LAYINKI MOOTOOLLA 5:16 - Qullaawa Maxaafa

¹⁶ Elsaino, «Soqqameemmosihu Heeshshote Kaaliiqi afanna, mittoreno diadheemmo» yii. Ni"imaani afansha adhanno gede eegame huucci'rino; Elsai kayinni adha giwi.

LAYINKI MOOTOOLLA 5:16 ပူးပေါင်းရင်းမြစ်များ

UMI MOOTOOLLA 13:8

Maganu manchi kayinni, «Jirokkinni taaloote badde uyiteennae nafa ledokki diha'reemmo; sagaleno di"iteemmo; waano diageemmo.

UMI MOOTOOLLA 17:1

Geleaadi gobbara Tishibi yinanniwa ilaminohu himanaanchu Eeliyaasi Akiaabira, «Soqqameemmosihu Israeelete Magani Kaaliiqi afanna, ani coyi'reenna ikka geeshsha 2 woy 3 diri geeshsha baattote aana loju woy xeenu dihee'ranno» yiisi.

UMI MOOTOOLLA 18:15

Eeliyaasino, «Soqqameemmosihu Olantote Mootichi Kaaliiqi halaali afanna, techo ani moote Akiaabira leelleemmo» yee dawarisi.

LAYINKI MOOTOOLLA 3:14

Elsaino, «Soqqameemmosihu Olantote Mootichi Kaaliiqi afanna, Yihudu moote Iyosaafiixi daafira yeenna ikkinnina, atera mittoreno assa dihasiisannoe.

LAYINKI MOOTOOLLA 5:20

Elsai soqqamaanchi Giyaazi, «Mootichi'ya hakku Sooriyichu abbino afansha adhannohu gatino; Heeshshote Kaaliiqi halaaleeti, rahe hordofe iille angasinni mittoricho adha hasiissannoe» yee hedi.

LAYINKI MOOTOOLLA 5:26

Elsai kayinni, «Hakku manchi ate ledo xaadara faradi gaarete aaninni dirri woyite ayyaanunni ate ledo noommota diafootto? Woxenna uddano, zayitete ejersanna woyine kaasi'nanni darga, ge'reewonna lalo, labbaahanna meya soqqamaano adhinanni yanna ikkitinoni?

DAANIEELI 5:17

Daanieelino, «Moote'ya! Afanshikki atenkalla ikko; ba'raasattoera hedoottoreno woleho uyi. Borro kayinni nabbawe tiro kuleemmohe.

MAATEWOOSI 10:8

Dhiwantinore hurse; reyitinore kayisse; taraawannoha gogu dhibba afidhinore keereense; durriisano fushshe. Calla adhitinoonnire calla uuyye.

UMI QORONTOOSI 6:12

Baalankare fajjinoonnie; baalunkuri kayinni kaa'lannoha di"ikkino. Baalankare fajjinoonnie; ikkirono, ani mitturirano borojjicho di"ikkeemmo.

LAYINKI QORONTOOSI 12:14

Ki'newa daate qixxaawanna tini sayikkite. Duha ikkammo'nera dihasi'reemmo. Ani ki'ne ikkinnina woxe'ne dihasi'reemmo. Oosonsara woxe miinjitannori iltinonsareeti ikkinnina ooso iltinonsarira woxe dimiinjitanno.