LAYINKI MOOTOOLLA 4:1 - Qullaawa Maxaafa

¹ Himanaanote gaamo giddoha galtese shiidhinoti mitte gunnitte mancho Elsaiwa dagge, «Mooticha'ya! Ayiddaanni'ya reyino; afittonte gede isi Kaaliiqa waajjanno manchooti; xa kayinni kune isira woxe liqiissinohu mittu manchi daye lamenta ooso'ya borojje assi'rara hasi'rino» yite ku'litu.

LAYINKI MOOTOOLLA 4:1 ပူးပေါင်းရင်းမြစ်များ

KALAQAMA 22:12

Isino, «Beettokki kissooti; aanasi mittoreno assitooti; mitticho beettokki dimararootto; Magano ayirrasattohanna isira hajajamattoha ikkoottotano xa afoommo» yiisi.

UMI MOOTOOLLA 18:3

Moote Akiaabino mootete mini roorricha Abidiyu woshshi. (Abidiyu Kaaliiqa lowo geeshsha waajjanno manchooti.

UMI MOOTOOLLA 20:35

Shiima yanna gedensaanni, himanaanote giddonni mittu Kaaliiqi hajajino garinni mitto ledosi himanaancho, «Ganie» yii. Ku'u kayinni gana giwi.

LAYINKI MOOTOOLLA 2:15

Iyyaarkonni dagginori 50 himanaano iso affe, «Eeliyaasi ayyaani Elsaira saino» yitu. Insano isiwa shiqqi yite albasiinni ubbe keere haadhe,

LAYINKI MOOTOOLLA 2:3

Beeteli heedhannori himanaanote gaamo Elsaiwa dagge, «Kaaliiqi mootichakki Eeliyaasi techo atewiinni bade haa're ha'rannota afootto?» yitusi. Elsai qole, «Ee afoommona, ki'ne sammi yiiyye!» yiinsa.

LAYINKI MOOTOOLLA 2:5

Iyyaarko heedhannoti himanaanote gaamono Elsaiwa dagge, «Kaaliiqi mootichakki techo atewiinni bade haa're ha'rannota afootto?» yitusi. Elsaino daware, «Ee afoommona, ki'ne sammi yiiyye» yiinsa.

LAYINKI MOOTOOLLA 2:7

Himanaanote giddonni 50 insa hoode Yordaanoosi hadhu; Eeliyaasinna Elsai marte Yordaanoosi Wayiwa iillituta, himanaano kayinni insawiinni shiima geeshsha faffe uurritu.

LAYINKI MOOTOOLLA 4:38

Gobbate hude ubbe heedheenna mitto barra Elsai galagale Galgala higi. Himanaanote ledo songe hee're soqqamaanchosi, «Lowo midaano haadhe kunni mannira sagale booso worinsa!» yiisi.

LAYINKI MOOTOOLLA 6:9

Elsaino Israeelete mootera, «Sooriyootu gaa'lite agarte noohe daafira hakka higge martooti!» yee sokka soyisi.

NEHIMIYA 10:31

Wole daga Fooliishshote Barra woy ayirrinsanni barra uduunnenna gide hirtara ninkewa haadhe abbituro, dihidhineemmo; lamalki diro baatto diloosi'neemmo; liqiissinoommo asale diyaa'nineemmo.

NEHIMIYA 7:2

Anino Yerusaalamete Katama gashshitannore 2 manna doorummo. Insano ane rodii Hanaaniitinna qiishote roorricha ikkinohu Hanaaniyaati. Hanaaniya halaalaanchohonna Magano waajjate taalamannosihu nookki manchooti.

FAARSO 103:11

Gordu baattotewiinni xeerti'rinohu geeshsha, Kaaliiqi waajjitannosirira bagamannokkiha baxillesi hatto asse halashshi.

FAARSO 103:17

Kaaliiqi kayinni waajjitannosirira baalaho, hegere geeshsha bagamannokkiha baxillesi leellishannonsa; keeraanchimmasino ilamate ilamara iillishanno.

FAARSO 115:13

Waajjitannosire, jajjabbano ikko shiimmaadda baalanka maassi'ranno.

FAARSO 147:11

Isi ayirrissannosirinninna, bagamannokki baxillesi addaxxitannorinni hagiidhanno.

LAWISHSHA 22:7

Dureessu buxane gashshanno; liqii'rannohu liqiissannohura borojjicho ikkanno.

ROSIISAANCHO 12:13

Coyi baalunku gumulo kuneetina, macciishshino. Kuni mannu wo'munkura hasiisinohona, Magano ayirrisi; hajajosino agadhi.

ROSIISAANCHO 8:12

Cubbaataammu xibbe higge cubbo loossanni seeda diro heedhuro nafa, halaalunni Magano waajjitannorira kayinni woyyannonsata afoommo.

ISAYAASI 50:1

Kaaliiqi, «Galtesi fushshe hunanno manchi gede, ani ki'ne manna'ya fushshe hunoommoha lawi'ne? Hatto ikkiro fushshe ha'risa'ya kultanno taje hiikko nooyya? Mannu oososi borojjimmate hirannohu gede, anino ki'ne qafadote hire aguroommoha lawi'ne? Ki'ne qafadantinoonnihu cubbi'nenniiti; darantinoonnihuno assitinoonni saonniiti.

ERMIYAASI 34:14

Kunni gondoori garinni, Ibiraawootu borojji noonsari baalu 6 diro loosiisidhuhu gedensaanni lamalki diro borojjimmatenni fushshitannonsa gede hajajoommonsa. Ikkollana akaakkansa hajajantaeranna yoommore macciishshitara dihasidhino.

LEEWAAWOOTA 25:48

hiramihu gedensaanni wondasira dandiinanni. Kunnira ayiddisi giddonni mittu,

MILKIYAASI 3:16

Hatte yannara Kaaliiqa waajjitannorinna su'masi ayirrissannori insa insanaawa hasaabbu. Isino macca insa widira qoli; coyidhinoreno macciishshi. Hawantannokki gede su'mansa maxaafisira borreessi.

MILKIYAASI 4:2

Hajajantinannierira ki'nera kayinni gatote arrishsho fultanno'ne; qolteno hursitanno'ne. Ki'neno fafisidhine usurunni tirroonni siitti gede ikkitine burraaqqinanni.

MAATEWOOSI 18:25

Kuni borojjichi asale baaxxa hooginohura isono, galtesino, oososinna noosire baala hirre asalesi baantanni gede mootichisi hajaji.

MAATEWOOSI 18:30

Isi kayinni giwe, amade haa're birrasi baata geeshsha usurame keeshshanno gede assi.

MAATEWOOSI 18:35

«Ki'neno, mitti mitti'ne rodii'nera wodani'nenni sao agura hoogginiro, gordoho hee'rannohu Anni'ya ki'ne saono diaguranno'ne» yii.

SOQQAMAASINETE LOOSO 13:26

«Ki'ne roduuwa'ya, Abirihaami sirchinni ilantinoonnirinna Magano waajjitinanni daga baala, kuni gatote qaali dayinohu ninkeraati.

YAIQOOBI 2:13

Maganu yoo, sao agurannokkihura saosi diagurtanno; ikkirono maaro yoo qeeltanno.

YOHAANNIS AJUUJA 15:4

Mooticha'ya, ate waajjannokkihunna su'makki ayirrisannokkihu ayeti? Qullaawu ate callaati. Halaalunniti yookki xawo fultino daafira, gosa baala dagge albakkiinni magansidhannohe» yite faarsitu.

YOHAANNIS AJUUJA 19:5

Hakkunni gedensaanni, «Iso waajjitinanniri soqqamaanosi baalu, jajjabbunna shiimmaaddu, Maganonke galatte!» yitanno huuro ayirradu barcimiwiinni fultu.

RUUTI 1:3

Elimeleeki reyi. Naoomino lamente oosose ledo calla gattu.

UMI SAAMUEELI 22:2

Kadantinori, asalu noonsarinna injo bushshinonsari mitteenni 400 ikkanno manni isiwa shiqi; isino sooreessansa ikki.