LAYINKI TESELONQE 1:11 - Qullaawa Maxaafa

¹¹ Konne coye hedatenni ki'ne daafira wo'manka woyite huucci'neemmohu Maganinke, woshshino'ne heeshshora maltinoonnire ikkitinanni gedenna dancha coye assate noo'ne halchonna ammana'ne looso baala wolqasinni guuttinannire assanno'ne gedeeti.

LAYINKI TESELONQE 1:11 ပူးပေါင်းရင်းမြစ်များ

FAARSO 138:8

Hedootto hedo wonshattoe; Kaaliiqa'ya, bagamannokkihu baxillikki hegereho; hanafootto looso gudittokkinni diaguratto.

FAARSO 51:18

Tsiyoonira baxillikkinni dancha coye assisi; Yerusaalamete huxxano huxxi.

FAARSO 68:20

Maganinke gatisaancho Maganooti; Maganu Kaaliiqi reyotenni gatisannoho.

LAWISHSHA 4:18

«Keeraanote doogo, soodo arrishsho gedeete; barri taalooti geeshsha lexxitanni hadhanno.

ISAYAASI 25:9

Kuni coyi ikkanno waro mannu, «Isi Maganonkeeti; hexxinoommosi daafira gatisinonke. Gatisinonkehu isootina, amme isinni hagiidhinona» yaanno.

ISAYAASI 55:7

Bushu manchi bunshete doogonni higo; xagaraamuno xagarrosi aguro. Maarosi bati'ra ikkitino daafira cubbosi agurannosina, Maganinke Kaaliiqiwa higo.

ISAYAASI 66:9

Iltanno yanna iillitannose gede assoommota ila hooleemmoni? Godobbanno gede assoommotera otootto cufeemmoni? Konne coye coyi'roommohu ani Kaaliiqaati» yii.

DAANIEELI 3:17

Ninke soqqammeemmosi Magani tenne bubbanno giiranninna ate anganni gatisankera dandaanno.

HOOSEI 6:3

Amme, Kaaliiqa afate lowo geeshsha diinaggaambona. Isino soodimari xawaabbinna baatto duushshannohu badheessi xeeni gede addinta ninkewa daanno» yaanno.

ZAKKAARIYAASI 4:7

Zerubaabeeli! Kuni albakkiinni noo ilaali maati? Taalo xawo ikke gatanno; atino Qullaawa Mine galagalchite minatto; Mine tantanatto woyite mannu, ‹Hiittoo xumaati!› yaanni cancanno» yiie.

MAARQOOSI 4:28

Baatto umise wixa mu'risseenna, agashsho kalaqi're, agashshote aana guma laalanno.

LUQAASI 12:32

«Ki'ne shiima hoshsha, Anni'ne gashshootesi aa'nera hasi'rinona waajjitinoonte.

ROOMU SOKKA 1:9

Wo'manka woyite huuccatto'yanni qaageemmo'netera, Beettisiha Dancha Duduwo kulanni wo'mu wodani'yanni soqqameemmosi Magani naqaashshe'yaati.

ROOMU SOKKA 11:29

Maganu doorihunna eltosi uyihu gedensaanni assino coyira digaabbanno.

ROOMU SOKKA 15:14

Roduuwa'ya, giddo'ne danchumma wo'miteenna, egennotennino duroo'mitine mimmito'ne seejja dandiitinannire ikkitinoonnita ani umi'ya buuxoommo.

ROOMU SOKKA 8:30

Balaxe doorinore woshshinsa; woshshinonsareno keereensinsa; keereensinonsareno ayirrisinsa.

UMI QORONTOOSI 1:8

Mootichinke Yesuusi Kiristoosi daanno barra xe'o nookkire ikkitinanni gede, isi goofimarchu geeshsha kaajjitine heedhinannire assanno'ne.

EFESOONI SOKKA 1:16

huuccatto'yanni qaaganni'ne ki'ne daafira Maganoho galata aa diaguroommo.

EFESOONI SOKKA 1:5

Yesuusi Kiristoosinni oososi ikkineemmo gede Maganu alba asse hirqino.

EFESOONI SOKKA 1:9

Kiristoosi widoonni qole wonshara balaxe hedinoha dahaawe noo coye anfeemmo gede assino.

FILIPHISIYUSI SOKKA 1:6

Konne dancha looso ki'nenni hanafino Magani, Kiristoosi Yesuusi galagale daanno Barri geeshsha wonshannota dihuluullameemmo.

FILIPHISIYUSI SOKKA 2:13

Hatto assitinannihu, dancha hedosi daafira, heddinannireno ikko assitinannire ki'ne giddo loosannohu Magano ikkinohuraati.

FILIPHISIYUSI SOKKA 3:14

Aannoe ba'raa'ra adhate marre gawa'linanniwa hige dodeemmo. Kuni ba'raa'rino Maganu Yesuusi Kiristoosi widoonni qole gordo woshshe aannoe heeshshooti.

UMI TESELONQE 1:3

Maganinkenna Anninke albaanni ammana'nenni leellishshinanni looso, baxilli'ne jaantenna Mootichinke Yesuusi Kiristoosinni afidhinoonnita jawaata hoxxo wo'manka woyite qaangeemmo.

LAYINKI TESELONQE 1:5

Kuni coyi baalu, Maganu yoo halaalaancho ikkitinotanna ki'ne qarra adhitinoonnihura Maganu gashshootira guuta manna ikkitinoonnita leellishanno.

LAYINKI TESELONQE 2:14

Maganu, kulloommo'nehu Danchu Duduwi widoonni qole woshshino'nehu, Mootichinke Yesuusi Kiristoosi ayirrinye gutantinaraati.

IBIRAAWOOTA 12:2

Amma'nanke umonna gawalo ikkinohu Yesuusi aaninni ille'ne hooltinoonte. Isi albasiinni noo hagiirri daafira yee, shollinye waajjikkinni masiqalu aana ree, ayirradu Maganu barcimira qiniiteenni ofollino.

IBIRAAWOOTA 3:1

Gordu woshshatto beeqqaasine ikkitinoonniri qullaawa manna! Amma'nankera soqqamaanchonna Qeesootu Qara Yesuusa qaagge!

UMI PHEEXIROOSI 5:10

Shiima yanna geeshsha qarra adhitinihu gedensaanni, Kiristoosi Yesuusinni hegere ayirrinyiwa woshshino'nehu, elto baalate Magani, isinni amadino'ne qarriwiinni gatisanno'ne; irkisanno'ne; kaajjishanno'ne; teesiisanno'ne.

YOHAANNIS AJUUJA 3:4

Ikkollana, uddanonsa xursiisidhinokkiri Serdeesi shiimu manni ate ledo no. Insa ane ledo ha'ra maltinonsare ikkitino daafira, waajjo uddano uddidhe ledo'ya hadhanno.

YOHAANNIS AJUUJA 5:10

Maganinkera soqqantanno gede, qeesootu gashshoote assoottona; gobbano gashshitanno» yitanni tenne haaro faarso faarsitu.