LAYINKI MOOTOOLLA 5:8 - Qullaawa Maxaafa

⁸ Maganu manchi Elsai ikkino coye baala macciishshe Israeelete mootera, «Uddanokki mayira daritto? Mancho anewa soyi; anino Israeelete himanaanchu noota leellisheemmosina!» yii.

LAYINKI MOOTOOLLA 5:8 ပူးပေါင်းရင်းမြစ်များ

LAYINKI SAAMUEELI 3:31

Daawiti, Iyoaabinna ledosi noo manni baalu uddanonsa dare, xiddu uddano uddi're Abeneerira wi'lanno gede hajaji. Moote Daawitino reeshsha geegiisse ledo ha'ri.

UMI MOOTOOLLA 12:22

Ikkollana Maganu himanaanchu Shemaiyara,

UMI MOOTOOLLA 17:24

Iseno, «Ati Maganu mancho ikkoottotanna Kaaliiqino ate afiira coyi'rannota xa afoomma» yitu.

LAYINKI MOOTOOLLA 1:6

Insano dawarte, «Doogote xaandoommohu mittu manchi galagalle atewa hingeemmo gedenna Kaaliiqi yiinore kulleemmohe gede hajajinonke. Isino, ‹Israeelete Maganu hoogeennaatini Eqirooni maganiwa Bielizebuuliwa manna soqqittohu? Kunnira reyattota ikkinnina digatatto yitine kullesi› yiinonke» yitu.

LAYINKI MOOTOOLLA 5:15

Hakkunni gedensaanni Ni"imaani hoodesi noo manni ledo galagale Elsaiwa daye albasiinni uurre, «Gobba baalate Israeelete Magani callu Magano ikkinota xa buuxoommo. Kunnira, ballo ane soqqamaanchikkiwiinni afansha adhi» yiisi.

LAYINKI MOOTOOLLA 5:3

Tini beetto mitto barra mootittesera, «Mootichi'ya Samaariyaho noo himanaanchiwalla maroommero kunni dhibbinni huranno» yitu.

LAYINKI MOOTOOLLA 5:7

Israeelete mooteno borrote sokka nabbabanni hee'renni mase uddanosi dare, «Sooriyu moote konne mancho hurseemmo gede hiitto asse hedanno? Ani gatisatenna shaate Magano ikkeennaatini konne mancho hursammora soyinoehu? Togo assinohu ane hasiisara yeeti!» yii.

LAYINKI MOOTOOLLA 5:9

Kunnira Ni"imaani faradi gaaresira ofolle Elsai minira e'nanni waalchira mare uurri.

FULO 11:8

Museno, «Ledokki gashshaano baalu dagge woxarattannoe; manna'ya adhe ha'reemmo gede huuccidhannoe; hakkunni gedensaanni ha'reemmo» yee hasaawasi gudi; tenne coyi'rihu gedensaanni, lowo geeshsha hanqe Feriooni albinni fule ha'ri.

HIZIQEELI 2:5

Hakko haxawarrooti macciishshituherono macciishsha gibbuherono, giddonsa himanaanchu noota affanno.

HOOSEI 12:13

Kaaliiqi soyino himanaanchi widoonni qole Israeelete manna Gibitsetenni massage fushshino. Hakkunni himanaanchi widoonni qoleno towatinonsa.

ROOMU SOKKA 11:13

Xa coyi'reemmohu ki'ne dagateeti. Ki'ne soqqamaasincho ikka'yanni, soqqansho'yanni lowo ayirrinyi leellannoe.

UMI SAAMUEELI 9:6

Soqqamaanchu kayinni, «Hanni agari! Kunni katamira mittu ayirradu Maganu manchi no; isi coyi'riri baalu wo'manno; harreno hiikko afi'neemmoro kulannonkena amo isiwa marrona» yii.