LAYINKI MOOTOOLLA 17:14 - Qullaawa Maxaafa

¹⁴ Insa kayinni hajajama gibbino. Maganinsara Kaaliiqira ammanantinokkiri akaakkansa gede haxo mokkookkitino.

LAYINKI MOOTOOLLA 17:14 ပူးပေါင်းရင်းမြစ်များ

LAYINKI DUDUWO 24:19

Kaaliiqino mannu isiwa higanno gede qaagiissitannota himanaano soyino; himanaanono farcidhino. Insa kayinni dimacciishshitino.

LAYINKI DUDUWO 36:13

Moote Nabukadanatsoori ammanamannosi gede Maganu su'minni xaarsiisi'rinohu Sedeqiyaasi aanasi kai. Mokkookke wodana kaajje Israeelete Magani Kaaliiqiwano higa giwi.

NEHIMIYA 9:29

Seerikkiwa higganno gede qorophisiisoottonsa; seerakki agadha heeshshote doogo ikkituro nafa, insa kayinni, boo'natenninna haxawarrimmatenni seerakki wigidiidde tuggino. Atera badhe wodhite, wodanansano mokkookkisse macciishsha gibbinohe.

FAARSO 106:24

Maganu uyinonsa hexxo ammantinokki daafira, dancha baatto mishshu.

FAARSO 78:22

Kuni ikkinohuno, iso addaxxanna, gatisannonsatano ammana gibbinohuraati.

FAARSO 78:32

Hatto assanni hee'reennanni cubbo loosa diagurtino; assino maalalennino iso diaddaxxatino.

FAARSO 78:8

Albi akaakkansa gede haxawarrootanna maahoyye gibbinore di"ikkitanno; albiri kaajjite Magano diaddaxxitinoreeti; Maganohono ammanantino gedeenni diheedhino.

FULO 16:28

Kaaliiqi Musera, «Hajajo'yanna seera'ya macciishshitinannikkihu mamooti geeshshaati?

FULO 32:9

Kuni manni mokkookka ikkinota ani afoommo;

FULO 33:3

Adonna malawu lolakkanno gobba hadhe. Kayinnilla, ki'ne mokkookku wodanire ikkitinoonni daafira doogote aana gudeemmo'nekki gede, ani ledo'ne diha'reemmo» yii.

LAWISHSHA 29:1

Batinye hinge seejjineenna, mokkookke higa giwannohu, hurannokki gede ikke hedeweelcho hiiqqamanno.

ISAYAASI 48:4

Ki'ne higginannikkiha mokkookkitine, haxo siwiilu gede kaajjitinoonnire ikkitinoonnita afoommo.

ERMIYAASI 3:7

Konne baala assituhu gedensaanni, galagalte anewa higgannoha lawinoena, kayinnilla galagalte dihiggino. Mittoreno hexxinannikkiti rodoose Yihudu konne coye baala affino.

ERMIYAASI 34:14

Kunni gondoori garinni, Ibiraawootu borojji noonsari baalu 6 diro loosiisidhuhu gedensaanni lamalki diro borojjimmatenni fushshitannonsa gede hajajoommonsa. Ikkollana akaakkansa hajajantaeranna yoommore macciishshitara dihasidhino.

ERMIYAASI 7:26

Ikkollana macciishshinohunna wodana assinohu dino. Saimanka harrichu gede haxo mokkookkitine hettisantinannire ikkitinoonni.

HIZIQEELI 12:2

«Koo manchi beetto, ati hee'rattohu haxawarru manni mereerooti. Insa haxawarroota ikkansanni kainohunni ille heedheennansanni dila'anno; macca heedheennansanni dimacciishshitanno.

HIZIQEELI 2:3

«Koo manchi beetto, kuneeti Israeelete manniwa soyammoheraati. Insa xaa geeshsha Akaakkansa gede haxawarrootanna anewa higgannokkire ikkite no.

HIZIQEELI 3:19

Cubbaataamu qorophisiisseenna cubbisinni higa giwiro, cubbisinni kainohunni reyanno. Ati kayinni gatatto.

DAANIEELI 5:20

Ikkollana boonaleessa, hettisamaanchonna kakkacha ikkita, gaacheenisi mulqameenna ayirradu barcimisi aaninni dirrino.

HOOSEI 11:2

Kayinnilla manna'ya Israeele, anewa gamba yaanno gede woshshummo deerrinni, roorenka anewiinni fafino. Ba"aalira kakkalo shiqishatenninna, misillasirano hixaana giira diagurtino.

SOQQAMAASINETE LOOSO 7:51

Qoleno, «Ki'ne mokkookkootu wodananna macca beebbinoonniri! Ki'ne Annuwa'nente gede Qullaawa Ayyaana gibbinanni.

MARRO 1:32

«Tenne giddoonni kayinni Magano'ne Kaaliiqa diaddaxxitinoonni.

MARRO 31:27

Ki'ne baalunku mageeshshi geeshsha haxawarrootanna mokkookkoota ikkitinoonniro afoommo. Ani lubbotenni hee'reenna togo ikkitinoonniri, ani noommokki waro mageeshshi geeshsha haxawarritinanni ikka!

MARRO 9:13

«Qoleno Kaaliiqi, ‹Kuni manni haxo mokkookka ikkinota seekke afoommo.

IBIRAAWOOTA 3:12

Roduuwa'ya! Ki'ne mereero ayino heeshshote Maganiwiinni badannohu bushunna ammanannokki wodani hee'rannosikki gede qoropho.