LAYINKI MOOTOOLLA 8:16 - Qullaawa Maxaafa

¹⁶ Akiaabi beetti Iyoraami Israeelete moohihunni ontikki diro, Iyosaafiixi beetti Iyoraami Yihudaho moohino.

LAYINKI MOOTOOLLA 8:16 ပူးပေါင်းရင်းမြစ်များ

UMI MOOTOOLLA 22:42

Isino 35 dirisinni moohe, Yerusaalame teesso assi're 25 diro gashshino. Azuuba yinanniti amasi Shilihi beettooti.

UMI MOOTOOLLA 22:44

Iyosaafiixi Israeelete moote ledo namoome hee'rino.

UMI MOOTOOLLA 22:50

Iyosaafiixino annuwasinte gede reenna, Daawiti Katamira annuwasi waammawa madaarroonnisi. Beettisi Iyoraami isi darga moohi.

UMI MOOTOOLLA 22:51

Iyosaafiixi Yihudaho moohihunni tonaa lamalki diro, Akiaabi beetti Akaaziyaasi Israeelete moohi. Samaariya teesso assi're Israeele 2 diro gashshino.

LAYINKI MOOTOOLLA 1:17

Akaaziyaasi Kaaliiqi Eeliyaasi widoonni qole coyi'rino garinni reyi. Akaaziyaasira labballi ooso noosikkihura, rodiisi Iyoraami isi darga moohi. Kuni ikkinohu Iyosaafiixi beetti Iyoraami Yihudaho moohihunni layinki dirooti.

LAYINKI MOOTOOLLA 11:2

Mitte Yihosheeba yinanniti Iyoraami beetto Akaaziyaasi rodoo no. Ise shinanna gattinori Akaaziyaasi ooso giddonni mitticho Iyoaasi yinanni beetto awuutosi ledo massite Qullaawu Mini mule noohura gallanni minira maaxxino.

LAYINKI MOOTOOLLA 3:1

Yihudu moote Iyosaafiixi moohihunni tonaa settikki diro, Akiaabi beetti Iyoraami Israeelete moohi. Samaariya teesso assi're 12 diro gashshino.

LAYINKI MOOTOOLLA 8:25

Israeelete moote Akiaabi beetti Iyoraami moohihunni tonaa layinki diro, Iyoraami beetti Akaaziyaasi Yihudaho moohino.

LAYINKI DUDUWO 22:1

Arabete gosa gaadde dagge Akaaziyaasi calla agurranna Iyoraami ooso baalanta shite guddino. Kunnira, Yerusaalamete manni Akaaziyaasi Yihudaho moohisi.