6 Iyuno kae minira e"eenna wedellichu himanaanchi ejersu zayite Iyu umira dune, «Israeelete Magani Kaaliiqi, ‹Manni'yara Israeelete moote ikkatto gede buuroommohe.
Hakkunni gedensaanni qeesichu Saadooqinna himanaanchu Naataani buurte Israeelete moote assitosina. Buudu xurumbano ufuuffine naggi yitino qoonqonni, ‹Moote Selemooni seeda diro hee'ri!› yiiyye.
Maganikki Kaaliiqi galatamo! Isi ate doore Israeelete moote assasinni atenni hagiidhinota leellishino. Israeelete noosihu baxillu hegereha ikkino daafira, taalonna halaale agaratto gede ate Israeelete moote assinohe» yitu.
Hadhe Iyorbiaamira Israeelete Magani Kaaliiqi, ‹Manni'ya giddonni doore manni'yara Israeelete gashshaancho assoommohe.
«Bukote aaninni kayise manni'yara Israeelete moote assoommohe. Ati kayinni Iyorbiaami gede cubbo loosse, manna'yano cubbu giddora eessootto. Cubbinsano ane hanqisinoe.
Nimishi beetto Iyuno buurte Israeelete moohanno gede assi. Abeeli-Mehola ilaminoha Saafaaxi beetto Elsai buurte ate darga amadanno gede assi.
Kune ani, ati doodhootto manni kiirre anfannikkihu giddo noommo.
Hakkunni gedensaanni tenne ejersu zayite umisi aana dunte, ‹Kaaliiqi: Israeelete moohatto gede buuroommohe› yiino yite kulte, rakke waalcho fa'nite fulte xooqi» yiisi.
Hakkiichira iille olantote hajajaano gamba yite nootenni xaade, «Mooticha'ya, atera sokka abboommohe» yii. Iyuno, «Ninke giddonni ayeraati?» yee xa'misi. Isino, «Mooticha'ya, ateraati» yee dawari.
Akaaziyaasi Iyoraami la"ara ha'rasi, Maganu hunasira hedino doogooti. Akaaziyaasi hakkiichira iillanni hee'renni, Iyoraami ledo Nimishi beettiwa Iyuwa mari. Iyuno Akiaabi maate gudanno gede Kaaliiqi buurinosi manchooti.
«Tsiyooni Ilaali qullaawu aana moote'yano moohisi'roommo» yii.
Yoo soojjaatinninna galchiminni, woy aliyyenninna wodiidinni didagganno.
Kaaliiqi Qiroosi doodhi; daga gashshanno gede wori; mootoolla mulqanno gede soyinosi. Mittu nafa gatikkinni, katammate waalchuwa baala fanannosi. Kaaliiqi Qiroosira,
Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.
Konne coye hirqitinori, jawaatte agartannori qullaawa sokkaasineeti; kuni ikkinohu, Wo'munkura Aliidi Magani, gashshootu baalu aana wolqa afi'rinota, mannu baalunku afanno gedeeti. Gashshooteno isi baxinohura aanno; minshoonnirirano roorre aanno› yii.
Mannu mereerinni baxxite dubbu moyichi ledo hee'ratto; lamalu diri sa"a geeshsha handu gede hayisso itatto. Kuni ikkannohuno Wo'munkura Aliidi Magani mannu gashshooti baalu aana roorre afi'rinotanna gashshooteno baxisinosihura aannota afatto geeshshaati› yitanno huuro gordunni daggu.
Hakkunni gedensaanni Saamueeli buudaho noo zayite haa're, Saaooli umira duni. Saaoolino sunqe, «Mannasi gashshatto gede Kaaliiqi buuranni noohe.
Kaaliiqi buxisanno; qoleno duroonsanno; shollishanno; qoleno gotti gotti assanno.
Isi buxicho buluulu aaninni kayisanno; gadadaamo ishinu giddonni fushshanno. Ayirraddu ledo ofoshshiishannosi; ayirrinyu barcimano ragisiisannosi. Baattote safo Kaaliiqite; kalqeno kunni xinti aana worino.