LAYINKI MOOTOOLLA 3:19 - Qullaawa Maxaafa

¹⁹ Qiinshoonnitanna woyyitino katammansa baala angara qo'litinanni. Laaltannota haqqensa baala kartine guddinanni; bu'ansa wo'manta beeshshitinanni; loosidhannotera shaqqado baattora kinna duuntinanni» yii.

LAYINKI MOOTOOLLA 3:19 ပူးပေါင်းရင်းမြစ်များ

KALAQAMA 21:19

Maganuno illese faneenna, wayi buicho affu; marte maaqqete waa wonshite abbite qaaqqoho hayikkissu.

LAYINKI MOOTOOLLA 13:17

«Soojjaati masikoote fani» yiisi. Mooteno masikoote fani. Elsaino, «Worbicho facci assite aguri!» yiisi. Moote worbicho facci asse aguranni hee'reennanni Elsai, «Ati Kaaliiqi worbichooti! Kaaliiqi ate widoonni qole Sooriyoota qeelanno. Atino Sooriyoota gudatto geeshsha Afeeqi Katamira qasatto» yii.

LAYINKI MOOTOOLLA 3:25

Katammansa diigganni, mittu mittunku Israeelichi loosi'nannitera shaqqado baatto baalate kinna tuganna baatto gudisante kinna calla ikkitu. Bu'a baala beeshshitu; laalanno haqqa baala karte guddu. Goofimarchoho Qiirihereesi yinannihu dannawu katami callu gatino; isirano corqaayye anga adhitino olanto doyissite bala tuggu.

KIIRO 24:17

«Xaare ikkikkinni albillittennire laeemmo; mulire ikkikkinni xeertonnire illachisheemmo. Israeelete gosa laeemmo; hattenne gosa giddonni, moote bakkalchu gede ikke fulanno. Moaabi roorroota gananno; Seeti sircho baala cancananno.

EJJEETTO 6:16

Kaaliiqino, «Addintanni ani ledokki hee'reemmo. Midiyaamoota mittu manchi gede assite ganatto» yiisi.

UMI SAAMUEELI 15:3

Xa marte, Amaaleqoota qasi. Noonsare baala: Labbaaha, meyata, oosonna qaaqquulle, lalonna ge'reewo, gaalanna harre mittono gatisittokkinni co'o assite gudi› yiinohe» yiisi.

UMI SAAMUEELI 23:2

Daawitino, «Kore Filisxeemoota mare qasoni?» yee Kaaliiqa xa'mi. Kaaliiqino, «Eena marte qasse, Qeila gatisi» yee dawarisi.