LAYINKI TESELONQE 1:7 - Qullaawa Maxaafa

⁷ Xa qarra adhitinannirira ninke ledo fooliishsho aanno'ne. Hatto assannohu, Mootichu Yesuusi wolqaataame sokkaasinesi ledo wala yitanno giiranni gordunni daanno warooti.

LAYINKI TESELONQE 1:7 ပူးပေါင်းရင်းမြစ်များ

FULO 19:18

Kaaliiqi giiratenni dirrino daafira, Siina Ilaala wiliile guggushshitu; ilaalu aaninni ka'anno wiliile boosonni fultannota labbanno; ilaaluno gudisame huxi'ri.

FULO 3:2

Hakko hee'reenna, Kaaliiqi sokkaasinchi buwanni noo citi giddo hee're leellisi; Museno giira cita ittanni heedheennanni giiraminokkita afe,

ISAYAASI 57:2

Halaalaancho heeshsho heedhinori, reyitanno waro, keerenna fooliishsho afidhanno.

ISAYAASI 66:15

Kune Kaaliiqi wolqaataamu hanqisinni baarigaarrasi rabbisi'raranna, wala yitanno giiranni rufara daanno; faradi gaaresino hombobolattete gede buubbanno.

HIZIQEELI 1:13

Daninsano, kashilunna buwanno caabbichi gedeeho; mereeronsa bubbanno giira millissanni no. Xawaabbuno wara'a yiinoho; giirate giddonnino banqo fultu.

DAANIEELI 7:9

Ani la"anni hee'reenna, ayirradda mootete barcimma, aante aantetenni dirantu. Hegerera Hee'rannohu umisi barcimi aana ofolli; uddanosi kaadete gedeete; shaallote gede waajjote. Isi ofollino barcimi giirate gede buwanno; qalaame barcimu lekkuwa giirate gede wala wala yitanno.

MAATEWOOSI 16:27

Manchi Beetti Annisi ayirrinyinni sokkaasinesi ledo daanno woyite, mittu mittunkura loosisi garinni aanno.

MAATEWOOSI 16:28

Halaale kuleemmo'nena, Manchi Beetti Gashshootisi ayirrinyinni daanna la'a geeshsha konniicho uurrite noori giddonni reyitannokkiri no» yii.

MAATEWOOSI 25:31

Yesuusi lede, «Manchi Beetti sokkaasine baalatenni dukkisame ayirrinyunni daye ayirrinyu barcimira ofollanno.

MAATEWOOSI 25:41

«Hakkunni gedensaanni guraanni noorirano, ‹Ki'ne rumantinoonniri! Anewiinni xeertidhe! Sheexaanehonna sokkaanosira qixxeessinoonnitewa hegere giirawa hadhe!

MAATEWOOSI 26:64

Yesuusino, «Ati yiitto gedeeti. Ikkollana kunni ka'a Manchi Beetti Wo'manka Dandaanno Maganira qiniiteenni ofollinoha affinanni; hattono gordu gomichinni dukkisame daanna la'inanni» yiinsa.

MAARQOOSI 14:62

Yesuusino, «Ee, aneeti. Manchi Beetti Wo'manka Dandaanno Maganira qiniiteenni ofollannanna, gordu gomichinni daanna la'inanni» yii.

MAARQOOSI 8:38

Tenne fooranna cubbaataame ilama giddo, anenna qaale'ya fokkannoha baala, Manchi Beetti annisi ayirrinyinni qullaawa sokkaasine ledo daanno waro fokkannosi» yiinsa.

LUQAASI 16:25

«Abirihaami qole, ‹Beetto'ya, ati uullate aana hee'ritto diro baala hagiidhitanni hee'roottota qaagi. Aliaazaari kayinni qarru giddo hee'rino. Xa kayinni isi hagiidhanna ati qarramatto.

LUQAASI 17:30

Manchi Beetti daanno barrano hatto ikkanno.

YOHAANNISI 1:3

Baalunkuri isinni ikkino. Kalaqaminori giddo, isiweello kalaqaminori mitturino dino.

YOHAANNISI 1:51

Halaale kuleemmo'ne; gordu fa'nameenna Maganu sokkaasine Manchi Beetti aanira gidditannanna dirritanna la'inanni» yii.

SOQQAMAASINETE LOOSO 1:11

«Ki'ne Galiilu manna, iima higgine la'inanni kawiicho mayira uurritinoonni? Iima hige ha'ranna la'ini Yesuusi, iima hige ha'ranna la'ini garinni galagale daanno» yitunsa.

SOQQAMAASINETE LOOSO 3:19

Kunnira, cubbi'ne aguramanno'ne gede aagintaabbine Maganunniwa higge.

ROOMU SOKKA 8:17

Maganu ooso ikkinummoro, Maganu ragi'raasineeti; Kiristoosi ledo ragi'neemmoreeti. Kiristoosi qarra beeqqinummoro, gedensaanni ayirrinyesi beeqqineemmo.

UMI QORONTOOSI 3:13

mittu mittunku loosi yoote barra xawo fulanno. Hakko barra giira fonqoltanno daafira, mittu mittunku loosi reqecci yaanno.

LAYINKI QORONTOOSI 4:17

Kuni shetisannonkehu shiimu sa"anno qarri, hakko qarrira aliidiha dhaggeeffantanniha hegere ayirrinye haa're daannonke.

EFESOONI SOKKA 1:2

Maganu Anninketi, Mootichinke Yesuusi Kiristoosi eltonna keeru ki'ne ledo hee'ro!

QOLASIYAASI SOKKA 1:16

Gordohonna baattote aana noore illete leeltannorenna leeltannokkire wolqaataamma, mootoolla, gashshaanonna roorroota baala kalaqinohu isooti. Maganu baalanka coye kalaqinohu isinniiti; qoleno isiraati.

UMI TESELONQE 3:13

Kunni garinni, Mootichinke Yesuusi isire ikkitinori baalu ledo daanno waro, Maganu Anninke albaanni minshanniri nookkirenna qullaawoota ikkitinanni gede wodana jawaachishanno'ne.

LAYINKI XIMOOTEWOOSI 2:12

Cincine hee'nummoro, isi ledo moonkeemmo. Badhe wodhinummosiro kayinni, isino badhe wodhannonke.

TIITO 2:13

Kunni garinni maassantinota hexxonke, jawa Maganonke, Mootichinke Yesuusi Kiristoosita ayirrinyunni leella agadhineemmo.

IBIRAAWOOTA 10:27

Xa gatte nooti waajjishshanno yoonna Magano qoxxissannore ittannota wolqaataame giira agadhate.

IBIRAAWOOTA 12:29

Maganinke ittanno giiraati.

IBIRAAWOOTA 4:1

Kunnira, isi aannonketa fooliishshote gobba eate afi'noommo hexxo xaa geeshsha noo daafira, ki'ne giddonni ayino fooliishshote gobba eate wolqa hoogannokki gede, baalunku waajjatenni agadhino.

IBIRAAWOOTA 4:11

Kunni daafira, ayino hakko mannita hajajama giwansa ha'runse uwannokki gede, Maganu fooliishshowa eate jawaanto.

IBIRAAWOOTA 4:9

Maganu mannira, Maganu fooliishshi'ri barrite gedee fooliishsho gatte noonsa.

IBIRAAWOOTA 9:28

Kiristoosi lowo manni cubbo hunara mitte hige kakkalamino. Qoleno cubbo duqqara ikkikkinni, iso agadhitannore gatisara layinkimeeshsho daanno.

UMI PHEEXIROOSI 3:22

Isi gordo ha're Maganoho qiniiteenni no; sokkaasine, gashshaanonna wolqaataammu angasira higganno.

LAYINKI PHEEXIROOSI 3:7

Magano magansidhannokkiri, xa noo gordinna baatto sa'anno barri yoonnihu geeshsha giirate qixxaabbe agartanno.

YIHUDA 1:7

Soddoomunna Gomooruno qooxeessinsara noo katamma ledo foorrennire ikkitino; foorretenni mannaho nookki akkimale ikkitino. Kunnira insa hegere giiranni qorichishantannorira lawishshaho.

YOHAANNIS AJUUJA 1:7

Kuneeti, gomichunni daanni no! Qassusiri nafa gattukkinni, mannu baalu ille la"annosi; baattote aana noo manni baaluno, iso lae hururame wi'lanno. Yinoonnirino ikkanno. Hamii'ni!

YOHAANNIS AJUUJA 14:10

Maganunnihura hanqu finiinchira worroonnita kaajjado woyinete xajje agganno. Qullaawa sokkaasinenna Ge'rechu albaanni giiranna ruqanu itannonsa.

YOHAANNIS AJUUJA 14:13

Gordunni, «Kune borreessi: Kunni ka'a Mootichunnire ikkite heedhe reyitannori baraadhinoreeti» yitanno huuro macciishshummo. Ayyaanu qole, «Ee! Daafuro fooliishshidhanno gede loosinsa hoode ha'rannonsa» yii.

YOHAANNIS AJUUJA 20:11

Hakkunni gedensaanni lowoha waajjo ayirrado barcimanna barcimu aana ofolle nooha afummo. Hatte yannara baattonna gordu albisinni xooqqu; higguwano dianfoonni.

YOHAANNIS AJUUJA 21:4

Hindiiddo baala illensanni feyanno; albi ikkito sa'ino daafira, reyo woy dadillu woy wi'la woy shetto kunni ka'a diheedhanno» yitannoti lowo huuro fultanna macciishshummo.

YOHAANNIS AJUUJA 22:16

Yesuusi, «Ani konne coye farci'ranno gede sokkaasincho'ya beetekiristaannate soommo. Ani Daawiti rumushshootinna isi sirchooti; soodimaroho xawanno bakkalchooti» yii.

YOHAANNIS AJUUJA 22:6

Hakkunni gedensaanni sokkaasinchu, «Kuni qaali hawaqi'nannihonna halaaleho. Ayyaanasi himanaanote aanno Magani Mootichu, shiima yanna gedensaanni ikkanno coye soqqamaanosira xawise leellishanno gede sokkaasinchosi soyi» yiie.

YOHAANNIS AJUUJA 22:9

Sokkaanchu kayinni, «Qorophi! Togo ikkitooti! Anino atenna himanaano roduuwikki ledo, kunni maxaafi giddo noo qaale agadhitannori ledo soqqamaanchohona, Maganoho kumbuuli!» yiie.

YOHAANNIS AJUUJA 6:11

Mittu mittunkura waajjo uddano uyininsa; shinanniri, insa gedee soqqamaanotinna roduuwinsa kiiro wo'mita geeshsha, shiima yanna fooliishshidhe agartanno gede kullinsa.