LAYINKI MOOTOOLLA 9:13 - Qullaawa Maxaafa

¹³ Hakkawoyintenni ledosiri olu hajajaano aanaanni uddidhino imaana fushshite kaxxe fulanno dirimi aana kartu. Isono hakko uurranno gede assite xurumba ufuuffanni, «Iyu moohino» yite lallabbu.

LAYINKI MOOTOOLLA 9:13 ပူးပေါင်းရင်းမြစ်များ

LAYINKI SAAMUEELI 15:10

Ikkollana, «Buudu xurumba ufuunfanni woyite, ‹Abeseloomi Kebirooni moohino› » yaanno manna maaxe Israeelete ga're baala soyi.

UMI MOOTOOLLA 1:25

Kune techo Adooniyaasi lowo woraamma, harditino wodhanna ge'reewo gorre kakkalino. Jilahono oosokki, olantokki roorrootanna qeesicha Abiyaataari woshshino. Xa kune ittanninna agganni, ‹Moote Adooniyaasi seeda diro hee'ro!› yite weeddissanni no.

UMI MOOTOOLLA 1:34

Hakkunni gedensaanni qeesichu Saadooqinna himanaanchu Naataani buurte Israeelete moote assitosina. Buudu xurumbano ufuuffine naggi yitino qoonqonni, ‹Moote Selemooni seeda diro hee'ri!› yiiyye.

UMI MOOTOOLLA 1:39

Qeesichu Saadooqi, Qullaawu Dukkani giddonni buurranni zayite haa're Selemooni buuri. Mannuno buudu xurumba ufuufanni naggi yitino qoonqonni, «Moote Selemooni seeda diro hee'ri!» yii.

LAYINKI MOOTOOLLA 11:12

Hakkunni gedensaanni Yoodahe mootete beetto Iyoaasi haa're abbe ayirrinyu ba'latto umoho worisi; gashshootu seera amaddino borrono uyisi. Kunni garinni Iyoaasi buurre moohinsi. Mannuno qoonqonsa naggi asse anga gananni, «Seeda diro moohi!» yii.

LAYINKI MOOTOOLLA 11:14

Hakkiichira iillitanno woyite haaru moote budu garinni Qullaawu Mini waalchira noo mokkollichi mule uurre nooha affu. Isono olu hajajaanonna xurumba ufuuffannori dukkisse noosi; mannu baalunku hagiidhe ilillisanni xurumba ufuufanni no. Ataaliyano masse uddanose darte, «Tini ganote! Tini ganote!» yite cancitu.

LAYINKI MOOTOOLLA 9:12

Insano, «Dogganni noottonkena, halaale coyi'ri» yitusi. Iyuno, «Kaaliiqi, ‹Israeelete moote ikkatto gede buuroommohe› yiino yee kulinoe» yiinsa.

FAARSO 98:6

Suusullenna buudu xurumba ufuuffinanni, Kaaliiqi mootenkera ilillisse.

LUQAASI 19:36

Isi gulufe ha'ranni hee'reenna mannu uddanna abbe doogote aana kari.