LAYINKI MOOTOOLLA 18:4 - Qullaawa Maxaafa

⁴ Dagate maganna magansi'nanni darguwa diigino; sooddiyyeno hiiqqaqqino; Asheera mokkollono cancanino. Muse camotenni seekkinotera Nehushita yinanni misile hamashshunnitera mannu hixaana giirino daafira cancane hunino.

LAYINKI MOOTOOLLA 18:4 ပူးပေါင်းရင်းမြစ်များ

UMI MOOTOOLLA 22:43

Iyosaafiixi annisi Aasa gede Kaaliiqi baxanno coye assino; ka'anna kawa dihigino. Ikkollana kaphu maganna magansi'rate gaarrate aana seekkinoonni darguwa didiigino. Kunnira mannu hakkiicho kakkalanna hixaana giira diagurino.

LAYINKI MOOTOOLLA 10:26

kinchunni seekkinoonnita Ba"aali misile fushshite giirtu.

LAYINKI MOOTOOLLA 11:18

Hakkunni gedensaanni baalunku marte Ba"aali galma diiggu; kakkalote darganna misilla baala cancantu; Maataani yinanniha Ba"aali qeesichano kakkalote dargira albaanni shitu. Qeesichu Yoodahe Qullaawa Mine agartannore wori.

LAYINKI MOOTOOLLA 12:3

Ikkollana gaarrate aana noota magansi'nanni darguwa diiginokki daafira, mannu hakkiichira mare hixaananna kakkalo shiqisha diagurino.

LAYINKI MOOTOOLLA 14:4

Gaarrate aana seekkinoonnita dagate maganna magansi'nanni darguwa didiigino; mannuno gaarrate aana kakkalanna hixaana giira diagurino.

LAYINKI MOOTOOLLA 15:35

Ikkeennano gaarrate aana noota dagate maganna magansi'nanni darguwa didiigino. Mannuno hakkiicho kakkalanna hixaana giira diagurino. Qullaawu Miniha aliyye waalcho seekkisiisinohuno isooti.

LAYINKI MOOTOOLLA 15:4

Ikkollana gaarrate aana noota dagate maganna magansi'nanni darguwa didiigino; mannuno hakkiicho kakkalanna hixaana giira diagurino.

LAYINKI MOOTOOLLA 16:15

Hakkunni gedensaanni Ooriyo, «Kunni haaru jawu ane uduunnichi kakkalonnihu guto shiqinshannita shilqote kakkalo, hawarro shiqinshanniha gidu fushshaate, mootetenna mannu daafira shiqinshannita shilqote kakkalonna gidu fushshaate, mannu daafira shiqinshanniha anganniri fushshaate dunnanniwa assi. Kakkallanni saada mundee baala isi aana duni. Camotenni seekkinoonnihu kakkalote uduunnichinni kayinni ani masaa'leemmo» yii.

LAYINKI MOOTOOLLA 18:22

Kaaliiqa Magano'ne hexxitinannita anera kultinannie? Yihudunna Yerusaalamete manni mitto darga calla magansi'ranno gede Maganoho kakkallanniwanna magansi'nanni darga baala diigoottohu Hiziqiyaasi ate di"ikkootto?

LAYINKI MOOTOOLLA 21:3

Annisi Hiziqiyaasi diige huninota daga magansidhanno gaarra aana galagalche kakkalote darguwa seekkino. Israeelete moote Akiaabi gede Ba"aali maganirano kakkallanni darguwa seekke, Asheera mokkollichono uurrisino; gordu beeddahe baala magansi'rino.

LAYINKI MOOTOOLLA 23:14

Iyosiyaasi sooddiyye hiiqqaqqino; Asheera mokkollo cancanino; insa uurrinsoonni darga, reyino manni miqqa duuni.

LAYINKI MOOTOOLLA 23:4

Iyosiyaasi qeesootu roorricha Hiliqiya, kaa'litannosi qeesootanna Qullaawu Mini agaraasine Ba"aalita, Asheeratanna beeddahe magansi'rate shiqinshoonni uduunne baala Qullaawu Mininni fushshite huntanno gede hajaji. Mooteno hakkonne uduunne baalanka Yerusaalamete gobbaanni masse Qedirooni Lagichira giire buluulo Beeteli haa're ha'ri.

LAYINKI DUDUWO 19:3

Ikkirono giddokki danchu coyi no. Asheera mokkollo gobbakki aaninni hunte, Maganu hedinore assate diinaggaawootto» yiisi.

LAYINKI DUDUWO 31:1

Ayyaana ayirrisse ka'uhu gedensaanni, mannu wo'munku Yihudu katamma baala ha're kaphu magannata sooddiyye cancani. Asheera mokkollono hiiqqaqqi. Kakkalonsahanna daga magansidhanno gaarra diigi. Yihudu, Biiniyaami, Efireeminna Minaase gobbara noore kakkalote tulluwa baalano diigi. Hakkunni gedensaanni qae qaensa ha'ri.

LAYINKI DUDUWO 33:3

Annisi Hiziqiyaasi diige huninoha daga magansidhanno darga galagalche seekkino. Ba"aali maganirano kakkallanni darga seekke, Asheera maganorano mokkollo uurrisino; beeddaheno magansi'rino.

FAARSO 78:58

Gaaraho magansidhannowa hanqissinosi; seekkinoonni misillanni aarsitinosi.

FULO 23:24

Magannansa magansidhinoonte; qoltineno soqqantinoontensa; loosinsarano karsantinoonte. Magannansa co'o assitine hunne. Magansidhannota sooddiyyensano hiiqqaqqe.

FULO 34:13

Kakkalote darguwansa hiiqqaqqe; magansidhanno sooddiyye cancanne; Asheera yinanni maganota kakkalote mokkollo murmurre.

ISAYAASI 36:7

Asoori gaadaanni lede coyi'ranni, ati Kaaliiqa Maganokki hexxoottota kultanni nootto. Kayinnilla, Yihudunna Yerusaalamete manni mitto darga calla magansi'ranno gede Maganoho kakkallanniwanna magansi'nanni darga baala diigoottohu Hiziqiyaasi ate di"ikkootto?

LEEWAAWOOTA 26:30

Gaarunnita kumbuultinanni baseno diigeemmo; hixaana giidhitinanni uduunne huneemmo; reeshsha'neno hiiqqaqqantino maganna'ne aana tugeemmo; ki'neno tiyyi're giweemmo'ne.

MARRO 5:5

Ki'ne kayinni, giira waajjitine ilaalu iimira fula hoogginoonnihura, Kaaliiqi qaale kuleemmo'ne gede ki'nenna Kaaliiqi mereero uurroommo.

MARRO 7:5

Kunnira, assa hasiissanno'neri kunninni aane nooho: Kakka'litanno darga diigge; magansidhanno sooddiyye hiiqqaqqe. Asheera yinanni magano mokkollo murmurre; misillaseno cancanne.

EJJEETTO 6:25

Hakko hashsha Kaaliiqi Gedewooni, «Annikki hoshsha giddonni mitto middichanna wole 7 diri middicha haadhe, annikki Ba"aalira seekkinoha kakkalote darga diigganno gede assi. Mulesi noota Asheera mokkollicho murmurte tugi.

EJJEETTO 6:28

Hashshu soodeenna katamu manni goxinowiinni ka"anno woyite, Ba"aalihu kakkalote dargi diigame, mulesi noohu Asheera mokkollichino murmurame, haaro seekkinoonni darga layinki middichi kakkalame no.