LAYINKI MOOTOOLLA 7:13 - Qullaawa Maxaafa

¹³ Ledosi gashshaano giddonni mittu, «Kunni katami giddo noo mannino reyotenni gatannoha di"ikkinona, gatino faradi giddonni 5 farashsho uyine, shiima manna konne coye buuxanno gede sonko» yee mala abbi.

LAYINKI MOOTOOLLA 7:13 ပူးပေါင်းရင်းမြစ်များ

LAYINKI MOOTOOLLA 5:13

Ni"imaani soqqamaano kayinni, «Mootichanke! Himanaanchu hakkiinni roore kaajjado coye assi yoommehero diassatto? Kulinohe garinni hayishshidhe dhibbunni hura loworeetini?» yitusi.

LAYINKI MOOTOOLLA 6:33

Elsai geerraho coyi're gudikkinni, moote daye, «Konne qarra abbinonkehu Kaaliiqaati. Kunni ka'a Kaaliiqi ma"assaera agadheemmo?» yii.

LAYINKI MOOTOOLLA 7:12

Moote hashsha kae ledosi gashshaanora, «Sooriyootu assitinore kuleemmo'nena macciishshe! Hudi'noommota affino daafira, ninke sagale hasi'rate fulleemmo woyite, lubbotenni hee'neennanni qafadde katamanke adhitara yite qachinsanni fulte gobbaanni maaxantino» yii.

LAYINKI MOOTOOLLA 7:14

Kunnira shiima manna doortu; mooteno hakku manni 2 faradi gaarenni mare Sooriyu olanto ikkitinore buuxe daanno gede hajaji.

LAYINKI MOOTOOLLA 7:4

Katama ea kaa'litannonkeri dino. Hakkiira e'nummoro hude shitannonke; kawiicho keeshshinummorono reyanke digattinote. Kunnira amme ka'e Sooriyootu qacha ha'nona; marartunkero hee'neemmo; shitunkerono reyantella» yitu.

ERMIYAASI 14:18

Xawo fuleemmo woyite reyino manni reeshsha afeemmo; katama e"eemmo woyiteno hude guddanni noo manna laeemmo; himanaanonna qeesootu kayinni ikkinore affannokkiha, loosonsa loosidhanno» yee kuloommonsa.

ERMIYAASI QURTO 4:9

Gedensaanni sagale hoogge, hudetenni sununni reyitinorinni, bagadu shiinori woyyate.