LAYINKI MOOTOOLLA 24:3 - Qullaawa Maxaafa

³ Kuni coyi ikkinohuno moote Minaase loosino cubbi baalu daafira Yihudu manna albisinni hunate Kaaliiqi hajajino coyi wo'manno gedeeti.

LAYINKI MOOTOOLLA 24:3 ပူးပေါင်းရင်းမြစ်များ

KALAQAMA 50:20

Ki'ne busha coye heddinierono, Maganu kayinni techo la'nanninte gede lowo manna gatisate danchummate qolino.

LAYINKI MOOTOOLLA 17:18

Kaaliiqi Israeelete lowo geeshsha hanqe, Yihuda agure insa co'o asse huni.

LAYINKI MOOTOOLLA 17:20

Kunnira, Kaaliiqi Israeelete manna baala facci asse agurino. Albisinni co'o asse hunannohura mararannokki diinira sayise aatenni qorichishinonsa.

LAYINKI MOOTOOLLA 17:23

Kaaliiqi soqqamaanosi himanaanote widoonni qole kulinonsa garinni, albisinni co'o asse huninsa. Israeelete manni qafadame Asoori gobba ha'rinohu kunni garinniiti.

LAYINKI MOOTOOLLA 18:25

Anino tenne gobba qasatenna horrate Kaaliiqi fajjikkinni dayommoha lawinohe? Tenne gobba gaade daye gudeemmo gede hajajinoehu umisi Kaaliiqaatiwe!› yitine kullesi» yii.

LAYINKI MOOTOOLLA 21:16

Minaase Yihudu manni cubbo loose Kaaliiqa dadillisanno gede assatenni sae, keeraano lowo manna shee Yerusaalamete doogga mundee calla assino.

LAYINKI MOOTOOLLA 24:20

Kaaliiqi Yerusaalamennihanna Yihudu manna hanqe albisinni huni. Moote Sedeqiyaasino Baabilooni moote Nabukadanatsoorira mokkookki.

LAYINKI DUDUWO 24:24

Sooriyu olanto kiiro shiimate. Yihudu manni akaakkansa Magano Kaaliiqa agurino daafira, Kaaliiqi lowota Yihudu olanto qeelantanno gede assino. Iyoaasino hakko garinni qorichishino.

LAYINKI DUDUWO 25:16

Himanaanchu coyi're gudikkinni Amesiyaasi, «Ate mootete amaalaancho mamoote assinummohe? Xa sammi diyaatto? Giwittoro sheemmohe?» yiisi. Himanaanchuno shiima yanna taxxi yiihu gedensaanni, «Konne coye assakkiranna ane amaale adha giwakkira Maganu hunahera kainota afoommo» yii.

FULO 20:5

Kaphu magannara kumbuultinoonte; insano magansidhinoonte. Ani hinaasaancho Maganootina, gibbannoerira sasenna shoole ilama geeshsha annuwate cubbo oosote iillisheemmo.

ISAYAASI 45:7

Tunsichonna xawaabba kalaqeemmo; gadadonna qawaaxxo abbeemmo. Konne baala asseemmohu ani Kaaliiqaati.

ERMIYAASI 32:31

Kuni katami xintaminkunni kayise techo geeshsha giddosi hee'ranno manni hanqise aarsinoe daafira, katama hunate murci'roommo.

ERMIYAASI 52:28

Nabukadanatsoori qafade haa're ha'rino manni kiiro aante noote: moohihunni lamalki diro 3,023 manna qafadino.

HIZIQEELI 22:3

Kunni katamira ani Mootichu Kaaliiqi yeemmori konneeti: Umikkiha lowo manna shoottohuranna kaphu maganna magansi'ratenni umokki batteessoottohura baokki barri iillino.

HIZIQEELI 24:6

Mootichu Kaaliiqi, «Manna shitannori katamira aanne'e! Kuni katami, xillu aaninni ka"annokki dissite gedeeho; giddo noo maala shiimuno gatikkinni gudinse haa'nanni.

AMOOTSI 3:6

Katamu giddo, olaho kakkayisate, xurumba ufuunfanna macciishshe, waajje huxi'rannokkihu nooni? Kaaliiqi hajajikkinni qarru daannoni?

MIKIYAASI 2:10

Ka'e hadhe; kuni bayichi cubbi'nenni kainohunni battaawe bainohura kunni ka'a kawiicho keerunni hee'ra didandiitinanni.

MARRO 28:63

Kaaliiqi ki'ne duroonsatenninna kiiro'ne batisatenni hagiidhinte gede, ki'ne hunatenninna heedhinannikki gede assatenni hagiidhanno. Ragidhinara e'inanni gobbanni buqqisanno'ne.

MARRO 29:28

Kaaliiqi lowo geeshsha hanqe baattonsa aaninni buqqise wole baattora masse tuginonsa. Kuneeti xa techo geeshsha hakkiicho no› yitanno.

IYYAASU 23:15

Ikkollana, isi mitte mittenta hexxo wonshino'nente gede, gara gibbinanni yannara aana'ne qoricha dirrisanno.