LAYINKI MOOTOOLLA 9:32 - Qullaawa Maxaafa

³² Iyuno iima hige lae qoonqosi naggi asse, «Ane garo ikkannohu ayeti?» yii. Lame, sase ikkitannori mootete mini roorrooti masikootenniwa shiqqi yite iso la'u.

LAYINKI MOOTOOLLA 9:32 ပူးပေါင်းရင်းမြစ်များ

LAYINKI MOOTOOLLA 9:31

Iyu huxxu waalcho sae eanni hee'reenna, «Koo Zimiiri! ate mootichakki shoottoha kawiira mayi abbihe?» yite cancitu.

LAYINKI MOOTOOLLA 9:33

Iyuno, «Elzaabeeli woro qoltine tugge!» yii. Insano uulla qolte tuggeenna, mundeese kaatte huxxunna faradu aana ubbu. Isino faradonna faradi gaare reeshshise aanaanni gani.

LAYINKI MOOTOOLLA 9:7

Atino mootichikki Akiaabi maate shiteenna, ani qole himanaano'yanna wole soqqamaano'ya shitinota Elzaabeeli rabbisi'reemmo.

UMI DUDUWO 12:18

Gedensaanni sajjooho roorricha ikkinohura Amaasayira Maganu Ayyaani dirrisi. Isino, «Isseyi beetto Daawiti! Ninke ate haleeti. Ateranna halekkira qinoo'ne; Maganuno hale ikkohe» yee qoonqosi naggi asse coyi'ri. Daawitino insa hagiidhe adhe olantote roorroota assinsa.

LAYINKI DUDUWO 11:12

Qoleno baalante katammara wonqonna urde duune lowo geeshsha jawaachishi. Kunni garinni Yihudanna Biiniyaami gashshoote umisire assi'ri.

ASTEERI 1:10

Ji'la hananfihunni lamalki barra moote Arxekisiisi woyinete xajje age duuwe hee're, Mehumaani, Biizita, Harboona Biigita, Abagita, Zetaarinna Karkaasi yinannire lamalanta mureeyye woshshe,

ASTEERI 2:15

Kunni garinni Asteerirano mootenniwa martanno yanna iillituse. Wosiilise beetti Merdookiyoosi ilasi gede asse lossinoti Abihayili beetto Asteeri illete baxissannote. Iserano mootenniwa eate bado iillituseta, doorroonni meenti hee'ranno minira roorricha ikkinohu Hegayi kulinosere ikkinnina wolere adhite dihadhino.

ASTEERI 2:21

Merdookiyoosi mootete qaera loosanni noo yannara, mootete minira waalchuwa agartannori Gebetanna Taara yinanni mureeyye moote Arxekisiisi shaate gano gantino.

FAARSO 118:6

Kaaliiqi ledo'ya hee're kaa'lannoe daafira, diwaajjeemmo; mannu assannoeri dino.

FAARSO 94:16

Bushuullu albaanni anera golamannoehu nooni? Bunshe assitannori ledo ane daafira coyi'ramannohu ayeti?

FULO 32:26

qachu furchora uurre, «Kaaliiqiha ikkinohu baalu anewa dayo!» yii. Hatto yiita Leewaawootu baalunku isiwa shiqqi yitu.

SOQQAMAASINETE LOOSO 12:20

Heeroodisi Xiroosinna Sidoonu mannira lowo geeshsha hanqe no. Insa mitteenni dagge mootete ledo gashshaanchi Bilasixoosi mootete ledo araarsannonsa gede xa'midhu. Isino maahoyye yiinsahu gedensaanni moote araara xa'midhu. Hatto assitinohu gobbansa sagale afidhannohu mootete gashshooti giddonni ikkinohuraati.