LAYINKI MOOTOOLLA 21:9 - Qullaawa Maxaafa

⁹ Yihudu manni kayinni Kaaliiqi hajajo dimacciishshino. Minaaseno Kaaliiqi albinsanni shorre huni gosa assitinotenni roore bunshe loossanno gede assinonsa.

LAYINKI MOOTOOLLA 21:9 ပူးပေါင်းရင်းမြစ်များ

UMI MOOTOOLLA 14:16

Iyorbiaami cubbo loose Israeeleno cubbu giddora eessino daafira Kaaliiqi Israeele aguranno» yii.

LAYINKI MOOTOOLLA 16:3

Israeelete mootoolla assitino bunshe assino. Ilino beetto nafa kaphu magannara shilqote kakkalo asse shiqishino. Hatto assinohu, Israeele baatto amaddu waro Kaaliiqi albinsanni shorre hunino daga assitannoha tiyyi'nanni coye ha'runseeti.

LAYINKI MOOTOOLLA 21:10

Kaaliiqi soqqamaanosi himanaanote widoonni qole,

LAYINKI DUDUWO 33:9

Minaase kayinni Yihudunna Yerusaalamete manni, Kaaliiqi Israeelete albinni shorre huni gosa assitinohunni roore bunshe loosanno gede assino.

LAYINKI DUDUWO 36:16

Israeelete manni kayinni soyino manna qacifatino; himanaano oso'lanni qaalesino lashshi asse agurino. Kunninni kainohunni gatte affannokkihu Kaaliiqihu lowo hanqi aanansa dirrino.

NEHIMIYA 9:26

«Mannikki kayinni atera haxawarre, qaalikkira hajajama giwino; seerakkino macciishsha giwate badhe wodhino. Qorophisiisse atewa higganno gede kultinonsata himanaanokki shiino; yanna yannantenni ate su'ma xonsiisatenni dieemaramino.

FAARSO 12:8

Mannu busha coye ayirrisanno yannara, bushu manni hasi'ri gede ikkanno.

FAARSO 81:10

Gibitsete gobbanni fushshummo'nehu ani Kaaliiqi Magano'neeti; wonsheemmo'nena afoo'ne halashshitine fanne.

LAWISHSHA 29:12

Gashshaanchu kaphu coye macciishshannoha ikkiro, isira woroonni gashshitinori baalu bushuulle ikkitanno.

HIZIQEELI 11:12

Seera'yanna woga'ya diigatenni ollii'nera noo manni seeranna woga wonshitinoonnihura, qorichishoommo'nehu ani Kaaliiqa ikkoommota affinanni» yii.

HIZIQEELI 16:47

Hoodensa hadhe insa assitannore assatenni digalfatootta? Roorenka shiima yanna gedensaanni assootta coyi baalunkunni insa dansoottata ikkootta.

HIZIQEELI 22:3

Kunni katamira ani Mootichu Kaaliiqi yeemmori konneeti: Umikkiha lowo manna shoottohuranna kaphu maganna magansi'ratenni umokki batteessoottohura baokki barri iillino.

HIZIQEELI 5:6

Yerusaalame kayinni, haxawarrite anera hajajama gibbe, qooxeessisera noo gosanni roore bushshino. Yerusaalame hajajo'ya mishshino; seera'yano wonsha gibbino.

HIZIQEELI 5:7

Ki'ne Yerusaalamete manni, ani Mootichu Kaaliiqi yeemmo'neta macciishshe: Seera'yanna hajajo'ya wonsha giwatenni, gaangaawi'nera noo manninni roore qarra kalaqqinoonni. Wole gosa assitannore assitinoonni.

DAANIEELI 9:6

Mootoollankera, gashshaanonkera, akaakkankeranna gobbate aana noo manni baalaho su'mikkinni coyidhinori soqqamaanokki himanaano yitinore dimacciishshinoommo.

HOOSEI 5:11

Israeele mittore nafa aate dandiitannokkiriwiinni kaa'lo afi'rate insawa alba higgino daafira, shetto amaddinonsa. Uminsa amado ikkitino baattono hooggino.

LUQAASI 13:34

«Yerusaalame, Yerusaalame, himanaano shaattati, atewa sonkoonnireno kinnatenni awwaalattati, lukkicho caacurrese qoolise giddo hanqafidhannohu gede, oosokki me"e hige hanqafammora hasi'rummo. Atinna mannikki kayinni dihasidhinoonni.

YOHAANNISI 15:22

Ani daye kula hoogoommonsaro, cubbo di"ikkannonsa. Xa kayinni, cubbo loosansara ku'lite gattannori dinonsa.

YAIQOOBI 4:17

Kunnira, afanni hee're dancha coye assa giwannohura cubbo ikkannosi.

YOHAANNIS AJUUJA 2:20

Ikkollana mittu misheemmohe coyi no. Hakkuno, «Ani himanaanchote» yitannota Eelzaabeeli sammi yite agurootto; ise soqqamaano'ya foortannonna kaphu magannara kakkalloonni sagale ittanno gede assite so'risiissanno manchooti.

UMI SAAMUEELI 8:19

Mannu kayinni Saamueeli yiinota macciishsha giwe, «Dee'ni, ninke moote hasi'neemmo.