LAYINKI TESELONQE 2:10 - Qullaawa Maxaafa

¹⁰ Ba'annore so'risiisannohu, addi addi bunshe assatenniiti. Kuni manni ba"annohu, gatote iillishanno halaale baxe adha giwino daafiraati.

LAYINKI TESELONQE 2:10 ပူးပေါင်းရင်းမြစ်များ

LAWISHSHA 1:7

Kaaliiqa waajja egennote umoho. Hawanyootu egennonna seejjo mishshanno.

LAWISHSHA 8:17

Ani baxxannoere baxeemma; hasidhannoeri afidhannoe.

MAATEWOOSI 13:11

Isi qole, «Ki'nera gordu gashshooti maana afate hayyo uyinoonni'ne. Insara kayinni diuyinoonninsa.

YOHAANNISI 3:17

Maganu beettosi soyinohu baattote aana noo mannira busha yoo yaate ikkikkinni gatisate yeeti.

YOHAANNISI 5:34

Konne yeemmohuno ki'ne gattinara ikkinnina mannu farci'ra anera assitanno'eri dino.

ROOMU SOKKA 10:1

Roduuwa'ya! Wodani'yara nooti lowo halchonna Maganoho shiqishi'reemmo huuccatto manni'ya Israeele gattanno gedeeti.

ROOMU SOKKA 16:18

Hattoo manni kokkensara calla ikkinnina Mootichinke Kiristoosira soqqamannoha di"ikkino. Owaatunna awishshu qaalinni beebbaataamo manna dogganno.

ROOMU SOKKA 6:17

Ki'ne alba cubbu borojjeeti; xa kayinni adhitinoonni rosira wo'mu wodaninni hajajantinoonni daafira Maganoho galatu iillosi.

UMI QORONTOOSI 1:18

«Yesuusi masiqalu aana sutame reyino» yine kullanni qaali ba'annorira gowwimmate. Ninke ganteemmorira kayinni Maganu wolqaati.

UMI QORONTOOSI 16:22

Mooticha baxannokkihu hee'riro, rumaminoha ikko. Maaranaata - Mootichanke rakke amo!

LAYINKI QORONTOOSI 11:13

Hattoo manni Kiristoosi soqqamaasine lawate insanaa soorritannoreeti; kaphaasine soqqamaasineetinna awaawuraasine loosaasineeti.

LAYINKI QORONTOOSI 11:15

Sheexaanu soqqamaanono keeraanchimmate soqqamaano labbara insanaa soorrituro maala'linannire diafi'rino; goofimarchoho loosinsata mixxitanno.

LAYINKI QORONTOOSI 2:15

Ninke ba'annoriranna gattannorira Maganoho Kiristoosi su'niilleeti.

LAYINKI QORONTOOSI 2:17

Lowo manni Maganu qaalinni dadda'le qiniite afi'rara hasi'ranno. Ninke kayinni Maganu soyino manni gede taalotenni Kiristooosinni hee'ne Maganu albaanni coyi'neemmo.

EFESOONI SOKKA 4:14

Kunni ka'a mannu awaawurshinninna xagarrotenni, so'rote bubbenna dambalu ka'anna kawa shafanna gatantarranni qaaqquullu gedeere ikkinoonke.

UMI TESELONQE 2:16

Daga gattanno qaale kulleemmokki gede nafa hooltannonke. Kunni garinni cubbu aana cubbo lexxitanni heedhanno. Kunnira xa goofimarchoho Maganu hanqi dayinonsa.

LAYINKI TESELONQE 2:12

Kuni ikkannohu halaale ammana gibbe bunshetenni hagiidhitannori baalu qorichishantanno gedeeti.

LAYINKI TESELONQE 2:13

Mootichu baxanno'ne roduuwa, ninke ki'ne daafira wo'manka woyite Magano galata hasiissannonke. Galanteemmohuno, Ayyaanu qullaawoota asseenna'ne gattinanni gede Maganu umire asse doorino'nehuranna halaalaancho ammana'ne daafiraati.

UMI XIMOOTEWOOSI 2:4

Maganu halcho, mannu baalunku gatannonna halaale afanno gedeeti.

IBIRAAWOOTA 3:13

Ki'ne giddonni ayino cubbunni dogame wodana dillaawannokki gede, techo barri ninkeha ikke hee'reenna barru barrunku mimmito'ne jawaachishshe.

LAYINKI PHEEXIROOSI 2:12

Kuri kaphaano, buuxa dandiitannokki coye xontanno; insa woshshaadamatenna ba"ate kalaqantino; ayyaani galte heedhannonna heda dandiitannokki saada gedeereeti; insano reyitanno garinni ba'anno.

LAYINKI PHEEXIROOSI 2:18

Kaphonna quwa saino coye coyidhanno; so'rotewiinni xaalla gate fulino manna foorrete halchora aduulte xagartanno.