LAYINKI MOOTOOLLA 2:6 - Qullaawa Maxaafa

⁶ Hakkunni gedensaanni Eeliyaasi Elsai, «Kaaliiqi Yordaanoosi Wayiwa ha'reemmo gede hajajinoena, ati kawiicho agari!» yiisi. Elsai qole, «Atenna Heeshshote Kaaliiqi halaali afanna, ani atewiinni horonta baxxeemmokkita egensiiseemmohe» yii. Kunnira lamunku mitteenni hadhu.

LAYINKI MOOTOOLLA 2:6 ပူးပေါင်းရင်းမြစ်များ

KALAQAMA 22:6

Abirihaamino kakkalote giirranni haqqe beettisi Yisihaaqira duhisiisi; isi billawanna giira baccichoho haa'reenna lamunku mitteenni hadhu.

KALAQAMA 22:8

Abirihaamino, «Beetto'ya! Shilqote kakkalora ikkanno ge'recho Maganu qixxeessanno» yiisi. Lamunku mitteenni doogonsa hadhu.

LAYINKI MOOTOOLLA 2:2

Hadhanni heedheenna Eeliyaasi Elsaira, «Kaaliiqi ane Beeteli soyinoena, ati konne agari» yiisi. Elsai kayinni, «Atenna Heeshshote Kaaliiqi halaali afanna, ani atewiinni horonta baxxeemmokkita egensiiseemmohe» yiisi. Kunnira lamunku mitteenni Beeteli hadhu.

LAYINKI MOOTOOLLA 4:30

Qaaqqu ama kayinni Elsaira, «Atenna Heeshshote Kaaliiqi halaali afanna, horonta ate agure diha'reemma» yitu. Isino ledose ha'rara kai.

IYYAASU 3:8

Gondooru Taaboota dukkanno qeesooti wayi gamira iillitanno yannara, giddora e'e uurritanno gede kulinsa» yiisi.

RUUTI 1:16

Ruutino, «Atewiinni baxxe higeemma gede qarrissootie; ledokki ha'reemmana agurie. Ati ha'rattawa baala ha'reemma; ati hee'rattawa hee'reemma. Xaanni kayise mannikki manna'yaati; Maganikkino Magano'yaati.

UMI SAAMUEELI 1:26

Haannano Eelira, «Mooticha'ya, konniicho albakkiinni uurre Kaaliiqa huucci'rummata qaagatto? Hatti mancho aneetiwe.

UMI SAAMUEELI 20:3

Daawiti kayinni, «Ati baxattoeta annikki seekke egennino. Kunnira, ati afittoro dadillatto daafira konne coye afattokki gede assino. Heeshshote Kaaliiqinna ate halaali afanna, reyammora mitte qaafolla gattino» yee xaari.