LAYINKI MOOTOOLLA 7:8 - Qullaawa Maxaafa

⁸ Taraawannoha gogu dhibba afidhinori shoolunku manchi Sooriyootu qachi qooxeessa iillituhu gedensaanni, mittu dukkani giddora e'e afidhino sagale itte agge ka'e birra, culkanna imaana adhite massite maaxidhu. Xaano galagalte higge wolu dukkani giddora e'e adhitinore massite maaxidhu.

LAYINKI MOOTOOLLA 7:8 ပူးပေါင်းရင်းမြစ်များ

LAYINKI MOOTOOLLA 5:24

Elsai noowa iillituta, Giyaazi soqqaamaanote anganni lamenka ogoro haa're minira eessi. Ni"imaani soqqamaano ha'rise,

LAYINKI MOOTOOLLA 7:9

Hakkunni gedensaanni mimmitoho, «Assinoommo coyi dancha di"ikkino; kune techo lowo ba'raa'ra afi'noommo. Konne dancha duduwo maaxi'ra dihasiissannonke; sooda geeshsha konne ba'raa'ra kullummokkinni keeshshinummoro qorichishammeemmona, amme xaanni marre mootete minira kullona» yitu.

ISAYAASI 33:23

Manni'ne diilallo golanno shari shoshshoggeenna, ha'ra hooggino markaawe gede ikkino. Jajja'ne baala gudhinanni; naaffinori nafa dagge saantanno.

ERMIYAASI 41:8

Kunni manni giddonni 10 manni, «Loosu giddo qamade, hayixe, ejersu zayitenna malawo maanxoommona ballo shitootinke» yite Ismaeeli huuccidhu. Isino shiikkinni agurinsa.

MAATEWOOSI 13:44

Yesuusi, «Gordu Gashshooti, loosu giddo maanxoonni jiro lawanno. Mittu manchi tenne jiro afi're kae wirri asse maaxi. Lowo geeshsha hagiidhino daafira ha're noosire baala hire mare hakkonne bayicho hidhi» yii.

MAATEWOOSI 25:18

Mitto kume birra adhihu kayinni, ha're mootichu woxe baatto ume madaari.

IYYAASU 7:21

afi'noommo uduunni giddonni seyinoha Baabiloonootu kaabba, 2 kiilo keenanno geeshshiha kinchu birranna kiilote darate ikkannoha micciirote culka laoommo; yorsiisinoe daafira adhoommo. Kore, birra woroonni wore dukkani'ya giddo waameenna no» yii.