LAYINKI MOOTOOLLA 17:4 - Qullaawa Maxaafa

⁴ Ikkollana shiimu diri gedensaanni, moote Hoosei Soi yinannihuwa Gibitsete mootewa manna soqqe kaa'lannosi gede xa'mi'ri. Asoori mootera diru dirunkunni aannoha mittu diri giwire kayinni uyikkinni saino. Seliminaasoori konne coye afe Hoosei amade usuri.

LAYINKI MOOTOOLLA 17:4 ပူးပေါင်းရင်းမြစ်များ

LAYINKI MOOTOOLLA 17:3

Asoori moote Seliminaasoori daye qasisi yannara qeelame anga ee, diru dirunkunni isira gabbaranni hee'rino.

LAYINKI MOOTOOLLA 17:5

Hakkunni gedensaanni Seliminaasoori Israeele qase Samaariya 3 diro doyisse amadi.

LAYINKI MOOTOOLLA 18:21

Kune Gibitse kaa'litannoe yite heddanni nootto. Gibitse hexxa fiinxaaraame shomboqqo siqqi'rate ledo mittete; fiinxaaraame shomboqqo siqqi'niro anga qassanno. Gibitsete moote hexxannohano hattoo coyi agadhannosi.

LAYINKI MOOTOOLLA 24:1

Iyoaaqeemi moohe noo yannara, Baabilooni moote Nabukadanatsoori Yihuda qase qeeli. Iyoaaqeemino 3 diro gabbarisihu gedensaanni isira badhe wodhi.

LAYINKI MOOTOOLLA 24:20

Kaaliiqi Yerusaalamennihanna Yihudu manna hanqe albisinni huni. Moote Sedeqiyaasino Baabilooni moote Nabukadanatsoorira mokkookki.

LAYINKI MOOTOOLLA 25:7

Sedeqiyaasi illesinni la"anni hee'reenna oososi shini. Hakkunni gedensaanni Nabukadanatsoori lamenta illesi giddonni fushshine hunnanni gede assi. Angasinna lekkasino camote cagaagenni usurre Baabilooni haa'ne ha'ni.

LAYINKI DUDUWO 32:11

Hiziqiyaasi, ‹Maganinke Kaaliiqi Asoori moote anganni gatisannonke› yaanni hudenna goo'ro guddanno'ne gede asse so'risiisa'neraati.

HOOSEI 10:4

Gumiweelo ikkino coye coyidhanno; kaphu xaaronni gondooro e'anno. Kunninni kainohunni, halaale dawisa loosu giddo mu'rinohu harfaamu ishini gede ikkitanno.

HOOSEI 12:2

Kaaliiqira Yihudu manna abbooshshi'ranno coyi noosi. Yaiqoobi mannano qaafonsa garinni qorichishanno. Assitinohu bushu loosinsa deerrinni waagansa aanno.

HOOSEI 13:10

Ki'ne mootenna gashshaano eemmo'ne gede xa'midhinoonnie. Gatisanno'ne mootenna golantanno'ne gashshaanono hanniyya?

HOOSEI 8:10

Dagate woxe baaxxite eeganturono, mitteenni gamba asse qorichisheemmonsa. Asoori mootenna roorrootu kadde gashshitannonsa yannara, shettote batinyinni kainohunni raartanno.

MARRO 28:36

«Kaaliiqi ki'nenna mootoolla'ne assidhinoonnire, ki'nenna annuwa'ne affinoonnikkiwa manni gobba haa're ha'ranno. Hakkiicho martine haqqetenninna kinnatenni seekkinoonni maganna magansidhinanni.