosa Yesuusa ammanatenni, gato afi'nanni roso uyitannota Qullaawa Borrono afootto.

IBIRAAWOOTA 1:10

Hattono, «Mooticha! Ati umo assite baatto xintootto; gorduno angakki loosooti.

YAIQOOBI 1:18

Maganu kalaqama baalaho umire ikkinammora isi umisi hedonni halaalu qaalinni ilinonke.

UMI YOHAANNISI 4:10

Baxillu togooti; Magano ninke banxoommoha ikkikkinni, isi ninke baxe cubbonke agursiisate Beettosi soyinonke.

UMI YOHAANNISI 4:19

Maganu ninke balaxe baxinonke daafira ninkeno banxeemmosi.