LAYINKI TESELONQE 1:3 - Qullaawa Maxaafa

³ Roduuwa'ya, ki'nenni kainohunni Magano wo'manka woyite galanteemmo. Galatano hasiissannonkete; galanteemmohuno, ammana'ne roore lophitanni noohuranna mimmiti'nera noo'ne baxillino lexxanni noo daafiraati.

LAYINKI TESELONQE 1:3 ပူးပေါင်းရင်းမြစ်များ

IYYOOBI 17:9

Keeraano doogonsa aana kaajjite uurritanno; xalala wodana afidhinori wolqa lexxitanno.

FAARSO 84:7

Hakkiichira hadhanni heedhe, Jawaantete aana jawaante lexxitanno; magannate Maganono Tsiyooni marte la'anno.

FAARSO 92:13

Tini haqqe Kaaliiqi nafara kaansoonnite; Qullaawa Minesi latte heedhanno.

LAWISHSHA 4:18

«Keeraanote doogo, soodo arrishsho gedeete; barri taalooti geeshsha lexxitanni hadhanno.

LUQAASI 15:32

Kuni rodiikki kayinni, reyinohu kaino; bainohu leellino. Kunnira, hagiidha hasiissannonke› yiinosi» yii.

LUQAASI 17:5

Soqqamaasineno Mooticha, «Eeggakkiitina Amma'na ledinke!» yitusi.

YOHAANNISI 15:2

Ane aana hee're guma laalannokki sina baala Anni'ya mure hunanno; guma laalannoha lede guma aanno gede qonqolche seekkanno.

ROOMU SOKKA 1:8

Amma'na'ne duduwi gobba baalate duduwaminohura, ki'ne baalunku daafira, Yesuusi Kiristoosinni Magano'ya galaxxeemmosi.

UMI QORONTOOSI 1:4

Yesuusi Kiristoosi widoonni qole uyino'ne elto daafira, wo'manka woyite Magano galaxxeemmo.

LAYINKI QORONTOOSI 10:15

Kunnira ninke Maganu uyinonke danna sa'ne, wolu manni loosi giddora e'ne diadawadhineemmo. Roorenka amma'na'ne lophitanno gedenna loosinke Maganu uyinonke danni giddo mereero'ne hala'lanno gede hexxineemmo.

EFESOONI SOKKA 5:20

Wo'manka woyite baalunku coyira Mootichinke Yesuusi Kiristoosi su'minni Magano Annanke galattesi.

FILIPHISIYUSI SOKKA 1:7

Ki'ne wodani'yanni diba'inannireeti. Hakkuno hasiisanno coyeti. Kuni ikkannohu, ki'ne baalunku Maganu uyinoe soqqanshora ane ledo kaa'lantinoonni daafiraati. Hatto assitinoonnihuno, xa ani usuru mine hee'reennanna alba Dancha Duduwo xiibbannore gargareemmo woyitenna konne halaale dhaawummo yannaraati.

FILIPHISIYUSI SOKKA 1:9

Baxilli'ne halaalu egennonna wo'ma wodancha ledo mitteenni lede lede lophanno gede, Magano huucci'reemmo.

UMI TESELONQE 3:12

Ninke banxeemmo'nente gede, Mootichu ki'ne ki'neneewanna wolu manni baalu ledo noo'ne baxilli lophannonna hala'lanno gede asso'ne.

UMI TESELONQE 3:6

Xa kayinni Ximootewoosi ki'newa galagale hige, ammana'nehanna baxilli'neha tashshi assanno duduwo kulinonke. Qoleno wo'manka woyite danchatenni qaagginanninketanna ninke ki'ne la"ate sinsinnaambeemmo bikkinni ki'neno ninke la"ate sinsinnaabbinannita kulinonke.

UMI TESELONQE 3:9

Kuneeti xa ki'ne daafira Maganonke galaxxineemmo; ki'nenni kainohunni Isiwa noonke hagiirri daafirano galaxxineemmosi.

UMI TESELONQE 4:1

Roduuwa'ya, Magano hagiirsiisate hiitto ikkine hee'ra hasiissannoro ninkewiinni rossinoonni; xa heedhinoonnihu hakko garinniiti. Leddine leddine hatte heeshsho heedhinanni gede Mootichu Yesuusi su'minni huucci'neemmo'nenna amaalleemmo'ne.

LAYINKI TESELONQE 2:1

Roduuwa'ya, Mootichinke Yesuusi Kiristoosi daanna ninkeno isi ledo hee'nammora gamba yineemmo gambo daafira,

LAYINKI TESELONQE 2:13

Mootichu baxanno'ne roduuwa, ninke ki'ne daafira wo'manka woyite Magano galata hasiissannonke. Galanteemmohuno, Ayyaanu qullaawoota asseenna'ne gattinanni gede Maganu umire asse doorino'nehuranna halaalaancho ammana'ne daafiraati.

UMI PHEEXIROOSI 1:22

Ammanaano taalu baxillinni baxxinanni gede, halaaleho hajajamatenni lubbo'ne keereensidhinoonni. Kunnira mimmiti'ne ledo xalalu wodaninni seekkitine baxamme.

LAYINKI PHEEXIROOSI 1:13

Tenne heeshshonni noommo geeshsha, wo'manka woyite ki'ne qaagiissa hasiissanno yee hedeemmo.

LAYINKI PHEEXIROOSI 3:18

Roorenka, Mootichinkenna Gatisaanchinke Yesuusi Kiristoosi eltonninna egennonni lophe; isira xaano hegere geeshsha ayirrinyu ikkosi! Hamii'ni.