LAYINKI MOOTOOLLA 2:4 - Qullaawa Maxaafa

⁴ Hakkunni gedensaanni Eeliyaasi, «Elsai, Kaaliiqi ane Iyyaarko soyinoena, ati kawiicho agari!» yiisi. Elsai kayinni, «Atenna Heeshshote Kaaliiqi halaali afanna, ani atewiinni horonta baxxeemmokkita egensiiseemmohe» yee dawari. Kunnira lamunku mitteenni Iyyaarko hadhu.

LAYINKI MOOTOOLLA 2:4 ပူးပေါင်းရင်းမြစ်များ

UMI MOOTOOLLA 16:34

Akiaabi yannara Beeteli ilaminohu Hieeli yinanni manchi Iyyaarko galagalche mini. Kaaliiqi Newe beetti Iyyaasu widoonni qole coyi'rino garinni Iyyaarkote gaata safi barra Aberooni yinannihu bayiru beettisi reyino. Huxxu waalchuwa seekki barra Seguubi yinannihu maa'nu beettisi reyino.

LAYINKI MOOTOOLLA 2:2

Hadhanni heedheenna Eeliyaasi Elsaira, «Kaaliiqi ane Beeteli soyinoena, ati konne agari» yiisi. Elsai kayinni, «Atenna Heeshshote Kaaliiqi halaali afanna, ani atewiinni horonta baxxeemmokkita egensiiseemmohe» yiisi. Kunnira lamunku mitteenni Beeteli hadhu.

LAYINKI MOOTOOLLA 4:30

Qaaqqu ama kayinni Elsaira, «Atenna Heeshshote Kaaliiqi halaali afanna, horonta ate agure diha'reemma» yitu. Isino ledose ha'rara kai.

LUQAASI 19:1

Yesuusi Iyyaarko Katama e"e giddoonni hige sae ha'ri.

SOQQAMAASINETE LOOSO 11:23

Isino mare Maganu mannaho uyino elto lae, lowo geeshsha hagiidhi. Baalunku wo'mu wodaninni kaajjite Mootichaho ammanante heedhanno gede kulinsa.

SOQQAMAASINETE LOOSO 2:42

Insano soqqamaasinete roso macciishshite, mitteenni heedhanni, sagale mitteenni ittanni, huuccattotennino jawaattu.

IYYAASU 6:1

Israeeloota waajjatenni kainohunni, Iyyaarkonniti huxxu waalchuwa cunfeenna agaraasine agarte no. Katama eano ikko, fula dandiinohu mittuno dino.

IYYAASU 6:26

Hatte yannara Iyyaasu, «Iyyaarkote katama galagalche minannohu hee'riro, Kaaliiqi rumo isi aana ikkitanno. Iso minate gaata darannohu, bayira beettosi hooganno. Waalchuwasi seekkannohuno, maa'nu beettisira reyo abbi'ranno» yee qorophisiisi.

RUUTI 1:16

Ruutino, «Atewiinni baxxe higeemma gede qarrissootie; ledokki ha'reemmana agurie. Ati ha'rattawa baala ha'reemma; ati hee'rattawa hee'reemma. Xaanni kayise mannikki manna'yaati; Maganikkino Magano'yaati.

UMI SAAMUEELI 1:26

Haannano Eelira, «Mooticha'ya, konniicho albakkiinni uurre Kaaliiqa huucci'rummata qaagatto? Hatti mancho aneetiwe.