LAYINKI MOOTOOLLA 5:26 - Qullaawa Maxaafa

²⁶ Elsai kayinni, «Hakku manchi ate ledo xaadara faradi gaarete aaninni dirri woyite ayyaanunni ate ledo noommota diafootto? Woxenna uddano, zayitete ejersanna woyine kaasi'nanni darga, ge'reewonna lalo, labbaahanna meya soqqamaano adhinanni yanna ikkitinoni?

LAYINKI MOOTOOLLA 5:26 ပူးပေါင်းရင်းမြစ်များ

KALAQAMA 14:23

‹Abiraami ani duroonsoommosi› yaattokki gede wolu gateenna mitto heqicha woy koattete usuraancho nafa ikkiro atere mittoreno diadheemmo.

LAYINKI MOOTOOLLA 5:16

Elsaino, «Soqqameemmosihu Heeshshote Kaaliiqi afanna, mittoreno diadheemmo» yii. Ni"imaani afansha adhanno gede eegame huucci'rino; Elsai kayinni adha giwi.

LAYINKI MOOTOOLLA 6:12

Insa giddonni mittu, «Moote! Ninke giddo hattoo coye assannohu dino; ma'nakkira heedhe coyi'rattori nafa gatikkinni Israeelete mootera kulannohu himanaanchu Elsaiiti» yee dawari.

FAARSO 63:11

Moote kayinni, Maganu assinore lae hagiidhanno; Maganu su'minni hexxo uyitannori, iso galattanno; kapho coyi'ranno afii kayinni beewanno.

LAWISHSHA 12:19

Kaphu shiima yannalla keeshshanno; halaalu kayinni hegerera hee'ranno.

LAWISHSHA 12:22

Kaaliiqi kapho coyidhannore giwanno; halaalaasine kayinni baxannonsa.

ERMIYAASI 45:5

Woluwiinni bade atera addire assammohera hasi'rootto? Konne coye agadhitooti; ani mannu baalu aana qarra abbammoraati. Woliri hoogirono marittowa baala reyattokki gede agareemmohe. Konne coye coyi'roommohu ani Kaaliiqaati› yiino yite kulisi» yiinoe.

HAGE 1:4

«Manna'ya, ane mini diigame hee'reenna, ki'ne biiffino minnara hee'ra garahoni?

MAATEWOOSI 10:8

Dhiwantinore hurse; reyitinore kayisse; taraawannoha gogu dhibba afidhinore keereense; durriisano fushshe. Calla adhitinoonnire calla uuyye.

SOQQAMAASINETE LOOSO 20:33

Ani mittuwiinnino womaashsha, culkanna imaana yore diegennoommo.

SOQQAMAASINETE LOOSO 20:35

Mootichu Yesuusi, ‹Adhannonkunni aannohu ba'raa'rinoho› yiinonte gede, angankenni loonse wolqa hoogginore kaa'la hasiissannonketa batinye doogonni kuloommo'ne» yii.

SOQQAMAASINETE LOOSO 5:9

Pheexiroosi, «Maganu Ayyaana jifate mayira sumuu yitini? Kuneeti, galtekki madaare higino manni nafara no. Ateno masse madaarannohe» yiise.

UMI QORONTOOSI 5:3

Ani ki'newiinni fafe hee'rummoro nafa, ayyaanunni ledo'ne noommo. Kunnira, ledo'ne noommohu gede ikke, togoo batte loosino manchi aana Mootichu Yesuusi su'minni xa yoo yoommo.

QOLASIYAASI SOKKA 2:5

Ki'newiinni fafe hee'rummoro nafa, Qullaawu Ayyaaninni ledo'ne noommo. Dancha amanyoote'nenna Kiristoosira noo'neta jawaata ammana'ne lae hagiidhoommo.