LAYINKI SAAMUEELI 5:3 - Qullaawa Maxaafa

³ Israeelete geerri baalunku Daawitiwa Kebirooni dagginohu kunniraati. Moote Daawitino Kebirooni Kaaliiqi albaanni insa ledo gondooro ei. Insano Daawiti buurte Israeelete moote assitusi.

LAYINKI SAAMUEELI 5:3 ပူးပေါင်းရင်းမြစ်များ

LAYINKI SAAMUEELI 2:4

Yihudu mannino hakkiira daye, Daawiti buure Yihudu moote assisi. Geleaadi hee'rannohu Yabiisi manni Saaooli reeshsha haa're madaarinota Daawitira kulleennasi,

LAYINKI SAAMUEELI 2:7

Xaate kaajje; jawaatte; mootichi'ne Saaooli reyino. Yihudu mannino ane buure mootensa assi'rinoe» yee sokkaancho soyi.

LAYINKI SAAMUEELI 3:21

Abeneerino Daawiti, «Kune Israeele baalanti atewa higganno gede asseemmo; baalunku ate mootimma baxanno; atino hasi'roottore baala afi'ratto; gobbano gudisse gashshatto» yiisi. Daawitino Abeneeri keerunni ha'ranno gede assisi.

UMI MOOTOOLLA 1:34

Hakkunni gedensaanni qeesichu Saadooqinna himanaanchu Naataani buurte Israeelete moote assitosina. Buudu xurumbano ufuuffine naggi yitino qoonqonni, ‹Moote Selemooni seeda diro hee'ri!› yiiyye.

LAYINKI MOOTOOLLA 11:17

Yoodahe, mootenna Yihudu gosa Kaaliiqi manna ikkate Kaaliiqi ledo gondooro e'anno gede assi; qoleno mannu mootete ledo gondooro eanno gede assi.

UMI DUDUWO 11:1

Israeele baalanti Kebirooni Daawitiwa dagge, «Ninke maalakkiitinna mundeekkiiti.

UMI DUDUWO 11:3

Israeelete geerri baalunku Daawitiwa Kebirooni dagginohu kunniraati. Moote Daawitino Kebirooni Kaaliiqi albaanni insa ledo gondooro ei. Insano Kaaliiqi Saamueeli widoonni qole coyi'rino garinni Daawiti buurte Israeelete moote assitusi.

UMI DUDUWO 28:4

Israeelete Magani Kaaliiqi, Yihudu ga're Israeelete albisa asse doorino; Yihudu giddonnino anni'ya mine doorino; anni'ya ooso giddonnino ane doore Israeele baalate moote assinoe. Ane sirchino moohe hegere geeshsha gashshanno gede coyi'rino.

LAYINKI DUDUWO 23:16

Yoodahe umisi, moote Iyoaasinna mannu Kaaliiqi manna ikkate gondooro eanno gede assi.

NEHIMIYA 9:38

Kunni garinni ninke Israeelete manni baalunku sheemaantummohu gedensaanni borreessineenna roorrootu, Leewaawootunna qeesootu farrantino.

FULO 3:16

Xa marte, Israeelete roorroota gamba assi; akaakka'ne Abirihaami, Yisihaaqinna Yaiqoobi Magani Kaaliiqi atera leelloommota kulinsa; insawano dirre Gibitsootu assitinonsa beebba laoommota kulinsa.

IYYAASU 10:36

Hakkunni gedensaanni, Iyyaasunna olantosi Egilooninni ka'e gaara fulte, Kebirooni bala tuggu.

EJJEETTO 11:11

Yofitaheno kae Geleaadi roorrooti ledo ha'ri. Mannuno roorrichanna gaadaanna assi'risi. Yofitaheno coyi'rinore wonshannota Mitsipha Kaaliiqi albaanni lede egensiisi.

UMI SAAMUEELI 11:15

Mannu baalunku kae Galgala ha'ri; Saaooli mootimma Kaaliiqi albaanni egensiisi. Hakkiichonni mannu mittimmate kakkalo Kaaliiqira shiqishi. Saaoolinna Israeele baalanti hagiirru jila ji'litu.

UMI SAAMUEELI 16:13

Saamueelino buudaho noo zayite haa're roduuwisi albaanni buurisi. Hakko barrinni kayise Kaaliiqi Ayyaani Daawiti aanira dirre wolqa wonshisi. Saamueelino kae Raama ha'ri.

UMI SAAMUEELI 23:18

Lamunku Kaaliiqi albaanni mimmitoho ledde gondooro e'u. Hakkunni gedensaanni Yoonaataani minisira ha'ri. Daawiti kayinni hakkiicho Horeeshinni gatino.