LAYINKI MOOTOOLLA 19:1 - Qullaawa Maxaafa

¹ Moote Hiziqiyaasi konne coye macciishshe, dadillunni uddanosi dare, xiddu uddano uddi're Qullaawu Minira ha'ri.

LAYINKI MOOTOOLLA 19:1 ပူးပေါင်းရင်းမြစ်များ

KALAQAMA 37:34

Yaiqoobino dadillunni uddanosi dare, xiddu uddano uddi're beettisira lowo barra wi'li.

UMI MOOTOOLLA 21:27

Eeliyaasi coyi're gudanni hee'reennanni, Akiaabi uddanosi dare hune xiddu uddano uddi'ri. Sagaleno ita giwi. Xiddu uddano uddi'rino gedeenni goxanno. Yaaddote batinyinni umo heeshshi yee ha'ranno.

UMI MOOTOOLLA 21:29

«Akiaabi ane albaanni umosi shollishino gara laittoni? Togo ikkinota afanni hee're, isi lubbotenni hee'reenna konne qoomama diabbeemmo. Minisi manni daafira yoommo coye beettisi yannara asseemmo» yii.

LAYINKI MOOTOOLLA 18:37

Hakkunni gedensaanni, Eeliyaaqeemi, Shebinanna Yoaahi dadillunni uddanonsa dartu. Asoori gaadaanni yiinore baalano dagge moote Hiziqiyaasira kultusi.

LAYINKI MOOTOOLLA 5:7

Israeelete mooteno borrote sokka nabbabanni hee'renni mase uddanosi dare, «Sooriyu moote konne mancho hurseemmo gede hiitto asse hedanno? Ani gatisatenna shaate Magano ikkeennaatini konne mancho hursammora soyinoehu? Togo assinohu ane hasiisara yeeti!» yii.

LAYINKI MOOTOOLLA 6:30

Mooteno konne coye macciishshe mase uddanosi dari. Huxxu aana noo daafira mule noo manni, giddoonni uddi're noota xiddu uddano afi.

IZIRA 9:3

Anino konne coye macciishshummo yannara, dadille uddano'ya daroommo. Umo'yanna ereeda'ya cidhoommo. Lowo geeshsha mase woffi yee ofolloommo.

FAARSO 35:13

Ani kayinni insa xiwantu yannara lowo geeshsha dadilloommo; ita aga agure umo'ya goddaasoommo; umo'ya heeshshi asse insara huuccoommo.

ISAYAASI 37:37

Hakkunni gedensaanni Senaakireemi badhe hige xooqe Nennewe hee'ri.

ERMIYAASI 36:24

Mooteno ikko ledosi noo gashshaano konne qaale macciishshite horonta diwaajjitino; dadillitinota egensiisate imaanansano didartino.

YOONAASI 3:5

Nennewe mannino Maganu yiino coye ammani. Ita agano agure, cubbinsara gaabbinota egensiisate aja akkala yinikkinni baalunku xiddu uddano uddi'ri.

YOONAASI 3:8

Mannuno saadano baalunku xiddite, Maganunniwa higge raarto. Mannu baalunku bunshesinna xagarrosi aguro.

MAATEWOOSI 11:21

«Koraaziinira aanne'e; Beetesayidaho aanne'e; ki'ne giddo assinoonni maalale Xiroosinna Sidooni katammara assinoommero, hakkiicho hee'ranno manni xiddu uddano uddi're, buluulo aanaho giggishshi're, bi're albanni aagintaawe higinohu baino.

MAATEWOOSI 26:65

Hatte yannara Qeesootu Roorrichi hanqe uddanosi dare, «Kuneeti, Magano xonino! Ki'neno xonino xono macciishshitinoonni! Kawiichinni sa'ino naqaashshe mayira hasi'neemmo?

YOHAANNIS AJUUJA 11:3

Lamunku farci'raasine'ya xiddu uddano uddidhe, 1,260 barra sokka'ya kultanno gede soyemmo» yinie.

UMI SAAMUEELI 4:12

Hakko barra mittu Biiniyaamichi olu xawinni buuwanni Seelora kae dayi. Isino dadillesi leellishate uddanosi dare, umisira buko giggishshi're no.