LAYINKI MOOTOOLLA 17:23 - Qullaawa Maxaafa

²³ Kaaliiqi soqqamaanosi himanaanote widoonni qole kulinonsa garinni, albisinni co'o asse huninsa. Israeelete manni qafadame Asoori gobba ha'rinohu kunni garinniiti.

LAYINKI MOOTOOLLA 17:23 ပူးပေါင်းရင်းမြစ်များ

UMI MOOTOOLLA 13:2

Isino Kaaliiqi hajajinosi garinni hakkonne kakkalote darga dannisanni, «Kakkalote darga! Kakkalote darga! Kaaliiqi, ‹Kune Daawiti mine Iyosiyaasi yinanni beetti ilamanno. Isino gaarrate aana seekkinoonnitera kakkalote darguwara kakkaltanno qeesoota abbe ate aana gorranno. Miqqansano ate aana giiranno.

UMI MOOTOOLLA 14:16

Iyorbiaami cubbo loose Israeeleno cubbu giddora eessino daafira Kaaliiqi Israeele aguranno» yii.

UMI MOOTOOLLA 9:7

Israeele oommonsa gobbanni fushshe huneemmo. Magansi'naera yee qullaawa assoommoha konne mineno agureemmo. Gobba baalate hee'ranno manni Israeele haariimanni qacifatanno.

LAYINKI MOOTOOLLA 13:23

Kaaliiqi kayinni shaqqillisinni mararinonsata ikkinnina techo geeshsha albisinni dihuninonsa. Hatto assinohu Abirihaami, Yisihaaqinna Yaiqoobi ledo eino gondoori daafira yeeti.

LAYINKI MOOTOOLLA 17:13

Kaaliiqino Israeelenna Yihuda qorophisiisate soqqamaanosi himanaano soye, «Busha doogo'nenni higge; soqqamaasine'ya himanaanote widoonni qole akaakka'neranna ki'nera oommo hajajonna Seera agadhe» yee coyi'rino.

LAYINKI MOOTOOLLA 17:18

Kaaliiqi Israeelete lowo geeshsha hanqe, Yihuda agure insa co'o asse huni.

LAYINKI MOOTOOLLA 17:20

Kunnira, Kaaliiqi Israeelete manna baala facci asse agurino. Albisinni co'o asse hunannohura mararannokki diinira sayise aatenni qorichishinonsa.

LAYINKI MOOTOOLLA 17:22

Israeeleno Iyorbiaami loosino cubbo baala loossanni heedhinota ikkinnina agurte dihiggino.

LAYINKI MOOTOOLLA 17:6

Seliminaasoori, Hoosei moohihunni honsikki diro Samaariya qeele angara qo'li. Israeelete mannano qafade Asoorira haa're ha'ri. Insa giddonni gama Halaahi Katamira, gama Goozaani awuraajjira Haboori Wayi mule, woloota qole Medooni katammara heedhanno gede assi.

LAYINKI MOOTOOLLA 21:14

Gatinoha manna'ya diinu angara sayise ee agureemmo. Diinnansa baala mulqidhannonsa; jajjansano saantanno.

LAYINKI MOOTOOLLA 23:27

Kunnira Kaaliiqi, «Yihudano Israeele hunummo gede asse huneemmo; Yihudu mannano albi'yanni hooleemmo; doodhoommoha Yerusaalamete Katamanna, ‹Konniicho magansi'nannie› yoommoha Qullaawa Mineno agureemmo» yii.

LAYINKI MOOTOOLLA 24:3

Kuni coyi ikkinohuno moote Minaase loosino cubbi baalu daafira Yihudu manna albisinni hunate Kaaliiqi hajajino coyi wo'manno gedeeti.

LAYINKI MOOTOOLLA 25:21

Mooteno insa hakkiicho shiishiishi. Kunni garinni Yihudu manni gobbansanni qafadame ha'ri.

LAYINKI MOOTOOLLA 3:3

Ikkeennano Naabaaxi beetti Iyorbiaami gede Israeelete manna cubbu giddora eessino; isino hakko cubbiwiinni dibaxxino.

NEHIMIYA 9:32

«Maganonke Kaaliiqa ballo, ati jawaho, wolqaataamohonna ayirradoho! Baxillunniha gondoorokkino hegere geeshsha disoorratto. Asoori mootoolla ninke gadadisa hanaffu yannanni kayise, xaa geeshsha iillinonke qarri bati'rahona, ajishshe la'ooti. Mootoollankenna albisootinke qeesootinkenna himanaanonke, akaakkankenna manninke baalu addintanni shetino; ninke baalunku shentoommo garano qaagi.

FAARSO 51:13

Hakkunni gedensaanni, seera sa'annorira doogokki rosiiseemmo; cubbaataammuno atewa higganno.

ISAYAASI 7:8

Mayira yiniro, Sooriyu umi Demaasiqotella; Demaasiqote umino mootensa Retsiiniiti; Israeeleno 65 diri giddo diigante billa biinxa fultanno.

ERMIYAASI 52:3

Kunnira, Kaaliiqi Yerusaalametenna Yihudu manna albisinni shorre huni. Moote Sedeqiyaasino Baabilooni moote Nabukadanatsoorira mokkookki.

ERMIYAASI 7:15

Ki'ne Yihudu manna! Ilama'ne Israeelete manna gobba'yanni fushshe hunummonte gede, ki'neno gobba'yanni fushshe huneemmo. Konne coye coyi'roommohu ani Kaaliiqaati› » yii.

HOOSEI 12:3

Albihu anninsa Yaiqoobi amasi godowi giddo hee're lakkichu rodiisi ginde amadino. Lophihu gedensaannino Maganu ledo sharramino.

MIKIYAASI 1:5

Kuni baalu ikkannohu Israeelete manni cubbo loosatenni Magano dadillisinohuraati; Israeelete manni baora kaima ikkinohu ayeti? Jawiidi katamansa Samaariya di"ikkino? Yihudu manni kaphu maganna magansi'ratenni cubbo loosanno gede assinohuno ayeti? Yerusaalame di"ikkitino?

MIKIYAASI 1:6

Kunnira Maganu, «Mine diinge xawoho duunnoonni kinna gede asseemmose; woyine kaansanniwa ikkitanno; katamise giggilono lagicha qole duneemmo; xintaseno reqecci asseemmo.

MIKIYAASI 2:5

Baatto galagalte Kaaliiqi gosara aamantanno yannara ki'nera beehachu dihee'ranno'ne.

MARRO 32:20

Isino, ‹Mokkookkanna ammanantinokki ilama ikkitinohura, alba'ya insawiinni shawwu asseemmo; marte fultannowano afeemmo.

IYYAASU 23:13

ki'ne alba higgine qaaffini deerrinni, Magani'ne Kaaliiqi tenne daga albi'nenni fushshe shorrannokkita affe. Roorenka insa ki'nera woshshaadonna ubbinanni bale gede ikkitanno'ne; badhe'nera harfaame liche, ille'nera qasanno uta ikkitanno'ne. Magani'ne Kaaliiqi uyino'ne baatto danchate aaninni mittuno gattinikkinni fultine ba'ina geeshsha tini baala bao amaddanno'ne.

EJJEETTO 18:30

Hakkiicho Daani ga're Miika misilla uminsara uurrisidhe magansidhu. Muse beetti beetti, Gershoomi ilinohu Yoonaataani qeesimmatenni soqqaminsa. Israeele qafadantu barri geeshsha isi ilama qeesimmatenni soqqantanninsa heedhu.