LAYINKI TESELONQE 1:10 - Qullaawa Maxaafa

¹⁰ Qorichansa adhitannohu, mannu baaluwiinni ayirrinye adharanna ammantinosiri baalu guwissasira daanno yannaraati. Ki'neno ninke kulloommo'ne sokka adhitinoonni daafira insa ledo kiirantinanni.

LAYINKI TESELONQE 1:10 ပူးပေါင်းရင်းမြစ်များ

FAARSO 68:35

Israeelete Magani, Maganu Qullaawa Minesi waajjinanniho; mannisira wolqanna jawaante aanno; Maganu galatamo!

FAARSO 89:7

Keeraanote songo mereero Kaaliiqi ayirradoho; qooxeessaho noorira baalaho jawahonna waajjishannoho.

ISAYAASI 2:11

Haxawarrootu ille baatto la'annohunna boonaleeyye umo heeshshi yitanno barri daanno; hatte yannara Kaaliiqi callu ayirranno.

ISAYAASI 44:23

Kaaliiqi mannasi Israeele gatise jawimmasi egensiisinona, ki'ne gorduwa hagiidhitinanni faarse! Baatto atino ilillisi Ilaalla, dubbunna giddo heedhinoonni haqqe baala, hagiidhitinanni kukkubbe!

ISAYAASI 49:3

Isino, «Israeeli! Ati anera soqqamaancho'yaati; atenni kainohunni mannu baalu ayirrisannoe» yiinoe.

ISAYAASI 60:21

Mannikkino keeraancho ikkanno; baattono hegere geeshsha ragi'ranno; galattannoe gede insa kalaqoommohunna kaasoommohu aneeti.

ERMIYAASI 33:9

Hatte yannara, Yerusaalamete mannira asseemmoha dancha coye baala macciishshitanno gosa albaanni hagiirsiissannoe; ayirrinyenna galatano uyitannoe. Baattote aana noo gosa baala Yerusaalamete mannira asseemmoha dancha coyenna eemmonsa jiro affe waajjite qece yite huxidhanno» yii.

MILKIYAASI 3:17

Olantote Mootichi Maganu, «Insa anere ikkitanno; ani looseemmo waro insa anera baxxitino woxe ikkitanno. Annu soqqamannosi beetto mararannohu gede anino insa marareemmonsa.

KIIRO 23:23

Israeele bita diamaddanno; gojuno di"iillannonsa. Wole gosano Israeelete mannire coyidhanni, ‹Kune Maganu assinonsare la'e› yitanno.

MAATEWOOSI 16:27

Manchi Beetti Annisi ayirrinyinni sokkaasinesi ledo daanno woyite, mittu mittunkura loosisi garinni aanno.

MAATEWOOSI 16:28

Halaale kuleemmo'nena, Manchi Beetti Gashshootisi ayirrinyinni daanna la'a geeshsha konniicho uurrite noori giddonni reyitannokkiri no» yii.

MAATEWOOSI 24:36

Yesuusi lede, «Hakkonne barranna hattenne saate Maganu Annu ka'a, gordu sokkaasineno ikkito, Beettono ikko, afinohu dino.

MAATEWOOSI 25:31

Yesuusi lede, «Manchi Beetti sokkaasine baalatenni dukkisame ayirrinyunni daye ayirrinyu barcimira ofollanno.

MAATEWOOSI 7:22

Yoote barra lowo manni, ‹Mooticha'ya! Mooticha'ya! Su'mikkinni himana dicoyi'nummo? Su'mikkinni durriisa difushshinummo? Su'mikkinni lowo maalale diloonsummo?› yaannoe.

LUQAASI 10:12

Halaale kuleemmo'nena, yoote barra hakku katami Soddoomu qorichishamihunni roore qorichishamanno.

YOHAANNISI 11:4

Yesuusino konne coye macciishshe, «Kuni dhibbi reyote iillishannoha di"ikkino. Ikkollana Maganu ayirrinyira ikkanno. Maganu Beettino kunninni ayirranno gedeeti» yii.

YOHAANNISI 17:10

Anehu baalu ateho; atehuno aneho. Anino insanni ayirreemmo.

UMI QORONTOOSI 1:6

Kiristoosi daafira farci'noommo coyi ki'ne giddo darga assi'rino.

UMI QORONTOOSI 3:13

mittu mittunku loosi yoote barra xawo fulanno. Hakko barra giira fonqoltanno daafira, mittu mittunku loosi reqecci yaanno.

GALATIYU SOKKA 1:24

Anenni kainohunni Maganono galattu.

EFESOONI SOKKA 1:12

Kuni ikkinohu, balanxe Kiristoosa hexxinoommori ninke, Maganu ayirrinye galatunni leellinsheemmo gedeeti.

EFESOONI SOKKA 1:14

Maganu isire ikkitinore baala gudise wode wolassa geeshsha, Qullaawu Ayyaani iqqinkera uyinoonninke tajeeti. Kunnira Maganu ayirrinye galatunni leellinsho.

EFESOONI SOKKA 1:18

Woshshino'ne hexxo hiittootero qullaawu manni ragi'rannohu ayirradu iqqi mageeshshi geeshsha lowohoro affinara wodani'ne ille xabbanno gede huucci'reemmo.

EFESOONI SOKKA 1:6

Baxannoha Beettosi calla uyinonketera ayirrado eltosi daafira Magano galanto!

EFESOONI SOKKA 2:7

Hatto assinohuno, dagganno yanna baalate Kiristoosi Yesuusi widoonni qole xawisinonke shaqqillinni uyinonketa dannu nookki eltosi leellishankera yeeti.

EFESOONI SOKKA 3:10

Kuni ikkannohu, gordu gobba gashshaanonna roorrootu beetekiristaanete widoonni addi addi danita Maganu egenno affanno gedeeti.

EFESOONI SOKKA 3:16

Maganu ayirrinyisi jironni Ayyaanisi wolqa widoonni qole giddoyidi mannimma'ne jawaachishanno gede huucci'reemmo.

UMI TESELONQE 1:5

Danchu Duduwi ki'newa wolqatenninna Qullaawu Ayyaaninni, wo'ma buuxanni ikkinnina qaalu callunni didayino. Ledo'ne hee'noommo yannara, ki'ne daafira yine hiitto ikkinoommoro affinoonni.

UMI TESELONQE 2:1

Roduuwa'ya! Ki'ne la"ate daanke mullaricho ikkitinokkita ki'nenni egentinoonni.

UMI TESELONQE 2:12

Wo'manka woyite jawaachinshanni'nenna sheshifachinshanni'ne, gashshootesinna ayirrinyesi beeqqitinara woshshino'ne Magani hagiidhanno garinni heedhinanni gede xixxiimbeemmo'neta egentinoonni.

UMI TESELONQE 2:13

Ki'ne daafira agurrummokkinni Magano galanteemmohu wolu coyino noonke. Hakkuno, ki'ne ammantinoonniri giddo loosannoha Maganu qaale kullummo'ne yannara, mannu qaali gede assitine ikkikkinni, Maganu qaali gede assitine adhitinoonni. Addanko loosannohu Maganu qaaleeti.

LAYINKI TESELONQE 1:12

Mootichinke Yesuusi su'mi ki'nenni ayirranno gedenna ki'neno Maganinkenna Mootichinke Yesuusi Kiristoosi elto garinni isinni ayirritinanni gede Magano huuccineemmo.

LAYINKI TESELONQE 2:13

Mootichu baxanno'ne roduuwa, ninke ki'ne daafira wo'manka woyite Magano galata hasiissannonke. Galanteemmohuno, Ayyaanu qullaawoota asseenna'ne gattinanni gede Maganu umire asse doorino'nehuranna halaalaancho ammana'ne daafiraati.

UMI XIMOOTEWOOSI 3:16

Amma'nonke halaali, huluullo nookkiha jawaho. Hakku halaalino, «Manna ikke leellinohu; halaalaanchimmasi Qullaawu Ayyaaninni egennantinohu; sokkaasinete leellinohu; manna baalaho kulloonnihu; alamete aana noo manni ammaninosihu; ayirrinyunni gordo ha'rinohu» yaannoho.

LAYINKI XIMOOTEWOOSI 1:12

Konne qarra adheemmohuno kunni daafiraati. Ikkollana ammanoommoha egennoommo daafira disaaleemmo. Uyinoonnie eeggo hakko barri geeshsha agadha hasiissannoeta huwatoommo.

LAYINKI XIMOOTEWOOSI 1:18

Goofimarchu barrano Mootichu maarosi oosi; Efesooni noommo yannara soqqaminoe gara ati seekkite afootto.

LAYINKI XIMOOTEWOOSI 4:8

Xaate kunni ka'a, keeraanchimmate ba'latto agarte nooe; tenne ba'latto halaalaancho yoo yaanno Mootichi hakko barra aannoe. Aannohuno ane callaho ikkikkinni, isi daa baxxannorira baalahooti.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.