LAYINKI MOOTOOLLA 8:20 - Qullaawa Maxaafa

²⁰ Iyoraami yannara, Edoomi Yihudaho hajajama giwe umisi gashshoote uurrisi'rino.

LAYINKI MOOTOOLLA 8:20 ပူးပေါင်းရင်းမြစ်များ

KALAQAMA 27:40

Bagadaancho ikkatto; rodiikkirano borojjicho ikkatto; giwittoro kayinni gadadishshisiwiinni fulatto» yiisi.

LAYINKI SAAMUEELI 8:14

Edoomi gobba baalate olanto kunseentannowa seekki. Edoomootu baalu Daawiti angara higgu. Kaaliiqino Daawiti mariwa baala qeellenniha assisi.

UMI MOOTOOLLA 22:47

Hatte yannara Edoomi gobbara moote dino. Kunnira Yihudu moote lekkasi asse worinohu gashshino.

UMI MOOTOOLLA 22:48

Moote Iyosaafiixi baara tayisse Ofeeri culka abbitannosi markabba seekkisiisi'rino. Ikkollana markabba Etsiyoonigabiiri yinanni malkara hiiqqantino daafira ha'ra didandiitino.

LAYINKI MOOTOOLLA 14:7

Amesiyaasi, Maxinete Lagichira 10,000 Edoomoota shii. Seelai yinanni katama amade su'ma soorre, Yoqixieeli yii. Xaa geeshshano hakko su'minni woshshinanni.

LAYINKI MOOTOOLLA 3:26

Moaabi moote qeelamanni noota afe, bise suxxitinore 700 manna hoodete adhe diinu dira tayise fule Sooriyu mootewa xooqara wo'naali; ikkollana diqiniinosi.

LAYINKI MOOTOOLLA 3:27

Hakkunni gedensaanni dargasi amade moohannoha bayira beettosi kinchu huxxi aana Moaabi maganira shilqote kakkalo asse shiqishi. Israeelete mannino lowo geeshsha mase katama agure gobbasi higi.

LAYINKI MOOTOOLLA 3:9

Kunnira Israeelete moote, Yihudu mootenna Edoomi moote mitteenni gaadoho hadhu. Lamala barra halallittennita seeda doogo gaangaabbe hadhuhu gedensaanni olantonsanna saadansa agganno waa hooggu.

LAYINKI MOOTOOLLA 8:22

Edoomi gosa hatte yannanni kayisse Yihudaho gara gibbu. Libina Katami mannino hajajama giwi.