LAYINKI MOOTOOLLA 24:2 - Qullaawa Maxaafa

² Kaaliiqi soqqamaanosi himanaanote widoonni qole Yihuda hunate coyi'rino coyi wo'manno gede horritannore Baabiloonoota, Sooriyoota, Moaabootanna Amoonoota Iyoaaqeemi aana kayisi.

LAYINKI MOOTOOLLA 24:2 ပူးပေါင်းရင်းမြစ်များ

LAYINKI MOOTOOLLA 20:17

Atetinna techo geeshsha akaakkakki duuntinoti mootimmate mine noo jiro baala mitturino gatikkinni mucuqqi yite Baabilooni hadhanno yanna dagganno.

LAYINKI MOOTOOLLA 22:16

‹Ani Israeelete Magani Kaaliiqi Yihudu mootera nabbambi maxaafi giddo borreessinoonni garinni Yerusaalamenna giddose noo manna baala qorichisheemmo.

LAYINKI MOOTOOLLA 23:27

Kunnira Kaaliiqi, «Yihudano Israeele hunummo gede asse huneemmo; Yihudu mannano albi'yanni hooleemmo; doodhoommoha Yerusaalamete Katamanna, ‹Konniicho magansi'nannie› yoommoha Qullaawa Mineno agureemmo» yii.

LAYINKI MOOTOOLLA 6:23

Kunnira Israeelete moote lowo jila jile itisihunna hayikkisihu gedensaanni, galagalte mootensawa hadhanno gede assinsa. Hatte yannanni kayisse Sooriyootu Israeele kissukkinni keeshshitu.

LAYINKI DUDUWO 33:11

Kunnira Kaaliiqi Asoori olanto Yihuda horritanno gede assi. Olantono Minaase qafadde sanosira qoroora gante camote cagaagenni usurte Baabilooni haadhe hadhu.

IYYOOBI 1:17

Hakkuno coyi'ranni hee'reenna wolu daye, «Keledootu 3 gaamo ikkite dagge bala tugge, gaalla adhite hadhino. Soqqamaanokkino shite guddino. Ani calli'ya gate fule kulammohera dayommo» yiisi.

ISAYAASI 13:5

Insano qaccetenni xeerto gobbanni daggannoreeti; Kaaliiqino gobba baala gudate olantosi qixxeessino.

ISAYAASI 28:19

Lolahu dayi kiironni adhe sa"anno'ne; wo'manka woyite hashshanna barra haa're ha'ranno'ne» yaanno. Kaaliiqiwiinni macciishshitinanni sokka baala waajjille naqqanno'ne.

ISAYAASI 7:17

Israeele Yihuduwiinni baxxituhunni kayise anfe egenninoonnikki qarri ate, mannikkinna mootete mini annikkihu aana daanno. Kaaliiqino Sooriyu moote ki'ne gawajjanno gede soyanno» yii.

ERMIYAASI 12:9

Doodhoommohu manni'ya, moyichu itanna gatinohanna, allaatte dooyyitanni noo cage lawanno. Daye itona, dubbu moyicho baala woshshe.

ERMIYAASI 25:1

Yihudu moote Iyosiyaasi beetti Iyoaaqeemi moohihunni shoolki diro, Baabilooni moote Nabukadanatsoori moohihunni umi diro, Kaaliiqi anera:

ERMIYAASI 25:9

‹Kune aliyye mannanna borojjicho'ya Nabukadanatsoori woshsheemmo. Insano tenne baattora noo mannanna qooxeessaho noore baala guddanno gede asseemmo; la"annohu baalu waajje afoo cu'mi'ranno gede asseemmonsa.

ERMIYAASI 26:20

Qiriyaati-Yiariimi Katamira hee'rannohu mittu Shemaiya beetti Ooriyo yinanni manchi no. Kuni manchino Ermiyaasi kunni katamiranna kunni gashshootira bao daggannota Kaaliiqi su'minni himanino.

ERMIYAASI 26:6

Yoommota ikkitinannikkiha ikkiro, konne mine Seelo assummo gede asseenna konne katamano baattote aana noo gosa baala rumonniha assite kiirtanno» yii.

ERMIYAASI 32:28

Kunnira ani Kaaliiqi konne katama Baabiloonootunna mootensa Nabukadanatsoori amaddanno gede sayise insara eemmo.

ERMIYAASI 35:11

Ikkollana Baabilooni moote Nabukadanatsoori daye tenne gobba amadi yannara, Baabilooninna Sooriyu olantowiinni xoonqe Yerusaalame daate hendoommo. Kunnira, kune dange Yerusaalamete hee'noommo» yitu.

ERMIYAASI 52:28

Nabukadanatsoori qafade haa're ha'rino manni kiiro aante noote: moohihunni lamalki diro 3,023 manna qafadino.

ERMIYAASI QURTO 1:17

Tsiyooni kaa'lo afi'rate anga fa'nitino; ikkollana sheshifachishannoseha diafidhino; Israeele, gaangaawisera noo gosa qassanno gede Kaaliiqi hajajino. Yerusaalameno insa giddo battete gede kiirantino.

HIZIQEELI 19:8

Daga iso qasate gamba yitu; mannu baalu dargu dargunkunni dayi; ugaaxennita woshshaadonsa worte amaddusi.

HIZIQEELI 23:23

Baabiloonootanna Keledoota baala abbeemmo; Feqoodi, Shoaaninna Qoaani labballonna Asooroota baala haa're abbeemmo. Wedella, biiffino ejjeettonna olu hajajaano, jajjabba roorrootanna lowo ayirrinye afidhinore faradaasine kawiira gamba asseemmo.

MIKIYAASI 3:12

Kunnira, ki'nenni kainohunni Yerusaalamete Katami loosi'nanni darga ikke gatanno. Diigame duuno ikkanno. Qullaawu Mini minamino ilaalino dubbo ikkanno.

IMBAAQOOMI 1:6

Kune insaha ikkinokkire ragidhara gobba baala doyitannore, haxawarranna muddamaasine Baabilooni gosa aana'ne kayiseemmo.