LAYINKI MOOTOOLLA 2:14 - Qullaawa Maxaafa

¹⁴ Waano Eeliyaasi kaabbinni gane, «Eeliyaasi Magani Kaaliiqi hiikkiicho no?» yii. Waano lede ganita lamewa beehameenna widoonni fuli.

LAYINKI MOOTOOLLA 2:14 ပူးပေါင်းရင်းမြစ်များ

LAYINKI MOOTOOLLA 2:13

Hakkunni gedensaanni Eeliyaasiwiinni uwino kaabba uullanni haa'ri. Hakkiinni galagale hige Yordaanoosi Wayi gama mare uurri.

LAYINKI MOOTOOLLA 4:29

Elsaino Giyaazira, «Rakke ka'e siqqicho'ya haadhe dodi. Doogote manna keere haadhanni yanna huntooti; ayino keereho yaannahe dawaro qoltanni yanna guddooti; siqqicho'ya massite qaaqqu albi aana wori» yiisi.

FAARSO 115:2

«Daga Magani'ne mama no?» yitanni, mayira qacifattannonke?

FAARSO 42:10

Baarigaarra'ya wo'manka woyite, «Maganikki hiikko no?» yite yaachishshannae, manninati'ya yaaddotenni manii'ri.

FAARSO 42:2

«Mamoote iilleemma? Magani'ya albano mamoote laeemma?» yite, lubbo'ya heeshshote Magano goodhanno.

FULO 14:22

Israeelete mannino baaru giddoonni moola baatto kaxxanni sai; wayino guraanninna qiniiteenni gammalu gede ikke uurri.

ERMIYAASI 2:6

Ani insa wode, Gibitsete gobbanni fushshoommonsa; halallitte baattorano massagoommonsa; boonna batidhino baatto, moollenna qarru bati'rino darga, ayino hee'rannokkiwanna, milli yaannorichi nookki widoonni qole sayisoommonsa. Insa kayinni, ‹Togo assinke Magani hiikki?› yite dihasidhinoe.

IYUEELI 2:17

Kaaliiqi soqqamaano qeesootu, kakkalote dargira albaanni uurrite wi'litanni, «Kaaliiqanke ballo, mannakki marari; daga mishshanninna qacifattanni, ‹Maganinsa hiikko nooyya?› yitanni, arrassitannonsa gede assitooti» yitona.

MAARQOOSI 16:20

Rosaanosino hadhe base baalate Dancha Duduwo lallabbu. Mootichuno insa ledo loosanni no; maalale loossanno wolqa aatenni, sokkansa halaale ikkitinota buuxisanni no.

YOHAANNISI 14:12

Halaale kuleemmo'nena, ane ammaninohu ani looseemmo looso loosanno; hakkiinni saino looso nafa loosanno. Hatto loosa dandaannohu, ani Anni'yawa ha'reemmo daafiraati.

SOQQAMAASINETE LOOSO 2:33

Maganu qiniiteenni ofollara gordo ha'ri woyitenna Qullaawu Ayyaani hexxo Annuwiinni adhi yannara konne la'inannihanna macciishshitinanniha ninke aana dunino.

EJJEETTO 6:13

Gedewooni daware, «Mooticha'ya, Kaaliiqi ledonke hee'roommero kuni baalu qarri iillannonkeni? Annuwanke, ‹Kaaliiqi Gibitsete gobbanni fushshinonke› yitanna macciishshinoommo. Xa kayinni Kaaliiqi ninke callachishinonke. Midiyaamootu angara sayise uyinonke» yii.